Luftime të ashpra vijojnë mes Ukrainës dhe Rusisë në disa zona
Aktualisht, forcat ruse tani janë nën kontrollin e pjesës më të madhe të Severodonetsk , epiqendra e betejës së përgjakshme për rajonin lindor të Donbasit të Ukrainës, por linjat ukrainase në qytet nuk duket se janë ende të prera plotësisht.
Forcat e armatosura ruse kanë shkatërruar të dytën nga tre urat midis qyteteve binjake Severodonetsk dhe Lysychansk .
Amnesty International ka akuzuar Rusinë për krime lufte gjatë përpjekjeve të saj për të pushtuar qytetin veri-lindor të Ukrainës, Kharkiv, duke dokumentuar përdorimin e supozuar të municioneve thërrmuese dhe mjeteve të tjera të sulmit pa dallim.
Ministria ruse e mbrojtjes ka thënë se u ka ofruar luftëtarëve ukrainas të strehuar në fabrikën kimike Azot në qytetin lindor të Ukrainës, Severodonetsk , mundësinë për t’u dorëzuar më 15 qershor, njoftoi agjencia e lajmeve Interfax.
Ministria tha se Ukraina i kishte kërkuar Rusisë të ngrejë një korridor evakuimi për të ndihmuar civilët të largohen nga centrali, me të gjitha urat që lidhin Severodonetsk me territorin e kontrolluar nga ukraina tani të shkatërruara.
Pak ditë më parë ishte lideri separatist i rajonit të Donetskut, Eduard Basurin ai që dha të njëjtin ultimatum, duke thënë se ushtarët ukrainas kanë mundësi vetëm të dorëzohen ose të vdesin
Një anije që transportonte 18,000 ton misër ukrainas mbërriti të hënën në një port në veriperëndim të Spanjës, duke përdorur atë që një grup rajonal i prodhuesve të ushqimit të kafshëve e përshkroi si një “rrugë të re detare” që synon të shmangë bllokadën e Rusisë ndaj porteve të Ukrainës në Detin e Zi.
Nga ana tjetër Presidenti ukrainas, Volodymyr Zelensky, i ka bërë thirrje kancelarit gjerman, Olaf Scholz të ketë pozicion më të qartë për luftën e Rusisë në Ukrainë.
“Neve na duhet që kancelari Scholz të sigurojë që Gjermania mbështet Ukrainën. Ai dhe Qeveria e tij duhet të vendosin”, ka thënë Zelensky në një intervistë për transmetuesin gjerman, ZDF.
Gjermania nuk duhet të tentojë të gjejë një balancë në marrëdhënien me Ukrainën dhe lidhjet me Rusinë, ka thënë presidenti ukrainas.
“Gjermania ka nisur të dërgojë armë më vonë sesa shtetet fqinje. Ky është fakt”, ka thënë Zelensky.
17:38- Rusia sanksionon 29 gazetarë britanikë
Rusia ka ndaluar hyrjen në vend të dhjetëra gazetarëve britanikë, përfaqësuesve të mediave dhe personaliteteve nga Ministria e Mbrojtjes Britanike.
Në një deklaratë, Ministria e Jashtme e Rusisë tha ne ndalimi hyrjes së britanikëve në vend është një përgjigje ndaj sanksioneve perëndimore dhe presionit ndaj mediave të saj shtetërore jashtë vendit, shkruan Reuters.
Mësohet se rreth 29 gazetarë janë ndaluar, duke përfshirë Clive Myrie nga BBC-së, Orla Guerin dhe Paul Adams, të cilët të kanë raportuar nga Ukraina që nga fillimi i luftës.
Lista përfshin gjithashtu drejtorin e përgjithshëm të BBC-së Tim Davie, redaktorët e gazetave Times, Daily Telegraph, Guardian, Daily Mail dhe Independent, si dhe gazetarë nga Sky, Channel 4 dhe ITV.
Gjithashtu mbi 12 figura britanike, të cilët Moska tha se ishin të lidhur me industrinë e mbrojtjes, u ndaluan gjithashtu të hynin në Rusi.
Ministria e jashtme ruse akuzon gazetarët e sanksionuar për “përhapje të qëllimshme të informacionit mashtrues dhe të njëanshëm për Rusinë dhe ngjarjet në Ukrainë dhe Donbas“.
20:45- Ukraina e pakënaqur nga Perëndimi: Kemi marrë vetëm 10% të armëve që kemi kërkuar
Ukraina ka marrë ” rreth 10% të armëve ” që ka kërkuar nga partnerët e saj perëndimorë për tu përballur me ushtrinë ruse në terren, tha sot Ministria e Mbrojtjes.
Sipas zëvendësministres të mbrojtjes së Ukrainës, lufta nuk do të fitohet pa ndihmën e partnerëve perëndimor.
“Nga armët që na duhen, kemi marrë rreth 10%,” tha nënsekretarja e Mbrojtjes Anna Maliar për televizionin ukrainas.
“Përpjekjet e bëra nga Ukraina, profesionalizmi i ushtrisë sonë, nuk kanë rëndësi, pa ndihmën e partnerëve tanë perëndimorë, ne nuk do të mund ta fitojmë këtë luftë”, tha ajo.
Maliar tha se problemi i vonesave në dërgesat duhet të zgjidhet “sepse çdo ditë vonesë është një ditë tjetër në kurriz të jetës së ushtarëve ukrainas , të popullit ukrainas.”
“Nuk mund të presim shumë sepse situata është shumë e vështirë”, tha ajo, sidomos në Donbas, ku rusët kanë avancuar prej javësh dhe kanë marrë pothuajse plotësisht kontrollin e rajonit të Luhanskut.
16:55- Lufta në Ukrainë i merr botës bukën e gojës, të mbjellat e drithit ulen me 25%
Lufta në Ukrainë i merr botës bukën e gojës, të mbjellat e drithit ulen me 25%
16:20- Rusia u kërkon luftëtarëve të Severodonetsklut të dorëzohen si shokët e tyre të Mariupolit
Ministria e Mbrojtjes në Rusi u ka bërë thirrje luftëtarëve ukrainas në Severodonetsk që të dorëzojnë armët, sikur se luftëtarë të tjerë kanë bërë në zona të ndryshme të Ukrainës, duke iu referuar Mariupolit.
“Ne u bëjmë thirrje autoriteteve zyrtare në Kiev të tregojnë maturi dhe të japin udhëzimet e duhura për militantët që të ndalojnë rezistencën e tyre të pakuptimtë dhe të tërhiqen nga territori i uzinës Azot”, tha ministria në një deklaratë për shtyp, shkruan CNN.
Ministria ruse tha se është përgatitur të kryejë një “operacion humanitar” të mërkurën për të evakuuar civilët nga uzina kimike Azot e kontrolluar nga ukrainas në territorin e kontrolluar nga Rusia në veri.
“Ushtria ruse njoftoi gatishmërinë e saj për të kryer një operacion humanitar për evakuimin e civilëve nga Azot në drejtimin verior,” në drejtim të qytetit Svatove, në territorin e pushtuar nga Rusia, tha ministria, duke shtuar se Rusia do të hapë një korridor evakuimi për civilët ukrainas.
Kreu ukrainas i administratës ushtarake të Severodonetsk tha të martën se pak më shumë se 500 civilë vazhduan të strehohen në fabrikën kimike Azot, e cila është ende nën kontrollin e Ukrainës, dhe për të cilën autoritetet thonë se ka qenë objektiv i bombardimeve intensive nga forcat ruse.
Një zyrtar ukrainas tha se trupat ruse kanë hyrë në qendër të qytetit lindor të Sievierodonetskut dhe po vazhdojnë të bombardojnë një fabrikë kimike, ku janë strehuar qindra ushtarë dhe civilë.
Guvernatori rajonal Serhiy Haidai tha të hënën në rrjetin Telegram se trupat ruse kontrollojnë rreth 70 për qind të qytetit dhe i kanë larguar forcat ukrainase nga qendra e tij.
Ai tha se fabrika Azot në këtë qytet, ku janë strehuar qindra civilë, po “bombardohet rëndë”. Rreth 500 civilë mbeten në fabrikë dhe ushtria e Ukrainës po përpiqet t’i largojë ata në një vend të sigurt.
Rusia thotë se të gjitha urat e qytetit janë shkatërruar. Zyrtarët ukrainas thonë se ka ende një rrugë tjetër për të dalë nga qyteti, por është e dëmtuar rëndë.
Presidenti ukrainas Volodymyr Zelenskyy tha se beteja për rajonin e Donbasit “me siguri do të mbetet në historinë ushtarake si një nga betejat më të dhunshme në Evropë”.
“Për ne, çmimi i kësaj beteje është shumë i lartë. Është thjesht e frikshme”, tha presidenti Zelenskyy të hënën vonë.
Ai përsëriti thirrjet për vendet partnere që t’i dërgojnë Ukrainës artileri moderne për t’u përdorur kundër forcave ruse.
Këshilltari i presidentit Zelenskyy, Mykhailo Podolyak, shkroi në Twitter të hënën se për t’i dhënë fund luftës Ukraia ka nevojë pëer armë të rënda”. Ai renditi disa kategori armësh, duke përfshirë 1,000 topa obus, 300 sisteme raketash, 500 tanke, 2,000 automjete të blinduara dhe 1,000 dronë.
15:26- Rusia u bën thirrje ushtarëve ukrainas në fabrikën kimike “Azot” që të dorëzohen
Ushtarët ukrainas të strehuar në fabrikën kimike Azot do t’ju ofrohet mundësia të dorëzohen nesër, ka thënë Ministria e Mbrojtjes e Rusisë. Në fabrikën ndodhen aktualisht të strehuar rreth 500 civilë, sipas skynews.
Forcat ruse kanë sulmuar në mënyrë të vazhdueshme fabrikën ndërsa po përpiqen të marrin kontrollin e të gjithë zonës. Nëse Rusia merr kontrollin e Severodonetsk, vetëm një qytet në rajonin e Luhansk – Lysychansk do të ishte ende nën kontrollin e Ukrainës.
Rusia ka thënë se do të hapë një korridor humanitar nga ora 5 e mëngjesit ditën e e neserme për të lejuar civilët të largohen nga fabrika Azot, duke u kërkuar ushtarëve të dorëzohen. Ministria e mbrojtjes akuzoi gjithashtu ushtarët për përdorimin e civilëve si mburoja njerëzore.
Ajo tha se kishte informuar Kievin për ofertën e saj dhe u kërkoi autoriteteve të jepnin urdhrin për t’u dorëzuar.
Ministria ruse e mbrojtjes ka thënë se u ka ofruar luftëtarëve ukrainas të strehuar në fabrikën kimike Azot në qytetin lindor të Ukrainës, Severodonetsk , mundësinë për t’u dorëzuar më 15 qershor, njoftoi agjencia e lajmeve Interfax.
Ministria tha se Ukraina i kishte kërkuar Rusisë të ngrejë një korridor evakuimi për të ndihmuar civilët të largohen nga centrali, me të gjitha urat që lidhin Severodonetsk me territorin e kontrolluar nga ukraina tani të shkatërruara.
Pak ditë më parë ishte lideri separatist i rajonit të Donetskut, Eduard Basurin ai që dha të njëjtin ultimatum, duke thënë se ushtarët ukrainas kanë mundësi vetëm të dorëzohen ose të vdesin./ abcnews.al
14:11- Zyrtari: Gruri ukrainas do të mungojë në treg për tre sezone
Pushtimi rus i Ukrainës do të krijojë një mungesë globale të grurit për të paktën tre sezone. Kjo ka të bëjë me mungesë në tregje dhe për rrjedhojë çmime rekord.
Ukraina, e njohur si shporta e bukës së Evropës, i ka bllokuar rrugët e saj detare të eksportit të drithërave nga Rusia dhe përballet me një vorbull problemesh të tjera, nga fushat e minuara të grurit deri te mungesa e hapësirës për ruajtjen e grurit, raporton Reuters.
“Ukraina do të jetë jashtë tregut për një kohë të gjatë,” parashikoi Ministri i Bujqësisë Mykola Solskyi në një intervistë me Reuters.
Tani po flasim për tre korrje gruri në të njëjtën kohë: ne nuk mund të nxjerrim të korrat e vitit të kaluar, nuk mund të korrim dhe nxjerrim korrjen aktuale dhe nuk mund të mbjellim të korrat e ardhshme.
13:28- Vizita e Macron në Kiev një nga “opsionet në tryezë”, por ende asnjë vendim nga Franca
Vizita e mundshme e presidentit francez Emmanuel Macron në kryeqytetin e Ukrainës, Kiev, është një nga disa opsionet që janë aktualisht në tryezë, megjithëse ende nuk është marrë një vendim për këtë, tha zëdhënësja e qeverisë Olivia Gregoire.
Gazeta gjermane Bild am Sonntag raportoi në fillim të këtij muaji se kancelari gjerman Olaf Scholz do të udhëtonte në Kiev të enjten me Macron dhe kryeministrin italian Mario Draghi.
Macron ka kërkuar të mbajë dialogun me presidentin rus Vladimir Putin që nga fillimi i luftës, por ky qëndrim është kritikuar nga disa partnerë lindorë dhe baltikë.
Ndërkohë nga Berlini, nuk ka pasur asnjë koment nëse Scholz do të vizitojë apo jo Kievin.
Një pjesë e drithërave vazhdon të eksportohet në rrugë, hekurudhore dhe nëpërmjet lumeve, por vëllimi i eksporteve është ulur ndjeshëm nga bllokada ruse, shkruan abcnews.al.
Sot, 14 qershor një dërgesë drithi mbërriti në Spanjë pasi kaloi me sukses bllokadën e porteve të Detit të Zi, tha shoqata spanjolle e ushqimit Agafac. Gruri u transportua në rrugë tokësore nga Ukraina në Poloni dhe më pas u dërgua në Spanjë përmes Detit Baltik.
Kjo është hera e parë pas luftës që gruri ukrainas transportohet nëpërmjet detit verior të vendit , raporton AFP
13:01- U dëbua me vdekje, Kremlini: S’kemi asnjë kërkesë nga Britania për të ndërhyrë në gjyqin e ushtarëve
Sekretarja e Jashtme e Mbretërisë së Bashkuar, Liz Truss, ka thënë se do të bënte “çfarëdo që të duhej” për të shpëtuar dy britanikë të cilët janë dënuar me vdekje nga një gjykatë ruse në Ukrainë.
Zyrtarja britanike sugjeroi se rruga më e mirë ishte “përmes ukrainasve”, raporton BBC. Kremlini tani thotë se Londra nuk i ka kërkuar Rusisë të ndërhyjë.
“Ata nuk kanë kërkuar,” u tha gazetarëve zëdhënësi i Kremlinit Dmitry Peskov.
Ai tha se një kërkesë e tillë duhet të parashtrohet në Republikën e vetëshpallur Popullore të Donetskut, e cila gjykoi Aiden Aslin dhe Shaun Pinner për luftime me ushtrinë ukrainase.
Por DPR, që mbulon territorin ukrainas nuk njihet nga Perëndimi dhe ballafaqimi me DPR mund të shihet si një formë njohjeje
11:34- BE e shqetësuar për rritjen e përdorimit të substancave narkotike për shkak të luftës në Ukrainë
Pushtimi rus i Ukrainës mund të krijojë “dobësi të reja” në Europë ndaj përdorimit të drogave të paligjshme duke shkaktuar ndryshime në rrugët e kontrabandës dhe duke ekspozuar potencialisht më shumë njerëz ndaj narkotikëve, paralajmëroi të martën agjencia e BE-së për drogën me qendër në Lisbonë, sipas skynews.
Qendra Europiane e Monitorimit për Drogën dhe Varësinë nga Drogat (EMCDDA), tha se personat që kanë kaluar një stress të madh psikologjik gjatë konfliktit janë më të rrezikuar nga përdorimi i substancave të tilla.
Trafikantët e drogës mund të përdorin rrugë alternative për të shmangur zonat me një prani të shtuar të sigurisë, tha ai, ndërsa shërbimet shëndetësore në vendet europiane, veçanërisht ato në kufi me Ukrainën, ka të ngjarë të bëhen më të tensionuara pasi përdoruesit e drogës që ikin nga konflikti kërkojnë mbështetje.
Shqetësimet mbi ndikimin që zhvillimet ndërkombëtare mund të kenë në problemet e drogës në Europë vijnë në një kohë kur përdorimi i substancave po kthehet në nivelet para pandemisë dhe ka shenja të rritjes së prodhimit, tha EMCDDA.
BE bëri thirrje vendeve eUropiane që të rrisin shërbimet e trajtimit dhe reduktimit të dëmit.
11:19- Zelensky kritikon Scholz: Gjermania të jetë e qartë se kë mbështet
Presidenti ukrainas Volodymyr Zelensky i ka bërë thirrje kancelarit gjerman Olaf Scholz të tregojë mbështetje të qartë për Ukrainën. Në një intervistë për transmetuesin gjerman ZDFT të hënën në mbrëmje, Zelensky tha se Gjermania nuk duhet të përpiqet të balancojë interesat e saj midis Ukrainës dhe marrëdhënieve të saj me Rusinë, shkruan BBC.
