Një ditë pas nisjes së hetimeve të prokurorisë së Elbasanit për helmimin e disa fëmijëve në një kopsht publik në Gramsh, prindërit u mblodhën në shenjë proteste.
Kryetari i bashkisë së Gramshit, Besion Ajazi thotë se nuk bëhet fjalë për 72 të prekur, por për 14 raste, 6 prej të cilëve kanë marrë shërbim spitalor.
Fatmirësisht, fëmijët kanë lënë spitalin dhe ndodhen në gjendje të mirë shëndetësore.
Helmimi i fëmijëve të kopshtit shtetëror në Gramsh po hetohet nga prokuroria e Elbasanit ndërsa në ISHP dhe Institutin e Sigurisë Ushqimore po kryhen dhjetëra analiza.
Fëmijët në këtë kopsht janë ndjerë keq pas konsumimit të vaktit të drekës, ndërsa rasti u denoncua nga familjari I njëri prej fëmijëve I cili rezultoi pozitiv me bakterin salmonelë
/abcnews.al/
