Një tjetër gjyqtare e Gjykatës Kushtetuese përballet me procesin e Vettingut.
Në seancën dëgjimore në Komisionin e Pavaruar të Kualifikimit, relatorja bëri të ditur se pas administrimit të informacionit, deklarimi është i saktë dhe në përputhje me ligjin. Nuk ka fshehje pasurie, nuk ka deklarim të rreme dhe nuk ka konflikt të interesit.
Pas kontrollit të kryer nga Komisioni i Pavaruar të Kualifikimit ka rezultuar se pasuria e gjyqtares Vitore Tusha është:
Një apartament banimi 3+1 me vlerë 3.6 mln, është rivleresuar në 16.4 mln.
Tokë are 500 m2 në Farkë në vitin 2007 në vlerën 4 mln. Apartament duplex me vlerë 59 mijë euro,shumë nga e cila ka palikujduar 15 mijë euro.
Në pronësi ka edhe një sipërfaqje trualli në Lalz.
Në raportin e Drejtorisë së Sigurimit të Informacionit të Kualifikuar shkruhet se Vitore Tusha është e përshtatshme për vazhdimin e detyrës.
Pasi dëgjoi pretendimet e të gjithë palëve, Komisioni i Pavarur i Kualifikimit u tërhoq për vendim, i cili do të bëhet të enjten.
Vitore Tusha është gjyqtarja e tretë që i nënshtrohet vetingut pas Besnik Imerajt dhe Fatos Lulos. Duket se nuk do të ketë të njëjtin fat me kolegët e saj.
Imeraj dha dorëheqjen nga sistemi gjyqësor dhe u referua nga Komisioni i Pavaruar i Kualifikimit në Prokurori, ndërsa Fatos Lulo u shkarkua nga detyra pasi dispononte pasuri të pajustifikuar.
