“Ngrin” Korça, akulli në rrugë vështirëson lëvizjen, banorët: Kemi frik, nëse bie bëhesh copë

schedule11:04 - 15 Janar, 2021

schedule 11:04 - 15 Janar, 2021

Temperaturat e ulëta të orëve të fundit dhe reshjet e borët kanë sjellë vështirësitë e para të lëvizjes së qytetarëve në Korçë.

Gazetarja Ledjona Xheladinaj raporton për abcnews.al se rrugët e ngrira dhe prezenca e akullit në bulevard për shkak se nuk është marrë asnjë masë për pastrimin e tyre kanë sjellë dhe vështirësitë e qytetarëve në lëvizje.

Banorët shprehen se është e vështirë të ecësh në rrugë me prezencë akulli pasi bashkia deri më tani nuk ka marrë asnjë masë.

 “Jam rrëzuar dje u bëra cop. Ti pastrojnë avash avash se ne i duam njëherësh. Bashkia nuk i pastron për një ditë duhet të ruhesh vetë”, shprehet një qytetar.

Ndërkohë qytetarët kërkojnë nga autoritetet përkatëse që të merren masa dhe të pastrohen rrugët se ndryshe është shumë e vështirë dhe e rrezikshme lëvizja.

“Më duhet që të iki në ambulancë për analizat por me duhet të iki me kujdes. Nëse bie jam e vetme skam njeri ndaj duhet të bëj shumë kujdes”, ka thënë një banore.

Ndërkohë një nga shitësit me pakicë për të normalizuar situatën e lëvizjes para biznesit të tij ka hedhur kripë.