virusi
eri Ida15:18 | 27/03/2020
Gjermania ditët e fundit po përballet me një numërtë shtuar të pacientëve të infektuar me koronavirus. Deri më tani kanë humbur jetën 285 persona dhe mbi 47 mijë persona raportohen të infektuar me COVID 19 në këtë shtet.
Informacionet e fundit bëjnë me dije se gjatë 24 orëve të fundit janë konfirmuar pozitivë me koronavirus 3435 persona.
Ndërkohë një ditë më parë kancelarja gjermane, Angela Merkel, përjashtoi mundësinë e lehtësimit të masave të izolimit, duke theksuar se rastet e reja vazhduan të rriten me shpejtësi gjatë dy ditëve të fundit./abcnews.al
So Nila08:50 | 17/03/2020
Kanë kaluar më shumë se një muaj që kur Organizata Botërore e Shëndetësisë shpalli koronavirusin një emergjencë shëndetësore publike me shqetësim ndërkombëtar. Që nga fillimi i shpërthimit, ka pasur 182,820 raste të virusit në të gjithë botën dhe 7,174 vdekje.
Ndërsa zyrtarët punojnë për të ndaluar përhapjen e virusit, është e vështirë të mos pyesni veten se çfarë do të ndodhë më pas. Këtu po hedhim një vështrim në atë që ndodhi gjatë shpërthimeve të tjera infektive.
“I tillë ishte rasti i vitit 2014, kur në Afrikën Perëndimore, shpërtheu virusi Ebola, i cili përfundoi duke u ngalësuar me shumë sforcim.”- tha Organizata Botërore e Shëndetit në mars të 2016-ës.
“Shpërthimi përfundoi pas një ‘reagimi të koordinuar ndërkombëtar’.”- tha Dr. Peter Hotez, profesor dhe dekan në Shkollën Kombëtare të Mjekësisë Tropikale, në “Baylor College of Medicine”.
Kur filloi shpërthimi tjetër, në 2018-ën, dy trajtime të zhvilluara nga shpërthimi i parë u janë ofruar të gjithë pacientëve në Republikën Demokratike të Kongos.
SARS është një tjetër lloj koronavirusi që infektoi më shumë se 8,000 njerëz në vitin 2003. “Deri në maj të atij viti, ai u shkatërrua”,- tha Dr. Howard Markel, drejtor i Qendrës për Historinë e Mjekësisë në Universitetin e Miçiganit.
“Ndonjëherë, kjo vjen për shkak se moti ndryshon dhe nganjëherë ndodh, sepse mjaft njerëz janë infektuar dhe kanë fituar imunitet.”- tha Markel.
H1N1 është një lloj gripi, i cili shkaktoi një pandemi në 2009-ën dhe tani është bërë një virus që ndodh sezonalisht.
Aktualisht nuk ka asnjë vaksinë dhe asnjë trajtim specifik antiviral të rekomanduar për koronavirusin e ri, por shumë janë në zhvillim.
“Më shumë se 20 vaksina për koronavirusin janë në zhvillim.”- tha Tedros Adhanom Ghebrevesus, drejtori i përgjithshëm i Organizatës Botërore të Shëndetit. Testimi i parë klinik i një ilaçi antiviral është duke u zhvilluar. Njerëzit duhet të qëndrojnë vigjilentë dhe të përgatitur.
“Ajo që nuk po mësojmë dot është se duhet të jemi të përgatitur për çdo gjë.”- tha Markel./abcnews.al
eri Ida11:55 | 16/03/2020
Italia është vendi me gjendjen më të rënduar përsa i përket situatës e të prekurit dhe viktimat nga koronavirusi. Këtë të hënë Kryeministri italian Giuzzepe Conte në një konferencë për mediat ka bërë një përmbledhje në lidhje me situatën e krijaur në vend për shkak të koronavirusit.
Conte ka ripërsëritur apelin e tij ndaj qytetarëve iatlianë që të qëndrojnë në shtëpi dhe të respektojnë udhëzimet e bëra publike. Ndër të tjera ai ka theksuar se sporti do të lejohet por grumbullimet masive janë të ndaluara.
”Për të verifikuar rezultatet e vendimeve të qeverisë në luftën kundër koronavirusit duhet të presim disa javë. Për pjesën tjetër, nuk nevojiten udhëzime të reja, respektoni ato që ekzistojnë,” është shprehur Conte.
Ndërkohë deri më tani në Itali janë shënuar 1809 viktima ndërsa mbi 24 mijë të tjerë janë konfirmuar të infektuar duke qenë vendi i dytë pas Kinës në botë që ndikimi i koronavirusit është më i madh. /abcnews.al
So Nila10:10 | 14/03/2020
Me përhapjen e koronavirusit shumë kompani të mëdha në botë kanë marrë masa që puna të bëhet nga shtëpia. Gjithsesi shpesh herë kjo metodë nuk është efektive, pasi në shtëpi tendenca për t’u shpërqendruar sidomos në momente frike dhe paniku është e lartë.
