Dosjes hetimore ndaj kryeprokurorit Adriatik Llalla, dosjes i shtohen dhe materialet e mbledhura nga Komisioni i Pavarur i Kualifikimit. Ky i fundit ndërpreu verifikimin ndaj ish-kreut të organit të akuzës, pasi ai vendosi të mos jetë më pjesë e sistemit të drejtësisë. Llalla po hetohet për pastrim parash.
Komisioni i Pavarur i Kualifikimit i ka referuar dosjen e ish prokurorit Adriatik Llalla Prokurorisë së Rrethit Gjyqësor Tiranë prej datës 15 mars. Dorëzimi i dokumentacionit në prokurori ka ardhur pas kërkesës së kësaj të fundit.
Lajmi konfirmohet nga institucioni i rivlerësimit të shkallës së parë,Komisioni i Pavarur i kualifikimit në përgjigje të interesimit të ABC News sa i përket dosjes së papërfunduar të ish-prokurorit Llalla, pas ndërprerjes së procesit të vettingut për të.“Ju vëmë në dijeni se dosja e këtij subjekti, pas përfundimit të procedurave nga ana e KPK-së, i është vënë në dispozicion Prokurorisë së Rrethit Gjyqësor Durrës më datë 15 mars 2018, pas kërkesës nga ana e këtij organi”– njofton Komisioni i Pavarur i Kualifikimit .
Kjo erdhi si pasojë e tërheqjes së Adriatik Llallës nga përzgjedhja si gjyqtar i Gjykatës së Lartë, e parashikuar në ligj pas përfundimit të mandatit si prokuror i përgjithshëm.
Lajmi për nisjen e hetimit të ish-prokurorit Adriatik Llalla erdhi nga përtej kufijve kur Deutche Ëelle më 25 mars foli për transparencë dhe fakte, në një shkrim inkurajues për procesin e vettingut ku shpallte edhe hetimin e ish kryeprokurorit. Vetëm një ditë më vonë mediat shqiptare zyrtarizuan lajmin se Adriatik Llalla po hetohej për akuzën e pastrimit të parave. Këto lëvizje të organit të akuzës në Shqipëri vijnë pas shpalljes së ish-prokurorit Llalla si persona non grata në SHBA, pas firmosjes nga sekretari i Departamentit Amerikan të Shtetit me akuzën e përfshirjes në korrupsion të lartë./abcnews.al
