Shumë familje në zonën e Laçit dhe të Krujës kaluan natën jashtë për shkak të reshjeve të shiut që përmbytën rrugët dhe uji hyri brenda në shtëpi. Probleme të mëdha u paraqitën edhe ne autostradë.
Për orë të tëra gjatë natës, uji iu bllokoi rrugët dhe u hyri në shtëpi apo në dyqane. Me ardhjen ditës së re banorët po largojnë baltën. Shumë fshatra në Krujë dhe në Laç u përmbyten nga reshjet e shiut.
30 familje vetëm në Fushë Krujë kaluan natën jashtë. Uji u hyri në brendësi për shkak të vërshimit të lumenjve Zezë dhe Ishëm. Superstrada u përmbyt për rreth një orë në fshatin Derven.
Nënkalimet ishte të paqarkullueshme. Dhe mjetet kanë lëvizur me vështirësi për shumë orë. Situatë të rëndë pati edhe në stacionet e tjera të pompimit, në Fushë Kuqe dhe Adriatik.
Energjia elektrike u ndërpre për shkak të situatës së krijuar nga përmbytjet. Për pasojë në Durrës dhe në Shijak pati mungesë të ujit të pijshëm./ABC News Albania 24/7
