Fermerë dhe grumbullues të qumështit nga i gjithë vendi protestuan në hyrje të autostradës Lushnje- Fier, në rrethrrotullimin e Savrës.
Prej dy ditësh fermerëve nuk u është marrë qumështi, ndërsa firmat nuk kanë furnizuar as dyqanet e marketet. Një autobot me 10 kuintalë qumësht u derdh në rrugë.
Është hera e dytë që blegtorët dhe punonjësit e fabrikave të përpunimit të qumështit protestojnë. Ata marshuan nga hyrja e autostradës Lushnje- Fier drejt hyrjes së qytetit.
Forca të shumta të policisë Lushnje dhe FNSH Fier ishin në vendngjarje. Bllokomi i rrugës krijoi tension dhe protestuesit u përplasën me policisë.
Protestuesit u ulën në rrugë, por policia ndërhyri dhe i shpërndau, duke liruar kështu korsitë për mjetet. E mërkura ishte dita e dytë që fabrikat nuk u morën prodhimin dhe linjat pezulluan punën.
Protesta bëhet kundër uljes së kompensimit të TVSH-së për fermerin, nga 20 ne 6 përqind, pasi këto ndryshime ligjore do të shkaktojnë dëmtim të prodhimit vendas duke favorizuar importet, rritur informalitetin, si dhe cenuar sigurinë ushqimore.
Anila Sefa
