vdekja
nev ila12:06 | 27/02/2020
Nexhmije Hoxha vdiq ditën e djeshme në moshën 99 vjecare. Për vdekjen e saj në rrjetet sociale por edhe media pati reagime të ndryshme. Për të folur në lidhje me vdekjen e saj por edhe me figurën e Nexhmije Hoxhës i ftuar në studio me gazetaren Juli Xhokaxhi ishte i ftuar Tomorr Alizoti.
Pjesë nga biseda në studio:
Juli Xhokaxhi: Ka ndërruar jetë Nexhmije Hoxha, ka patur një shpërthim në rrjet, shumë që gëzonin për ikjen nga jeta dhe shumë të tjerë shprehnin ngushellime, ju si mendoni për këtë?
Tomorr Alizoti: Ju më prezantuat historikun e familjes time, unë e shikoj si një ditë të trishtë. Zonja ishte simbolika e bolshevizmit, stalinizmit ekstrem. Kjo është fatkeqësi e popullit shqiptar sepse ajo zonjë i bëri shqiptarët të gatuanin në ëc, i bëri shqiptarët ta kalonin edhe detin me not, i deformoi, i depersonalizoi. Ajo nuk duhej lënë të vdiste në shtëpi, ajo duhej të vdiste në një qeli demokratike.
Një vend i vogël i izoluar për 50- vjet, ta përdhunosh, ta kolektivizosh, ti bëje familjet që të ndaheshin në një perde, dëmi më i madh që i ndodh një shoqërie është kolektivizimi. Individi shqiptar ka humbur pasi kolektivizimi i 50 viteve ka sjellë dëmet e veta.
Juli Xhokaxhi: Çfarë do ndodhte nëse Nexhmije Hoxha do e kalonte jetën në qeli?
Tomorr Alizoti: Unë kërkoj konceptin e demokracisë. Bota jep mesazhin duke i dhënë modelin brezave të rinj, që nëse tentojnë të ndërmarrin akte sic janë marrë në komunizëm do ju ndodhë e njëjta gjë, drejtësia është mesazh. Në rastin e Nexhmije Hoxhës shoqërisë nuk i është dhënë asnjë modeli. Drejtësia në politikë është mesazh. Për gjithë krimet e komunizmit kush mban përgjegjësi?
Në radhë të parë ka përgjegjësi populli shqiptar, nr. 2 ka përgjegjësi Partia Demokratike, e djathta shqiptare ka përgjegjësinë totale sepse ka qenë inekzistente në Shqipëri, ajo duhet ta ngrinte si kauzë. Në këtë vend u kthyen 3 milion skllevër. Këta vet duhet të kërkonin drejtësi për veten e tyre. Kemi marrë një kolpo psikologjike për demokracinë.
Pse nuk u pendua? Djalli nuk pendohet, është njësoj si ti kërkosh gjarprit pse më pickove? Ai atë mision ka. Duke e studiuar si figurë, në Shqipëri është një trishtim për popullin shqiptar që nuk e mori këtë mesazh demokratik.
Shqiptari në atë kohë u depersonalizua, Shqipëria është rast i trishtë. Ky popull ka mbyllur edhe sytë, nuk mund të linte të vdiste në krevat këtë mostër, simbol të së keqes. Nga kjo mostër kanë vdekur njerëz, janë kryer krime barbare, janë vrarë njerëz, janë persekutuar familje, fëmijë, kanë vrarë veten njerëz nga terrori i shtetit, imagjinoni sikur t’ju ndodhë juve. Simbolika e sigurimit të shtetit udhëhiqej nga Nexhmije Hoxha.