“Ne kemi nevojë për siguri nga kancelari gjerman se Gjermania mbështet Ukrainën. Ai dhe qeveria e tij duhet të vendosin,” tha ai.
Ka pasur spekulime që Scholz mund të udhëtojë në Kiev gjatë kësaj jave. Kancelari mbrojti Gjermaninë kundër akuzave se nuk do të furnizonte Ukrainën me armët që kishte premtuar. Ai tha se ushtarët ukrainas duhej të trajnoheshin fillimisht përpara se të dorëzonin armët.
Politikanët gjermanë nga ana tjetër kanë akuzuar Scholz-in se ka penguar dërgesat e armëve.
10:41- Putin gati të sulmojë Odesën, Biden gati të ndërmarrë veprimin ekstrem
Tani presidenti ukrainas Volodymyr Zelensky është i sigurt:Presidenti i Shteteve të Bashkuara, Joe Biden, është gati të heqë dorë nga ai dhe Ukraina pas rënies së rajonit të Donbasit në duart e ushtrisë ruse.
Prapa përplasjes së fortë me Shtëpinë e Bardhë, që e akuzon atë si fajtor për mosbesimin fillestar ndaj paralajmërimeve amerikan për pushtimin e afërt rus, fshihen ndarje shumë më të thella. Ndarje, që kanë të bëjnë jo vetëm me vazhdimin e ndihmës ushtarake ndaj Kievit, por edhe me vetë fatet e Ukrainës.
Zgjedhja për të furnizuar ushtrinë ukrainase me vetëm 4 sisteme raketore me rreze të gjatë veprimi “Himars”, pavarësisht këmbënguljes së Kievit për të marrë të paktën 60 të tilla, janë një shenjë e qartë e skepticizmit me të cilin e sheh rezultatin e luftës një pjesë e administratës amerikane.
Një skepticizëm ky tashmë i theksuar nga pakësimi i papritur i dërgesave të armëve perëndimore në frontet e luftës në rajonin e Lugansk. Përparimi i shpejtë i rusëve në Severodonetsk, dhe humbjet shumë të mëdha në radhët e forcave ukrainase – nga 100-200 viktima në ditë sipas këshilltarit të presidentit Mykhaylo Podolyak – tregon kotësinë e vazhdimit të furnizimit të një ushtrie, e cila duket se është e paaftë të mbushë boshllëqet.
Lexo KËTU të gjithë lajmin.
09:29- Papa Françesku: Përfshirja e mercenarëve rusë kundër luftës në Ukrainë, “mostruoze
Papa Françesku ka deklaruar se pëfshirja e mercenarëve nga Rusia në luftën kundër Ukrainës, duke përfshirë çeçenë dhe sirianë, është “monstruoze”, sipas një artikulli të botuar në La Stampa, shkruan BBC.
Papa tha se lufta në Ukrainë ishte “ndoshta në një farë mënyre e provokuar”. Ai i përshkruan trupat ruse si “të egër dhe mizor”, duke shtuar se ukrainasit po luftojnë për mbijetesë.
I pyetur nëse është në favor të presidentit rus, Vladimir Putin, Papa Françesku tha se ai nuk do ta reduktojë kompleksitetin e luftës në një dallim midis “të mirës dhe të keqes”. Ai tha se shpreson të takohet me Patriarkun Kirill të Kishës Ortodokse Ruse në shtator në Kazakistan.
09:19- Si lufta Rusi-Ukrainë mund të përçajë europianët
Që kur Rusia pushtoi Ukrainën më 24 shkurt, mediat dhe rrjetet sociale janë hasur me polemika të shumta rreth qëllimeve të deklaruara të liderëve të BE-së në luftë. Por as Bashkimi Europian dhe as vendet e tij anëtare nuk po e luftojnë në të vërtetë këtë luftë.
Ndërsa shumica e liderëve të BE-së kanë rënë dakord se vetëm Ukraina duhet të vendosë se si dhe kur do të zhvillojë negociatat me Rusinë, ata mund të jenë të pakënaqur ose të mos bien dakord me njëri-tjetrin për rezultatin e tij përfundimtar. Katër çështjet e mëposhtme mund të rezultojnë përçarëse.
