Loading ...
Më në fund, ata erdhën, por jo ata që ftoi Rama.
Por, megjithë dramatizmin e momentit, duket se asgjë nuk ishte e papritur për Edi Ramën.
Pak metra më tutje, në një bojkot të shpallur një ditë më parë, një grup pedagogësh u nisën drejt bulevardit.
Mes tyre, shquante një kapelë. Sindikatën e drejtonin çifti, vajza dhe dhëndri i kryetarit të PD-së, Sali Berisha.
Ishin të njëjtët pedagogë që i prinin karrikethyerësve. Rama, si gjithmonë, kur vjen puna te protestat para Kryeministrisë, vë përpara gjithmonë gratë.
Pas një xhiroje nostalgjike deri te Ministria e Arsimit, ku policia kësaj radhe harxhoi vetëm pak ujë, protestuesit u kthyen sërish në bulevard. Ndryshe nga 7 ditët e tjera, këtë herë municionet në ditën e 8-të, mesa duket, kishin mbaruar. Por jo bateritë e celularëve.
Protesta në ditën e 8-të ishte më shumë blu dhe më e zbehtë. Më e rëndësishmja: me më pak njerëz.
Pasdite vonë, edhe doktori e kuptoi se protestës i duhej kthyer serioziteti. Në një pozicion dramatik në oborrin e selisë blu, ku dukej fotoja e tij e fundit kur kishte qenë në pushtet, ai deklaroi me seriozitet fundin e Edi Ramës.
Berisha, megjithatë, në mënyrën e tij, e arriti një fitore. Ai i mundi studentët, duke u marrë edhe atë që e fituan prej 7 ditësh: sheshin.
Ua mori ashtu siç di ai vetë, në mënyrën më qesharake të mundshme.