Kampet e përqendrimit në Shqipëri ishin terror i shtetit. Shqiptarit sot i është bërë një dëm shumë i madh, ai është deformuar. Unë e pranoj dhe e them haptaz këtë gjë në koncept sociologjik, Shqiptari nuk është i aftë për demokraci. Po u rrite për gjysmë shekulli në kolektivizëm, nuk mund të bësh një akt demokratik, akti demoktratik është individual. /abcnews.al
Veronik Istrefaj21:22 | 22/02/2020
Një ngjarje e rëndë ka ndodhur në Mynih mbrëmë, në stadiumin e Bayern, Allianz Arena. Mbesa e mesfushorit të Paderborn, Streli Mamba, vetëm 14 muajsh, ishte e pranishme në stadium, aty ku ka ndërruar jetë. Bayern i shprehu ngushëllimet më të thella familjes së vajzës që ka ndërruar jetë.
“Një vdekje tragjike ka ndodhur në Allianz Arena gjatë ndeshjes së djeshme në Bundesliga midis Bayern dhe Paderborn. Një vajzë 14 muajsh u rrëzua në stadium.
Pas përpjekjeve të mjekëve, vajza u dërgua në një klinikë në Mynih nga ambulanca, por nuk mund të shpëtonte dhe vdiq. Vajza ishte mbesa e lojtarit të Paderborn, Streli Mamba.
E gjithë familja e Bayern është tronditur thellësisht dhe shpreh ngushëllimet më të thella për familjen e vajzës”, shkruhej në komunikatën e Bayern./abcnews.al
ger ta18:10 | 14/02/2020
Gjendja e 16-vjeçares Merita Tola që ndodhet në spitali e Traumës paraqitetet e stabilizuar. Ndersa dhimbja ka pllakosur në familjen Tola, ku tre anëtarë humbën jetën tragjikisht si pasojë e rrjedhjes së gazit.
Nëna Rajmonda Tola, 45 vjeçe, vajza Rudina Tola, 22 vjeçe, dhe djali Fatjon Tola, 14 vjeç ndërruan jetë, ndërsa vajza tjetër Merita Tola ndodhet në spital, në gjendje të stabilizuar, jashtë rrezikut për jetën.
Abcnews.al ka mësuar se Rudina ishte nënë e katër fëmijëve. Vajza e madhe ishte e martuar, ndërsa Rudina që ndërroi jetë ishte e fejuar dhe pritej të martohej këtë vit. Po kështu humbi jetën edhe djali 14 vjeçar, ndërsa tragjedisë i shpëtoi vajza 16 vjeçe.
Teksa trupat e viktimave ndodhen në morgun e Spitalit të Peshkopisë, ku po i nënshtrohen autopsisë në banesën e familjes Tola janë mbledhur të afërmit e tyre që po vajtojnë për humbjen tragjike të 3 jetëve.
Ngjarja e rëndë ndodhi mbrëmjen e kaluar. Kanë qenë fqinjët ata që kanë gjetur pa shenja jete nënën , dhe dy fëmijët, pjesëtarë të familjes së Ylber Tolës. Nëna me tre fëmijët jetonin vetëm në shtëpi, pasi kryefamiljari punonte emigrant në Greqi.
Njëra nga vajzat, e mbijetuara e vetme ndodhet nën vëzhgimin e mjekëve në spitalin e Traumës, në gjendje të stabilizuar. Ndërsa presidenti Ilir Metaka bërë me dije se do të ketë një vizitë te Traua për të parë gjendjen e të mbijetuarës.
/abcnews.al
nev ila10:57 | 29/01/2020
Duke marrë shkas nga vdekja e 2 foshnjave 5 muajsh në qytetin e Beratit përpara 3 ditësh AKU ka njoftuar se ka marrë masa të menjëhershme për verifikimin e dyshimit se vdekja e foshnjave ka ardhur si pasojë e helmimit të qumështit pluhur.
Po kështu AKU informon se janë marrë mostra të qumështit pluhur për bebe për të analizuar produktin por edhe ujin që është përdorur për tretjen e produktit.
AKU ka njoftuar se produktet e kësaj kategorie në treg kontrollohen dhe janë produkte që vijnë të certifikuara nga vendet e BE-së.
Njoftimi i AKU:
“AKU, në bashkëpunim me organet e drejtësisë dhe shëndetësisë, merr masa të menjëhershme për verifikimin e dyshimit mbi helmimin e foshnjave në Qarkun e Beratit.
