Konflikti për detin me Greqinë, zbulohet skenari i Turqisë me anijen e kërkimit në Mesdhe

schedule10:20 - 22 Tetor, 2020

schedule 10:20 - 22 Tetor, 2020

Pala turke ka njoftuar me Navtex të mërkurën vonë se vazhdon eksplorimi i Oruc Reis në pjesën jugore të Greqisë, në Kastelorizo, raporton protothema.

Eksplorimi i Oruc Reis dhe anijeve të tjera ndihmëse Ataman dhe Cengiz Han të shoqëruara nga pesë anije luftarake turke do të vazhdojë deri në mesnatën e së martës 27 tetor. Në atë ditë, do të përfundojë puna kërkimore 15 ditore  e Oruc Reis midis Rhodes dhe Kastelorizo, ku studiuesi turk ka njoftuar se po kryen punë sizmike dy-dimensionale.

Një pyetje kryesore është se si do të vazhdojë eksplorimi i anijes turke në datat 28 dhe 29 Tetor . Pas festës kombëtare greke të 28 tetorit, është  festa turke e Republikës, në 29 Tetor, transmeton abcnews.al

Çfarë po planifikon Tayyip Erdogan për datat 28 dhe 29 Tetor?

A do të jetë Oruc Reis  pranë arkipelagut Megisti dhe a do të vazhdojë të kryejë eksplorime?

A do të zhvendoset anija në portin e Antalias pas 15 ditësh eksplorimi në tetor dhe një total prej 50 ditësh  që nga 10 gushti?

Forcat e Armatosura Greke janë në gatishmëri të lartë, veçanërisht në zonën e Kastellorizo, ku flota detare monitoron minutë pas minute lëvizjet e Oruc Reis duke mos lejuar asnjë lëvizje të flotës turke brenda zonës prej 6 miljesh detare nga brigjet e Megisti.

Greqia përgjigjet me anti-Navtex

Anti-Navtex u lëshua nga stacioni hidrografik i forcës detare në Heraklion, në përgjigje të një  Navtexi të ri të paligjshëm të lëshuar nga stacioni i Antalias për hetimet e Oruc Reis në një zonë brenda shelfit kontinental grek, midis Rodosit dhe Kastelorizo.

Navtex  grek ka theksuar se Navtex turk  ka kryer veprimtari të paligjshme.

Gjithashtu ata kanë theksuar se sipas agjencisë së lajmeve greke,  stacioni i shërbimit hidrografik në Heraklion ka autoritetin të dërgojë mesazhe në atë zonë specifike.

Mitsotakis: Turqit kërkojnë të imponojnë praktika perandorake

“Ky takim trepjesësh përkon me rreziqe shtesë që për fat të keq po paraqiten në Mesdheun Lindor nga udhëheqja turke, e cila kërkon të imponojë  praktika perandorake nga Siria në Libi, nga Somalia në Qipro, nga Egjeu në Kaukaz.

Disa herë duke imponuar rregulla arbitrare, herë duke nënshkruar memorandume të pavlefshme dhe disa herë të tjera duke miratuar ligje të paqarta për çështje të shqyrtuara nga ndërkombëtarët.

Mbi të gjitha,  duke i shoqëruar të gjitha këto me ftesa të përsëritura të njëanshme, të kornizuara nga një retorikë ekstreme, shpesh agresive, ” tha Kyriakos Mitsotakis nga Qipro, përpara Presidentit egjiptian Abdel Fattah al-Sisi dhe Presidentit Qipriot Nikos Anastasiadis.

“Pas një periudhe intensive përpjekjesh për të rifilluar bisedimet midis Greqisë dhe Turqisë mbi çështjen ekskluzive të caktimit të zonave detare në Egje dhe Mesdheun Lindor, është një iniciativë që shumë e prisnin, por për fat të keq Ankaraja zgjodhi përsëri delikuencën. Dhe në vend kësaj, ajo filloi sfidën e anijeve luftarake. Në vend të dialogut, ajo preferoi monologun e mosmarrëveshjeve.

Por vetëm veprat e drejta prodhojnë drejtësi. Në të njëjtën kohë  është diçka që e ka theksuar si Presidenti Anastasiadis ashtu edhe Presidenti Sisi – në të njëjtën kohë Athina nënshkroi dhe ratifikoi dy marrëveshje ligjore me Italinë dhe Egjiptin. Me Egjiptin pas një përpjekje të madhe prej 15 vitesh ne arritëm  një marrëveshje të dobishme reciproke.

Diskutimet tona me Shqipërinë po shkojnë në të njëjtin drejtim, meqenëse nuk mund të zgjidhim mosmarrëveshjet tona rreth caktimit të kufijve të zonave detare, ne jemi të gatshëm të apelojmë në Gjykatën Ndërkombëtare të Drejtësisë. Kjo është mënyra se si shtetet serioze dhe të përgjegjshme zgjidhin mosmarrëveshjet e tyre.

Me fjalë të tjera, në bazë të një udhëzuesi të të drejtave ndërkombëtare, Ballkani dhe Mesdheu Lindor mund të jenë zona të paqes dhe stabilitetit. Dhe siç thanë të dy presidentët, sigurisht që Turqia është e mirëpritur për bashkëpunim, nëse dëshiron, nënvizoi Kyriakos Mitsotakis. s.ba/abcnews.al