Frika nga recesioni në SHBA zbeh perspektivën për rritjen ekonomike globale

schedule15:04 - 24 Qershor, 2022

schedule 15:04 - 24 Qershor, 2022

Rritja e prodhimit global po ngadalësohet në mbarë botën pasi izolimi i Kinës për shkak të përhapjes së COVID-19 dhe pushtimi rus i Ukrainës po prishin zinxhirët e furnizimit dhe ka rritur inflacionin në nivelin më të lartë në vite, ndërkohë që rreziku në rritje i një recesioni në SHBA paraqet një kërcënim i ri për ekonominë globale, sipas Reuters.

Prodhuesit amerikanë  raportuan rënien e parë të porosive të reja në dy vite përballë rënies së besimit të konsumatorëve dhe biznesit. Indeksi i prodhimit të përbëra të PMI të S&P Global, i cili gjurmon sektorët e prodhimit dhe shërbimeve, ra në 51.2 këtë muaj në krahasim me 53.6 në maj, duke shënuar ritmin më të ngadaltë të rritjes në pesë muaj.

“Besimi tek biznesët tani është në një nivel që zakonisht do të paralajmëronte një rënie ekonomike, duke shtuar rrezikun e recesionit,” tha Chris Williamson, kryeekonomist i biznesit në S&P Global Market Intelligence.

Ndërkohë, çmimet e larta në eurozonë nënkuptojnë se kërkesa për mallra të prodhuara ra në qershor dukë shënuar ritmin më të shpejtë që nga maji 2020 kur filloi pandemia e koronavirusit.

“Me indekset e çmimeve që mbeten jashtëzakonisht të forta, zona e euros duket se ka hyrë në një periudhë stagflacioni. Ka afërsisht një në tre shanse për një recesion në bllok brenda 12 muajve, parashikuan ekonomistët në një sondazh të Reuters të publikuar më herët të enjten. Ata thanë gjithashtu se inflacioni – i cili arriti një nivel të lartë rekord prej 8.1% muajin e kaluar nuk kishte arritur ende kulmin.

Jerome Powell, kryetar i Rezervës Federale, tha të mërkurën se banka qendrore nuk po përpiqej të krijonte një recesion në Shtetet e Bashkuara për të ndaluar inflacionin, por ishte plotësisht i përkushtuar për të vënë çmimet nën kontroll edhe nëse një gjë e tillë rrezikon një rënie ekonomike.

Ai pranoi se recesioni ishte “sigurisht një mundësi”. Inflacioni vazhdon të jetë të paktën tre herë më i lartë se niveli i synuar i Fed prej 2% dhe pritet të sjellë një rritje tjetër të normës së interesit me 75% muajin e ardhshëm, sipas ekonomistëve të anketuar nga Reuters.

Firma amerikane e investimeve PIMCO paralajmëroi të mërkurën se shtrëngimi i politikës monetare nga bankat qendrore për të luftuar inflacionin e vazhdueshëm të lartë rriti rrezikun e recesionit. Ekziston një shans 40% për një recesion në SHBA gjatë dy viteve të ardhshme, me një shans 25% që kjo të ndodhë në vitin e ardhshëm.

“Stagflacioni, i cili karakterizohet nga inflacioni i lartë i vazhdueshëm, papunësia e lartë dhe kërkesa e dobët, është bërë tema mbizotëruese e rrezikut që nga fundi i tremujorit të parë të 2022,” tha Fitch Ratings në një raport të publikuar këtë javë.

Shitjet me pakicë në SHBA shënuar rënie në maj dhe shitjet ekzistuese të shtëpive ranë në nivelin më të ulët të dy viteve, një shenjë që inflacioni i lartë dhe rritja e kostove të huamarrjes kishin filluar të dëmtonin kërkesën.

Ekonomia e Britanisë u tkurr papritur në prill, duke shtuar frikën për një ngadalësim të mprehtë pasi kompanitë po ankohen për rritjen e kostove të prodhimit. Ka një shans 35% për një recesion britanik brenda 12 muajve. Në Azi, eksportet e Koresë së Jugut për 10 ditët e para të qershorit u tkurrën pothuajse 13% nga viti në vit, duke nënvizuar rrezikun në rritje për ekonomitë e rajonit të drejtuara nga eksportet.

Ndërsa eksportuesit kinezë shënuan shitje rekord në maj, të ndihmuar nga lehtësimi i kufizimeve vendase të COVID-19, shumë analistë presin një perspektivë më sfiduese për ekonominë e dytë më të madhe në botë për shkak të luftës në Ukrainë dhe rritjes së kostove të lëndëve të para.

/abcnews.al