Me anë të një mesazhi në profilin e tij në Twitter, komisioneri për Zgjerim dhe Fqinjësi të Mirë në Bashkimin Europian, Johanes Hahn, uroi Maqedoninë e Veriut për anëtarësimin në NATO. Ndër të tjera, ai shkruan se kjo i kontribuon paqes dhe stabilitetit në Ballkan.
Menjëherë pas nënshkrimit të protokollit për në NATO, përmes një postimi në Facebook ka reaguar ish-kryeministri Nikolla Gruevski. Ai në mënyrë ironike ka uruar nënshkrimin e protokollit duke theksuar se pas situatës së sapokrijuar është koha për një strategji të re nacionale.
Maqedonia gjatë bisedimeve për emrin hoqi dorë nga pothuajse gjithçka, ndërsa Greqia fitoi gjithçka. Pas kësaj situate të sapokrijuar, nevojitet një paradigmë e re për emrin dhe identitetin, shkruan ai ndër të tjera./abcnews.al