Autoriteti Kombëtar i Ushqimit, referuar rastit mbi dyshimin e helmimit nga qumështi pluhur për bebe, të dy foshnjeve në qarkun e Beratit, informon se ka marrë masa të menjëhershme në bashkëpunim me organet e drejtësisë dhe institucionet e shëndetësisë, megjithëse nuk ka dalë ende ekspertiza mjeko- ligjore.
Janë marrë mostra për analizim të produktit “qumësht pluhur për bebe”, duke përfshirë edhe analizimin e ujit që është përdorur për tretje e produktit, apo edhe rrethana të tjera që organet kompetente po hetojnë.
AKU siguron konsumatorin se produktet e kësaj kategorie në treg kontrollohen dhe janë produkte që vijnë të çertifikuara nga vendet e BE-së, sigurisht që ndiqen nga Operatorët e Biznesit Ushqimor nën përgjegjësinë kryesore të tyre, edhe nën monitorimin e rreptë të Autoritetit
Kombëtar të Ushqimit. Gjithashtu, ju bëjmë me dije se, referuar sistemit RASFF (Sistemi i Informimit të Shpejtë për Ushqimin dhe Ushqimin për Kafshë) i krijuar nga BE, pas veifikimeve rezultoi se nuk ka pasur asnjë njoftim të kategorisë “Alert” për këto lloj produktesh.
AKU, në kuadër të garantimit të sigurisë ushqimore për konsumatorin, ka marrë të gjitha masat e nevojshme për verifikim dhe gjurmimin e rastit, edhe pse ende nuk është shprehur Mjekësia Ligjore“./abcnews.al
nev ila14:39 | 27/01/2020
Mediat amerikane publikojnë arsyet kryesore të aksidentit tragjik ku humbi jetën ish basketbollisti Kob Brajant, vajza e tij 13 vjecare dhe 8 persona të tjerë. Mjegulla e dendur dhe sikueshëmria e ulët ka bërë që piloti të mos shohë në kohë kodrën me të cilën u përplas.
Ndërsa bota vijon të bëjë homazhe për Kon Brajant, hetuesit përpiqen të zbardhin shkaqet e aksidentit që shkaktoi vdekjen e tij.
Autoritetet vendore bëjnë të ditur se përreth zonës ku u përplas helikopteri, shikueshmëria ishte e ulët dhe piloti i helikopterit mund të jetë mashteuar nga mjegulla.
Helikopteri u përplas me një shpejtësi prej 300 kilometrash në orë në një kodër 500 metra mbi nvelin e detit, ndërsa është shumë e vështirë të merren trupat e pajetë për shkak të terrenit, aq sa mjekët mendojnë se do të duhen të paktën 48 orë.
Helikopteri i Brajant u nis nga Santa Ana në kontenë e Orinxh, në jug të Los Anxheles rreth prës 9 të mëngjesit me oërn lokale. Kontrollorët e trafikut ajror kishin paralajmëruar për shikueshmëri të ulët në zonë.
Pas 40 minutash fluturim helikopteri ishte gjendur përballë një kodre 500 metra të lartë dhe u përpoq të ngjitej menjëherë për të shmangur përplasjen, por nuk ia dli. Kur u përplas helikopteri fluturonte me 300 kilometra në orë.
Një nga pilotët që shpesh udhëtonte me Brajant u shpreh se arsyeja kryesore e tragjedisë ka të bëjë me kushtet e motit dhe jo me një difekt teknik./abcnews.al
ger ta11:52 | 04/01/2020
Policia e Korçës vuri në pranga dy persona të akuzuar si përgjegjës për vdekjen e 35-vjeçarit Elvis Josifi, teksa ishte duke punuar në një ndërtesë, ditën e djeshme.
Ndërkohë, avokati i dy të ndaluarve Esmerald Xhafa ka thënë për abcnews.al se arrestimi është i paligjshëm.
