Loading ...
Familja Sakaj në Suk 1 të Roskovecit duket se nuk po i shpëton dot “mallkimit’. Në muajin gusht të vitit të shkuar djali i vogël i familjes vetëm 14-vjecc u mbyt në lumin Seman, ndërsa disa vite më parë kishin humbur babin.
Ndërkohë që ditën e sotme djali i madh i familjes, Ferit Sakaj, është denoncuar si i humbur nga familja në polici.
Lajmin e ka konfirmuar kunati dhe motra e të humburit që punojnë prej vitesh emigrantë në Greqi. Ata pohojnë se një ditë më parë familjarët e tij kishin shkuar në policinë e Roskovecit ku kanë kryer dhe denoncimin për zhdukjen e djalit.
30-vjeçari ishte larguar nga banesa pesë ditë më parë (në datën 1 janar) dhe nuk është kthyer më.
E ëma e 30- vjeçarit ka kryer denoncimin në policinë e Fierit dhe ka pohuar se djali kur ishte larguar i kishte thënë se do shkonte tek e motra në Fier.
Mësohet se 30- vjeçari i zhdukur është edhe i sëmurë.
/Abcnews.al/
