Fitore jetike për objektivin mbijetesë, Renova nuk gabon në Tetovë

schedule14:56 - 17 Prill, 2021

schedule 14:56 - 17 Prill, 2021

Renova po lufton fort për të evituar rrëzimin nga kategoria në Maqedoninë e Veriut, teksa sot mori tre pikë jetike në shtëpi. Skuadra nga Tetova mposhti 2-1 Sileksin, një rival për mbijetesën.

Vendasit e nisën shumë mirë ndeshjen dhe shënuan të dy golat e fitores në pjesën e parë. Shefit Shefiti zhbllokoi ndeshjen, ndërsa Fatjon Jusufi realizoi golin e qetësisë.

 

 
Renditja në Maqedoninë e Veriut

Ekipi mik reagoi në fraksionin e dytë të takimit, por shkurtoi diferencën me anë të Ivan Galevskit vetëm në minutën e fundit. Në fund 2-1 dhe Renova që feston marrjen e tre pikëve. /abcnews.al

Maqedonia e Veriut, java e 28-të
Renova-Sileks 2-1
(Shefiti 12′, Jusufi 38′ / Galevski 90′)