Mjeku Flamur Topi: Me rritjen e temperaturave presim që të ulet numri i të prekurve nga koronavirusi

schedule14:04 - 26 March, 2020

schedule14:04 - 26 March, 2020

Në një lidhje më “Skype” doktori Flamur Topi ka folur për “ABC News” për situtatën e shkaktuar nga koronavirusi.

Sipas tij egziston mundësia që COVID-19 të largohet me rritjen e temperaturave.

“Me ngrohjen e kohës ka vërtet shumë shpresa që kurba jo vetëm të bjerë, por edhe të eliminohet. Ky virus ka një përhapje më të madhe, në përmasen e një pandemie”, tha Topi.

Sipas tij rënia e vigjilencës njerëzore, e shtetit, e institucioneve që duhet të kishin marrë masa në kohë pasoi edhe me përhapjen masive të tij.

Topi tha se nëse masat do të ishin marrë me kohë nuk do të ishim përballë kësaj situate. Ai gjithashtu u shpreh se bota u gjend e papërgatitur.

Më tej ai u shpreh se në një libër të publikuar vite më parë ka folur edhe për virusin SARS i cili sipas tij do të rikthehej edhe më i rrezikshëm.

“Askush nuk është në gjendje të japë një shpjegim të saktë për numrin e lartë të vdekjeve. Mjekësitë ranë në gjendje kolapsi dhe në këtë mënyrë fillojnë zgjedhjet ndërmjet pacientëvee, vendos se kujt duhet t i japësh përparësi.

Fëmijët për fat të mirë nuk janë të prekur nga ky virus, por duhet të tregojmë kujdes maksimal edhe për ta. Në asnjë mënyrë nuk duhet nënvlerësuar, edhe të rinjtë duhet të ndërgjgegjësohen, të tregohen më të kujdesshëm.

Kapacitetet jetësore të mushkërive nuk janë në gjendje për të përballuar koronavirusin ndaj edhe janë më të prekur. Njerëzit janë të izoluar në familje, por të moshuarit duhet të qëndrojnë në dhomën e tyre, të izoluar”, u shpreh ai.

Sai përket rasteve të cilat pacientët nuk kanë treguar historikun e tyre të udhëtimit ai u shpreh se mungesa e sinqeritetit është e dëmshme dhe mjaft e dënueshme sepse përkeqësojnë jetën e tyre dhe të familjarëve apo stafit mjekësor.

“Forconi focat mbrojtëse në trupin tuaj, vërtet viruset janë shumë të këqinj , por çdo organizëm ka një faktor të brendshëm luftarak

Është i rëndësishëm që gjumi të bëhet i mjaftueshëm, një ushqim të mirë

Kujdesi mbinjerëzor i mjekëve tanë ndoshta ka bërë që të mos kemi humbje të mëdha njerëzore”, tha ndër të tjera mjeku Flamur Topi.