Nga ana tjetër ekzistojnë disa metoda që mund t’ua bëjnë akoma më të lehtë punën nga shtëpia në kohë të tilla.
Gjëja e parë që duhet të bëni është të krijoni një komunitet online mes stafit. Kjo do ta bëjë më të lehtë punën si dhe lidhjen mes jush, sigurisht për të marrë këshilla e sugjerime.
Nga ana tjetër sugjerohet që të krijoni një ambient të izoluar teksa punoni. Nëse jetoni me familjen tuaj kujdesuni që këta të fundit të kuptojnë se pavarësisht fatit që jeni në shtëpi, kjo nuk do të thotë se duhet të neglizhoni punën. Mund t’i kërkoni të bëjnë sikur ju nuk jeni farë në shtëpi gjatë orarit të punës, në mënyrë që të qëndroni të qetë.
Është e rëndësishme që të përqëndroheni edhe kur punoni nga shtëpia. Një nga hapat më të rëndësishëm që do t’ju ndihmojnë ta bëni këtë është edhe ndjekja pak a shumë e së njëjtës rutinë që ndiqnit edha para se të izoloheshit për të punuar nga shtëpia. Nëse më herët e fillonit ditën me një kafe në barin pranë vendit të punës, tani mund ta filloni ditën me një kafe në shtëpi. Këto veprime të vogla do t’ju ndihmojnë që të jeni efektivë dhe të arrini të njëjtat rezultate në punë./abcnews.al
eri Ida18:45 | 26/02/2020
Instituti Kombëtar i Shëndetësisë Publike në Kosovë (IKSHPK), ka deklaruar se deri më tani asnjë rast i dyshuar për koronavirus nuk ka rezultuar pozitiv.
Përmes një njoftimi për mediat bëhet me dije se nga data 8 shkurt deri më 26 shkurt, në Laboratorin e Mikrobiologjisë Molekulare në IKSHPK me metodën rRT-PCR janë testuar gjithsej 17 mostra të dyshimta në virusin SARS-CoV-2 dhe të gjitha kanë rezultuar negative.
Instituti Kombëtar i Shëndetësisë Publike të Kosovës (IKSHPK) gjatë ditës së sotme ka marrë informatë nga Klinika Infektive e QKUK për 6 raste të dyshimta në COVID-19.
Pacientët u kontrolluan nga ekipi i infektologëve në Klinikën Infektive në QKUK dhe iu morën mostrat për testim laboratorik në virusin SARS-CoV-2 dhe Influencë A dhe B. Ndërkohë dhe 6 pacientët e testuar këtë të mërkurë në Laboratorin e Mikrobiologjisë Molekulare në IKSHPK të dyshuar me SARS CoV-2 dhe influencë A dhe B dhe kanë rezultuar negative në të tri analizat, që do të thotë se nuk janë të infektuar me virusin SARS-CoV-2 dhe influencë A dhe B. /abcnews.al
eri Ida17:01 | 22/02/2020
Deri dje kishte frikë se koronavirusi mund të vinte nga një person kinez, tani frika ka edhe pamjen e një qytetari italian, pas rasteve të infektimit në Codogno.
Sipërmarrësi kinez Francesco Wu i cili jeton dhe punon në Milano me ironi përmes një postimi në rrjetin Instagram shfaqet në një foto krah një mikeshe italiane.
“Pas disa rasteve në Lombardi dua të tregoj se nuk kam frikë nga miku im italian. Siç mund ta shihni, #nonaverepauradeglitaliani”, shkruan Francesco.
Ky është një postim që ai dënon dhe disa raste të fundit që janë bërë diskriminim ndaj komunitetit francez për shkak të përhapjes së koronavirusit./abcnews.al
eri Ida07:23 | 10/02/2020
Ka shkuar në 910 numri i të vdekurve nga koronavirusi, sipas shifrave më të fundit, por duket se numri i personave të sapo infektuar në ditë është stabilizuar.
Sipas mediave ndërkombëtare në të gjithë Kinën, 40.171 persona janë të infektuar ndërsa 187.518 janë nën vëzhgimin mjekësor.
Ndërkohë sipas të dhënave të autoriteteve kineze, 3,281 pacientë janë shëruar dhe kanë lënë spitalin.
Ndërkohë muajin e kaluar, Organizata Botërore e Shëndetit (OBSH) shpalli emergjencë globale s për shkak të shpërthimit të virusit.
Virusi i ri, 2019-nCov, u raportua për herë të parë në kryeqytetin Hubei, Ëuhan, i cili prej javësh të tërë është izoluar.
Ndërkohë, Hong Kongu ka zbatuar një periudhë të detyrueshme karantine dy-javore për këdo që arrin nga Kina kontinent. Vizitorëve u thuhet të izolohen në dhomat e hoteleve ose qendrave të drejtuara nga qeveria, ndërsa banorët u kërkohet të qëndrojnë në shtëpitë e tyre./abcnews.al
So Nila10:23 | 06/02/2020
Dasmat jo gjithmonë shkojnë saktësisht ashtu siç ne e planifikojmë, por derisa frika ndaj koronavirusit vazhdon të rritet një çift ka vendosur të martohet përtej parashikimeve të tyre.
