Ardhja e Jose Mourinhos ka krijuar një atmosferë shumë të mirë te Tottenham. Trajneri portugez debutoi me fitore në kampionat dhe Champions League, teksa lojtarët e Spurs i kanë dhënë fund krizës së rezultateve.
Disa lojtarëve u përfundon kontrata në fund të sezonit dhe largimi i tyre ishte i paevitueshëm. Gjithsesi, gjithçka ka ndryshuar në një kohë të shkurtër dhe tani flitet për rinovimin e tyre. BBC raporton se Jan Vertonghen dhe Toby Alderweireld dëshirojnë të zgjasin bashkëpunimin me klubin londinez.
![](https://abcnews.al/wp-content/uploads/2019/11/Alderweired-640x416.png)
Dy mbrojtësit belg ishin me një këmbë larg ekipit, por “Special One” ka arritur t’ua ndryshojë mendjen. Rinovimi ishte i pamundur deri pak ditë më parë, por shanset e firmosjes së kontratave të reja me Tottenham janë rritur shumë. /abcnews.al