Pas dy vitesh luftë në Ukrainë, ekspertët thonë se dëmi mjedisor po bëhet një tragjedi masive që do të prekë brezat që do të vijnë. Ndryshe nga konfliktet e kufizuara në zona të veçanta, vija e frontit në Ukrainë është tepër e gjatë, e shtrirë për qindra kilometra, gjë që ka rezultuar në dëme të mëdha.
Përveç zjarrit intensiv të artilerisë, ka pasur edhe një rritje të ndotjes për shkak të sulmeve të shpeshta në infrastrukturën energjetike dhe sasive të mëdha të mbeturinave të krijuara nga bombardimet në zonat urbane.
Kostoja mjedisore u vlerësua në nëntor në “një 56 miliardë dollarë marramendëse,” tha Jaco Cilliers, përfaqësues rezident i Programit të Kombeve të Bashkuara për Zhvillim (UNDP) në Ukrainë.