“Ndalimi i paligjshëm pasi nuk janë personat përgjegjës për të kontrolluar makineritë. Aurel Vemuni manovratori nuk ka në kopetencë të kontrollojë gjendjen teknike të betonieres, ndërsa tekniku Flamur Palla nuk ka përgjegjesi per kontrollin e pompës së (preses )së betonit. Prokuroria është treguar e nxituar dhe nuk ka patur asnjë provë për të ndaluar dy shtetasit pasi relativisht duhet të pritet një akt ekspertimi për të përcaktuar përgjegjesinë e kësaj ngjarje të rende”, është shprehur ai.
35-vjeçari Josifi humbi jetën pasi u këput vinçi dhe i ra në kokë. I plagosur mbeti edhe një person tjetër, i cili ndodhet në spital jashtë rrezikut për jetën./abcnews.al
ger ta11:18 | 04/01/2020
Kreu i PD, Lulzim Basha ka shprehur ngushëllimet për ndarjen nga jeta të ish-deputett të PD, Ali Gripshi.
Basha vlerëson kontrubutin në tre dekada të Gripshit për Partinë Demokratike. “Një luftëtar i paepur për drejtësi shoqërore, Ali Gripshi ishte shembulli i qytetarit të angazhuar që për dekada me radhë u shndërrua në frymëzim për dije e respektimin e të drejtave të njeriut. Breza të tërë të qytetarisë së Peqinit u rritën me pedagogjinë e Ali Gripshit”, shprehet Basha mes të tjerash.
Mesazhi i plotë:
Mbrëmë u nda nga jeta Ali Gripshi, ish-deputet i Partisë Demokratike dhe një prej aktivistëve kryesorë të degës së Partisë Demokratike të Peqinit.
Një luftëtar i paepur për drejtësi shoqërore, Ali Gripshi ishte shembulli i qytetarit të angazhuar që për dekada me radhë u shndërrua në frymëzim për dije e respektimin e të drejtave të njeriut. Breza të tërë të qytetarisë së Peqinit u rritën me pedagogjinë e Ali Gripshit, me iluminizmin dhe atdhedashurinë që ai përçonte edhe në kohën e diktaturës, kur varfëria synonte tjetërsimin e njeriut dhe shndërrimin e tij në një skllav të regjimit.
Pas rrëzimit të diktaturës Ali Gripshi u rreshtua në vendin që meritonte dhe që i takonte. Me themelimin e Partisë Demokratike në Tiranë, ai ishte i pari në Peqin që mori teserën e PD, ishte drejtues i grupit nismëtar që krijoi degën e PD në Peqin dhe u zgjodh kryetari i parë i saj në Janar të 1991, njëkohësisht edhe anëtar i Këshillit të parë Kombëtar të PDSH.
Me kontributin e Gripshit, forcat demokratike regjistruan një fitore të thellë në Peqin, duke e rreshtuar atë plot meritë ndër bastionet e PD-së. Si një kurorëzim normal i këtij angazhimi shoqëror, erdhi edhe zgjedhja e Ali Gripshit si deputet në Kuvendin e Shqipërisë, në vitin 1996.
Qytetarët e Peqinit kujtojnë përpjekjet e gjithanshme të Ali Gripshit për zhvillimin e zonës, jo vetëm në funksionin e Drejtorit të Drejtorisë Arsimore, por kryesisht në funksionet e një prijësi, e një kryeplaku të vërtetë, i cili diti të kontribuonte që në qytet të mos rikthehej padrejtësia, e çfarëdo forme qoftë ajo.
Partia Demokratike ka qenë e nderuar që ka pasur për thuajse 3 dekada në radhët e saj Ali Gripshin dhe ka gëzuar kontributin e pashoq të mësues Gripshit, Nderit të qytetit të Peqinit.
Mendimet dhe lutjet e mija janë me 3 vajzat e Aliut dhe të gjithë të afërmit dhe miqtë e Aliut. Me humbjen e tij të parakohshme, ato humbën babanë e tyre të shtrenjtë, familja njeriun e saj më të dashur dhe PD aktivistin e pashoq.
