Loading ...
Tensione, përplasje dhe momente dhune u shënuan në protestën e mbajtur të enjte para Kuvendit.
Një pjesëmarrje e pakët por me shumë akte dhune që përngjan me tubimet e grupit të molotovëve lanë të lënduar disa punonjës policie, të cilët u goditën me gurë e sende të forta.
Tensionet nisën që para fillimit të seancës plenare, përplasjet mes protestuesve dhe policisë u përshkallëzuan teksa qytetarët tentuan të çanin disa herë gardhin metalik.
Protestuesit goditën me vezë në drejtim të Kuvendit dhe deputetëve por policia veproi mënjëherë duke arrestuar fillimisht 5 persona mes tyre dhe Gent Prognin një prej organizatorëve.
Përfundimi i seancës plenare shënoi dhe agravimin e situatës, militantët nuk I ndalën aktet e dhunës, ata qëlluan me gurë në drejtim të efektivëve, ndërkohë nuk kursyen as makinat e policisë të cilat I shkatërruan.
Vetëm pasi policia ndërhyri me ujë u bë e mundur netutralizimi i situatës me shpërndarjen e protestuesve. Teksa u shoqëruan mbi 25 persona 19 prej tyre u arrestuan.
Si pasojë e sulmeve gjatë protestës 15 efektivë mbetën të plagosur si dhe 4 protestues.
