Studentët kanë nisur ditën e tetë të protestave të tyre, e cila është lajmëruar prej tyre dhe më parë si një nga protestat më masive. Ata janë mbledhur në fakultetet përkatëse në Tiranë dhe marshuan drejt Ministrisë së Arsimit në orën 10:00.
Dita e sotme është dhe afati i fundit që studentët kanë vendosur ndaj qeverisë. Ata kërkojnë që të plotësohen të gjitha kërkesat e tyre deri në orën 16:00 ose përndryshe do të përshkallëzojnë protestën.
Ftesa për pjesëmarrje në protestë u ka shkuar edhe gjimnazistëve të vendit dhe qytetarëve të ndryshëm. Protestës masive të Tiranës pritet t’u bashkohen studentë nga Elbasani, Vlora, Shkodra, Korça.
Ditën e hënë, kryeministri Edi Rama kërkoi që të kishte dialog mes tij dhe studentëve, por këta të fundit kanë refuzuar duke mos pranuar asnjë negociatë pasi sipas tyre çdo përfaqësi do të ishte e manipulueshme nga pushteti./abcnews.al