Përpjekja për një shoqëri më të drejtë, për një Peqin të arsimuar e një Shqipëri të zhvilluar është një detyrim për Partinë Demokratike, por edhe një homazh për kontributin 30 vjeçar të Ali Gripshit në radhët e saj.
U prehtë në paqen e përjetshme.
I paharrueshëm qoftë kujtimi i tij!
ger ta14:17 | 03/01/2020
Një 35-vjeçar humbi jetën sot në Korçë teksa punonte në një ndërtesë. Ervis Josifi humbi jetën pasi u këput vinçi dhe e zuri poshtë në momentin që ishte duke punuar në kantier.
Ngjarja e rëndë ndodhi mesditën e sotme në hyrje të Pazarit. Ndërkohë, në një video të siguruar nga abcnews.al shihet momenti kur vëllai i viktimës mëson lajmin tragjik.
“O nënë çfarë na bënë”, dëgjohet të thotë ai me ngashërim, ndërsa personat e tjerë aty pranë mundohen ta qetësojnë.
Lidhur me ngjarjen u prononcua edhe një dëshmitar, i cili theksoi se ishte e pamundur të shpëtonte 35-vjeçari, pasi u këput vinçi dhe i ra në kokë.
“U keput vinci dhe e zuri. Ka qene e pamundur të shpetojë jeta e atij personi pasi është shkëputur koka e vinçit. Bemë të pamundur për ta shpëtuar. Mund të ishte ngjarje më e rende pasi kanë qenë të gjithe punëtoret në katin e katër të godinës. Ata kane qene te pajisur me mjetet e sigurise (kokoret e kantierit)”, shprehet ai./abcnews.al
Vladimir Prenga10:12 | 31/12/2019
Shyqyri Rreli, ish-lojtari dhe ish-trajneri i kombëtares shqiptare, është ndarë ditën e sotme nga jeta. I nderuar me çmimet “Mjeshtër i Madh” dhe “Nderi i Kombit”, ish-futbollisti i Dinamos, Tiranës dhe Erzenit, do të përcillet sot në banesën e fundit.
Homazhet do të zhvillohen sot prej orës 12:00, në orën 14:00, në ambientet e “Air Albania Stadium”. Lajmi i largimit të Rrelit nga jeta ka pikëlluar gjithë botën e futbollit dhe shumëkush ka shprehur respektin për të përmes postimeve në rrjetet sociale.
Disa fjalë për Rrelin i ka edhe presidenti i Federatës Shqiptare të Futbollit, Arman Duka, i cili shkruan: “Të dashur miq të familjes tonë të madhe të futbollit! Në këtë mëngjes të fundit të vitit 2019, po ndaj me ju lajmin e trishtë se ish-trajneri i Kombëtares, Shkëndijës dhe Tiranës, Profesor Shyqyri Rreli, është ndarë nga jeta.
Profesor Rreli do të ngelet përherë në memorien time si një nga trajnerët më të suksesshëm shqiptar. Një figurë e madhe e Tiranës dhe Shqipërisë, që me urtësinë, qetësinë dhe komunikimin e shkëlqyer fitoi zemrat e të gjithë lojtarëve dhe sportdashësve shqiptar. E gjithë jeta e tij ishte në shërbim të progresit të futbollit shqiptar, duke qëndruar gjithmonë larg sherreve dhe debateve të kota.
Në këtë moment të vështirë për të gjithë ne, për familjen dhe miqtë e tij të shumtë, gjej rastin t’i shpreh familjes dhe të afërmve ngushëllimet më të sinqerta për humbjen e njeriut të tyre më të dashur. Kujtimet që na ka lënë, do të jenë të paharruara. Prehu në paqe Profesor!”. /abcnews.al
nev ila11:54 | 03/12/2019
“Ishte shqetësuese të mësonim se gjatë tragjedisë së fundit, forcat shqiptare të sigurisë nuk kishin asnjë qen kërkimi në operacionet e shpëtimit. Kemi një institut për qentë, por që paska dalë jashtë loje, sepse mendohet vetëm për “diversantët”. Kështu e ka nisur reagimin e tij ish-Drejtori i Arkivit të Ministrisë së Brendshme Kastriot Dervishi.