Çifti Joseph Yew dhe gruaja e tij Kang Ting u kthyen nga një udhëtim në Kinë vetëm disa ditë para dasmës së tyre.
Kur të ftuarit filluan të shprehin shqetësime për pjesëmarrjen, çifti gjeti një mënyrë për të qetësuar frikën e tyre.
Ata organizuan një darkë me njerëzit e tyre, çdo gjë siç e kishin menduar por ndryshimi i vetëm është se ata nuk ishin të pranishëm aty.
Çifti në të vërtetë u martua në Kinë në tetor, por kjo ishte martesa e dytë për ta.
Nuk është e pazakontë në kulturën aziatike që të ketë dy dasma, veçanërisht kur të dy, nusja dhe dhëndri vijnë nga vende të ndryshme.
Por kur të ftuarit mësuan se çifti sapo ishte kthyer nga Kina, ata filluan të shqetësohen.
“Disa prej tyre thanë se nuk do vinin,” tha burri.
“Ne donim të shtynim dasmën por hoteli nuk ishte i gatshëm. Ata thanë se gjithçka ishte rregulluar dhe ishte e panegociueshme. Kështu që ne nuk kishim zgjidhje tjetër përveç të vazhdonim me planet për dasëm.”
Çifti vendosi që ata të mos merrnin pjesë në dasmë për të qetësuar frikën e mysafirëve të tyre.
“Ne u thamë të ftuarve që do të ishim të pranishëm nëpërmjet video-live… disa prej tyre ngelen të tronditur”, tha ai. “Unë mendoj se nëse do të kishim qenë atje, atmosfera do të ishte ndryshe.
“Prindërit e mi nuk ishin të lumtur për këtë në fillim por në fund pranuan”
“Ne falënderuam të ftuarit që erdhën dhe u thamë që të shijojnë darkën,” tha z. Yew.
Hoteli gjithashtu i shërbeu shampanjë çiftit. Ata hapën shampanjën në dhomën e tyre pas fjalimeve përkatëse, të cilat ishin të gjitha në transmetim live për mysafirët në dasmë.
“Ne nuk jemi të trishtuar, por pak të zhgënjyer”, tha z. Yew nga dasma e tij.
“Unë mendoj se nuk kishte asnjë mundësi tjetër, kështu që nuk kemi pse të ndihemi keq për mënyrën si ndodhi./abcnews.al
So Nila14:30 | 02/02/2020
Autoritetet kineze të ndërtimit kanë mbaruar në kohë rekord spitalin e veçantë në Wuhan, i cili do të përdoret për të përballuar fluksin e madh të pacientëve të prekur nga koronavirusi.
Spitali, ‘Huoshenshan’ ditën e hënë siç ishte parashikuar do të presë dhe pacientë e parë të sëmurë. Objekti prej 25 mijë metra katrorësh do të menaxhohet nga mjekë ushtarakë. Në spital do të jenë në dispozicion 1 mijë shtretër.
Puna për spitalin nisi që më 24 janar, duke pastruar me shpejtësi terrenin për ndërtimin e tij. Puna për ndërtimi e këtij spitali është bazuar në spitalin Xiaotangshan në Pekin për të trajtuar personat e infektuar me sars në vitin 2003.
Ndërkohë në ndërtimin e këtij spitali special kanë marrë pjesë të gjithë inxhinierët e ndërtimit nga i gjithë vendi.
Koronavirusi i përhapur kohët e fundit në Kinë ka marrë jetën e të paktën 304 personave, ndërsa më shumë se 14 mijë të tjerë raportohen se janë prekur nga ai./abcnews.al
ger ta07:31 | 29/01/2020
Ka shkuar në 130 nurmi i të vdekurve nga koronavirusi në Kinë. Ndërkohë, qindra shtetas të huaj janë evakuuar nga qyteti kinez Wuhan, qendra e shpërthimit të koronavirusit, pasi u konfirmuan më shumë vdekje dhe të prekur.
Australia planifikon të izolojë 600 qytetarët e saj të kthyer për dy javë në ishullin e Krishtëlindjes – rreth 2,000 km (1.200 milje) nga kontinenti. Japonia, SHBA dhe BE gjithashtu po rikthejnë qytetarët e tyre.
Presidenti Xi Jinping e quajti virusin një “djall”, por tha që Kina do ta mposhte.
Një ekspert nga Komisioni Kombëtar i Shëndetit Kinez (NHC) tha se mund të duhen edhe 10 ditë të tjera për të arritur kulmin.
Virusi mendohet të ketë dalë nga kafshët e egra të tregtuara në mënyrë të paligjshme pranë derit në Wuhan, kryeqyteti i provincës Hubei.
Koronavirusi shkakton infeksion të rëndë akut të frymëmarrjes dhe nuk ka kurë ose vaksinë specifike./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
