Loading ...
TIRANË- Fermerët shqiptarë mund të aplikojnë tashmë për Skemën Kombëtare të Mbështetjes 2026, e cila parashikon financime dhe subvencione për sektorë të ndryshëm të bujqësisë dhe blegtorisë. Programi synon të mbështesë prodhimin vendas, modernizimin e fermave dhe zhvillimin e qëndrueshëm rural.
Kryeministri Edi Rama nëpërmjet një statusi në Facebook, sqaron se skema përfshin 9 masa direkte mbështetjeje dhe 3 masa investimi.
Masat direkte të mbështetjes:
- Tufa bazë e matrikulluar e gjedhit
- Tufa bazë e matrikulluar e imtave
- Mbarështimi i bletarisë
- Tufa bazë e matrikulluar e dosave dhe/ose paradosave
- Kontrolli biologjik i dëmtuesve në sera dhe tunele plastike
- Fermat organike
- Implementimi dhe certifikimi Global GAP
- Mbështetja për sipërfaqet e mbjella
- Ripopullimi i peshkimit në ujërat e brendshme
Masat e investimit:
- Mbështetje për fermerët e rinj
- Ndërtim dhe rikonstruksion stanesh
- Pajisje, makineri dhe mjete për mekanizimin dhe modernizimin e proceseve të punës
Aplikimi kryhet online përmes platformës zyrtare e-Albania.
Autoritetet bëjnë thirrje që fermerët dhe subjektet e interesuara të aplikojnë brenda afateve të përcaktuara për të përfituar nga mbështetja financiare për vitin 2026.