Në fakt tërmeti i 26 nëntorit ka nxjerrë në pah gjithë problematikën e institucioneve shqiptare sidomos të emergjencave civile.
Tërmeti konfirmoi mungesën e theksuar se logjistikës nga ekipet shqiptare duke na treguar edhe njëherë se sa të papërgatitur jemi në raste emegjencash të tilla.
Madje, edhe pse gjatë ditëve të operacionit të kërkim-shpëtimit, nuk kishim asnjë qen që të kërkonte për trupa nën rrënoja, buxheti i shtetit harxhon shuma të konsiderueshme për përgatitjen, trajtimin dhe ushqimin e tyre.
Më tej Dervishi shkruan:
“Në harkun e 7 vjetëve e gjysmë, ngaqë depoja e Arkivit të Ministrisë së Brendshme ndodhet në këtë mjedis, së paku 1-2 herë në javë kam qenë në shkollën e qenve në periferi të Tiranës. Kam parë ecurinë e punës së njerëzve të përkushtuar, pasionin e të cilëve e fshiu fare politika e injorantëve me tekat e saj. Në vitin 2007 shkolla kaloi në varësi të Akademisë së Policisë. U krijuan praktika të reja pune. Jo vetëm që institutet që kishin nevojë “furnizoheshin” me “lëndën” e shkollës, por edhe pjesa e papërshtatshme shitej. Vendosja e Saimir Tahirit në krye, ishte një fatkeqësi e madhe për ministrinë dhe pjesët përbërëse të saj. Tahiri që e kujtonte veten polic, veprimtarinë e tij e mbështeti te idetë e dala boje të disa kuadrove të pavlefshëm të komunizmit, të cilët i mori si këshilltarë. Policia u politizua ndjeshëm, u orientua drejt falsitetit, verbërisë politike, shpërndarjes se lajmeve ordinere (duke shkelur edhe rregullat e informacionit të klasifikuar) dhe spektaklit. U rikthyen në punë oficerë fanatikë komunistë, u luftua elementi i përndjekur politik, profesionistët, etj. Filluan panairet, ndërsa disa tyryfyçka partie që u bënë drejtore në ministri quanin “punë” spotet e llojit me merimanga për fëmijë në mure, apo shpërndarjen e citateve “Jemi me Policinë e Shtetit”. Një polici tërësisht e kalbur, por e lyer mirë nga jashtë, mbahej vetëm nëpërmjet mosushtrimit të detyrës, raportit jo korrekt me krimin si dhe nëpërmjet propagandës. Konkluzioni ishte i qartë: lulëzim i hatashëm i kriminalitetit, kthim i vendit në prodhues të lëndëve narkotike, etj.
Edhe shkolla e qenve nuk mund t’i shpëtonte këtij degradimi. Menjëherë u hoq nga puna shefi i saj. Shkolla kaloi në varësi të Drejtorisë së Kufirit, duke rikthyer një praktikë të kohës së komunizmit, se atë stil njihnin ndryshqet që solli partia. Se për këta ishte e paimagjinueshme të shërbejnë qente për kërkimin e drogës apo shpëtimin e njerëzve në rrënoja apo dëborë. Janë rritur me mitin e “kufitarit trim” që lufton “diversantët”.
U transferuan gjithë oficerët trajtues në detyra të tjera (a thua se kishte profile të ngjashme), duke e nxjerrë brenda pak vitesh realisht jashtë përdorimit. Nisur nga nga fakti se këta lloje nuk dinë të qeverisin, paaftësinë e tyre e mbushin me keqqeverisje e propagandë. Vëreni këtë foto të vitit 2016. Ministri Tahiri takon qenin. Këtij madje i kanë vënë një “samar” me fjalën “Policia”. Një veprim qesharak ky pasi qentë e këtij lloji nuk kanë nevojë për fanela dhe samarë”./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
23:48 | 02/04/2020
23:30 | 02/04/2020
