Isa Mustafa: Kosova duhet të heqë tarifën, partneriteti me SHBA-në thelbësor

18:38 | 22/02/202018:380

Kryetari Lidhjes Demokratike të Kosovës, Isa Mustafa ka deklaruar se asnjë tarifë dhe asnjë reciprocitet nuk matet me peshën e partneritetit, sidomos me SHBA-të, por dhe me BE-në.

Përmes një postimi në rrjein social Facebook, ai thekson se aktualisht vërehet qartë se procesit të dialogut po i japin dinamikë dhe fuqi të veçantë SHBA-të me personalitetin e fuqishëm të Ambasadorit Grenwll.

“Kosova, për bindjen time, ka nevojë të shfrytëzojë këtë situatë për të përmbyllur dialogun me Serbinë. SHBA-të kanë qenë lidere të pavarësisë së Kosovës. Thënë shkurt, asnjë tarifë dhe asnjë reciprocitet nuk matet me peshën e partneritetit, sidomos me SHBA-të, por dhe me BE-në. Për këto arsye, vlerësoj se Kosova duhet të heqë tarifën, në mirëbesim me SHBA-të dhe BE-në. Kosova duhet të njoftojë partnerët tanë për të gjitha pengesat ekonomike, tregtare dhe politike, të cilat në periudhën në vazhdim duhet t’i heqë Serbia dhe Bosnja dhe Hercegovina, në mënyrë që pengesat reciproke të jenë zero; Vendet e BE-së do të duhej të hiqnin “tarifën e izolimit të qytetarëve të Kosovës”, ka shkruar Mustafa në facebook./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono