Eksperti amerikan i sëmundjeve infektive, Anthony Fauci, ka deklaruar se duhet të merret parasysh ideja që udhëtarët nga Mbretëria e Bashkuar të vaksinohen para se të mbërrijnë në SHBA.
Duke folur në BBC News, Fauci tha se nuk do ta rekomandonte ndalimin e plotë të udhëtarëve nga Britania.
Sipas tij, ndalimi i plotë “mund të jetë një reagim i tepërt”.
“Megjithatë, unë sigurisht i respektoj vendet e tjera për vendimet e tyre”, tha ai.
Deklarata e Faucit vjen pasi shumë vende të botës i kanë ndaluar udhëtimet nga Mbretëria e Bashkuar për shkak të variantit të ri të koronavirusit.
Varianti i ri i cili vlerësohet të jetë 70 për qind më i transmetueshëm, por nuk besohet të jetë më i rrezikshëm./abcnews.al
