Mediat britanike japin alarmin duke publikuar një skenar të përgatitur nga ministria për Brexit. Sipas tij, nëse Mbretëria e Bashkuar do të dilte pa një marrëveshje nga Bashkimi Europian, në marsin e vitit të ardhshëm, brenda dy javësh në vend nuk do të ketë më ushqime, ilaçe dhe karburant.
Londra përgatitet për më të keqen në rast se në 29 mars Britania e Madhe do të dilte nga Bashkimi europian pa një marrëveshje. Sipas një skenari apokaliptik, i përgatitur nga funksioanrë të lartë të qeverisë për ministrin e Brexit, Dejvid Dejvis, parashikohet një kolaps i portit të Dover që nga dita e parë e Brexit, dhe Brenda dy javësh që nga ajo datë, një mungesë e theksuar furnizimi me ilaçe, ushqime dhe karburant.
Një muaj më parë sipas mediave britanike, zyrtarë të Ministrisë për Brexit, së bashku me ata të shëndetësisë dhe transportit, përgatitën tre skenare për një Brexit pa marrëveshje: I pari parashikon një situatë pranë normales, i dyti serioz, ndërsa i treti është cilësuar apokaliptik.
Edhe në skenarin e dytë i cili nuk është më i keqi, porti i Dover do të mbyllej që ditën e parë, supermarketete në Skoci do të mbaronin furnizime dhe Brenda pak ditësh spitalet nuk do të kishin më ilaçe.
Sipas këtij skenari qeveria duhet të organizojë fluturime me charter, ose të përdorë avionë ushtarakë për të dërguar ushqime dh eilace në zonat më të thella të Mbretërisë. E pikërisht për shkak të përdorimit të rrugëve ajrore, brenda dy javësh do të mbaronte karburanti. /abcnews.al
