Loading ...
Eksperti i Sigurisë Bedri Elezi, në një intervistë për emisionin “War Report” në ABC News Albania, foli për zhvillimet e fundit në Lindjen e Mesme dhe paralajmërimet e presidentit amerikan Donald Trump lidhur me Iranin.
Sipas Elezit, deklaratat dhe qëndrimet e Teheranit zyrtar krijojnë pasiguri në rajon dhe rrisin tensionet ndërkombëtare, sidomos për çështjen e programit bërthamor iranian.
“Nuk e dimë se çfarë ka dashur Teherani zyrtar të komunikojë me qytetarët apo edhe partnerët duke kërcënuar SHBA-në. Posedimi eventual i armëve bërthamore nga Irani shkakton pasiguri dhe mbetet kërcënim serioz edhe për vetë popullin iranian”, u shpreh ai.
Elezi theksoi se paqja në rajon mbetet e ekspozuar ndaj rreziqeve serioze, ndërsa dialogu mes Shtetet e Bashkuara të Amerikës dhe Iranit vazhdon të mbetet i brishtë.
“Nuk e dimë se çfarë ka dashur Teherani zyrtar të komunikojë me qytetarët apo edhe partnerët duke kërcënuar SHBA-në. Posedimi eventual i armëve bërthamore nga Irani shkakton pasiguri dhe mbetet kërcënim serioz edhe për vetë popullin iranian. Pra paqja do të ishte gjithnjë e ekspozuar ndaj një rreziku serioz. Kërkesa e SHBA ende mbetet një ‘brishtësi e dialogut’. Presidenti i SHBA, po shfrytëzon të gjitha mundësitë që të mos ketë përplasje ushtarake, gjithmonë duke pasur në dorë njohuri për rezultate që mund të vijnë nga një angazhim i ri. Megjithatë unë dua të besoj që Teherani po shfrytëzon kohën dhe jam i bindur se para fundit të qershorit do të kemi të gjithë angazhimin e përmbyllur qoftë për situatën në Ukrainë po ashtu edhe për situatën në Lindjen e Mesme”, u shpreh ai.
/abcnews.al/