Lexo KËTU të gjithë lajmin e plotë
08:53- Zelensky zotohet të çlirojë qytetet ukrainase nga pushtimi rus
Presidenti i Ukrainës, Volodymyr Zelensky, gjatë një fjalimi mbremjen e djeshme ka deklaruar se do të bëjë të pamundurën për të çliruar qytetet ukrainase, dhe u bëri thirrje vendeve perëndimore për më shumë armë, shkruan skynews.
“Ne do të vijmë në Kherson. Dhe banorët e zakonshëm të Khersonit do të takohen me ushtrinë tonë në rrugët e qytetit. Dështimi i pushtuesve, të cilët u përpoqën të festonin të ashtuquajturën Dita e Rusisë, vetëm dëshmon se Kherson është një qytet ukrainas. Dhe banorët e Khersonit do të festojnë vetëm festat ukrainase”.
“Ne do të vijmë në Melitopol dhe do t’u kthejmë të gjithë banorëve të Melitopolit mundësinë për të jetuar pa frikë. “Ne do të vijmë në Mariupol. Dhe do ta çlirojmë qytetin për herë të tretë. Ai u çlirua nga nazistët në vitin 1943 me një operacion të shkëlqyer.”
08:45- Sulm në Ukrainën lindore, 5 të vrarë dhe 22 të plagosur
Të paktën pesë persona dyshohet se u vranë në rajonin lindor të Ukrainës, Donetsk, të hënën, në atë që separatistët pretendojnë se ishte bombardim ukrainas. Agjencitë e lajmeve të mbështetura nga Rusia raportuan se predhat goditën një treg dhe një maternitet në qytet, shkruan skynews.
Megjithatë, këto sulme nuk janë verifikuar në mënyrë të pavarur nga Sky News.
Thuhet se një fëmijë ishte në mesin e atyre që u vranë nga bombardimet e supozuara të hënën dhe të paktën 22 persona raportohet se u plagosën. Agjencia e lajmeve RIA citoi zëdhënësin e OKB-së, Stephane Dujarric, të ketë thënë se zyrtarët kishin parë raporte për sulmin në spital.
“Kjo është jashtëzakonisht shqetësuese,”tha Dujarric. “Çdo sulm ndaj infrastrukturës civile, veçanërisht objekteve shëndetësore, është një shkelje e qartë e ligjit ndërkombëtar”.
08:40- Video/ Forcat ruse sulmojnë gazetarët ukrainas teksa ishin duke raportuar
Një grup gazetarësh të transmetuesit publik të Ukrainës “Suspilne”, janë sulmuar nga forcat ruse teksa ishin duke raportuar.
Khrystyna Havryliuk dhe Taras Ibragimov, si dhe kolegët e tyre të huaj, ishin në qendër të sulmeve armike në qendër të Lysychansk, rajoni Luhansk. Gazetarët u evakuuan me sukses nga ushtria ukrainase dhe asnjë prej tyre nuk është lënduar.
Sipas forcave ukrainase, rusët bombardojnë Lysychansk pothuajse çdo ditë, teksa rreth 15,000 civilë mbeten në qytet.
08:20- Një tjetër varr masiv gjendet në Kiev
Autoritetet ukrainase thanë se kanë zbuluar një varr të ri masiv pranë Bucha në rajonin e Kievit. Trupat e shtatë civilëve u gjetën pranë fshatit Myrotske, shumë prej tyre me “duar të lidhura”, sipas shefit të policisë së rajonit të Kievit, Andrii Niebytov, sipas The Guardian.
Viktimat ishin torturuar, tha ai në një deklaratë. Aktualisht po punohet për zhvarrosjen e trupave në vend dhe për identifikimin e individëve. Në rajonin e Kievit, u zbulua një varrim tjetër i civilëve me duar të lidhura, për të cilin ka nisur hetimi.
Gjatë hetimeve në llogore, u zbuluan trupat e shtatë civilëve me plagë nga armë zjarri dhe duar të lidhura pas shpine”. Ndërkohë, rreth 1200 trupa, përfshirë ato të gjetura në varreza masive, nuk janë identifikuar ende, sipas kreut të policisë kombëtare në Ukrainë , Ihor Klymenko.
08:19- Putin shfaqet i sëmurë në publik, dridhet në mënyrë të pakontrolluar
Shëndeti i presidentit rus Vladimir Putin është vënë sërish në qendër të diskutimeve. Në një dalje të fundit shefi i Kremlinit shihet teksa i dridhen duart.
Thashethemet për shëndetin e presidentit rus kanë qenë të përhapura që nga fillimi i pushtimit të Ukrainës, ndërsa disa ekspertë pretendojnë se ai ka një sërë sëmundjesh.
Disa thonë se ai po lufton me kancerin e gjakut, tiroidet ose barkun, ndërsa të tjerë ekspertë janë të bindur se 69-vjeçari ka sëmundjen e Parkinsonit në fazën e hershme. Muajin e kaluar, kur ai u takua me presidentin bjellorus, Alexander Lukashenko në Soçi, ai u kap në kamera duke i përdredhur këmbët e tij kur dyshja u ulën për bisedime.
Në fundjavë Putini i dorëzoi në Kremlin Çmimin Shtetëror të Federatës Ruse regjisorit Nikita Mikhalkov. Në pamjet të publikuar ai shihet teksa qëndron me vështirësi në këmbë.
07:45- Zelensky: Kostoja njerëzore e betejës për Severodonetsk është e tmerrshme
Kostoja njerëzore e betejës për Severodonetsk, një qytet me rëndësi strategjike në Ukrainën lindore, është i frikshëm, tha të hënën presidenti ukrainas Volodymyr Zelensky, ndërsa forcat ruse kanë zgjeruar kontrollin e tyre ditët e fundit.
“Kostoja njerëzore e kësaj beteje është shumë e lartë për ne. Është thjesht e frikshme”, tha Zelensky në një fjalim të mbrëmjes drejtuar popullit ukrainas.
“Beteja e Donbasit me siguri do të hyjë në historinë ushtarake si një nga më të ashprat në Evropë”, shtoi ai. “Deri në 100 ushtarë ukrainas vriten dhe 500 plagosen çdo ditë në betejat me ushtrinë ruse, tha të enjten e kaluar ministri ukrainas i Mbrojtjes Oleksiy Reznikov.
Zelensky, nga ana e tij, tha më 1 qershor se ushtria e tij po humbte 60 deri në 100 ushtarë në ditë.
“Ne po përballemi me të keqen e fundit”, tha ai mbrëmë. “Nuk na mbetet gjë tjetër veçse të avancojmë dhe çlirojmë vendin tonë, pasi zonat në jug dhe lindje të pushtuara nga trupat ruse janë përjashtuar nga qytetërimi pasi forcat e Moskës kanë ndërprerë të gjitha komunikimet me botën e jashtme”, tha ai.
Zelensky i bëri thirrje edhe një herë Perëndimit që të furnizojë ushtrinë ukrainase me më shumë armë, në një kohë kur forcat e Moskës kanë pushtuar pjesën më të madhe të Severodonetsk dhe vazhdojnë të godasin artilerinë ukrainase.
07:41- Guvernatori ushtarak ukrainas: Të gjitha urat për në Severodonjeck janë “shkatërruar”
Të gjitha urat jashtë qytetit lindor Ukrainas, Severodonjeck, janë shkatërruar dhe kushtet për njerëzit që mbeten në qytet janë “jashtëzakonisht të vështira”, tha për Radion Evropa e Lirë, Serhiy Hayday, guvernatori ushtarak për rajonin e Luhanskut.
“Të gjitha urat janë shkatërruar, kështu që sot është fatkeqësisht e pamundur të sjellësh diçka në qytet”, tha Serhiy Hayday, duke shtuar se evakuimet nuk janë të mundshme.
Forcat ruse kanë shkatërruar gjithë infrastrukturën për gaz, ujë dhe energji elektrike, tha ai, duke vënë në dukje se kishte gjithashtu “probleme të mëdha” me kujdesin mjekësor.
Sipas tij, ushtria ruse aktualisht kontrollon 70 për qind deri në 80 për qind të Severodonjeckut.
Ai shtoi në Facebook se Severodonjeck nuk është i bllokuar, dhe se ka komunikim me qytetin.
Ushtria ukrainase tha më 13 qershor, se forcat e saj u tërhoqën nga qendra e Severodonjeckut, qyteti i Donbasit, i cili ka parë beteja të egra mes forcave ukrainase dhe ruse që luftojnë për ta kontrolluar atë.
Eduard Basurin, një figurë e lartë separatiste, tha se Severodonjecku është bllokuar “de fakto” pasi forcat ruse hodhën në erë urën “e fundit” që e lidh atë me Lisiçanskun, qyteti i tij binjak përtej lumit Siverskiy Donets.
/abcnews.al
