trupat

trupat-shba-irak-1280x598.jpg
nev ila22:01 | 10/01/2020

Shtetet e Bashkuara kanë vendosur sanksione të reja ndaj Iranit për shkak të sulmit ndaj trupave amerikane në Irak këtë javë, tha Sekretari amerikan i Thesarit, Steven Mnuchin.

“Ne po shpallim sanksionet shtesë kundër regjimit iranian”, tha Mnuchin në një konferencë për media në Shtëpinë e Bardhë së bashku me sekretarin e Shtetit, Mike Pompeo.

Sanksionet e reja përfshijnë tetë zyrtarë të lartë iranianë, industrinë e çelikut dhe metaleve të tjera të vendit.

“Me vendimin e sotëm, presidenti i SHBA-së, Donald Trump, shënjestron burime të të ardhurave, të cilat regjimi iranian i përdorë për të financuar programin bërthamor, zhvillimin e raketave, terrorizmit dhe ndikimin malinj në rajon”, thuhet në deklaratën e Departamentit të Thesarit.

Ndërkohë, kryeministri i Irakut, Adel Abdul Mahdi, i kërkoi Sekretarit amerikan të Shtetit, Mike Pompeo, përgatitjen e një mekanizmi për tërheqjen e trupave amerikane nga vendi, tha zyra e kryeministrit Mahdi, raporton Uashington Post. Mahdi e bëri kërkesën gjatë një bisede telefonike me sekretarin Pompeo.

Kjo kërkesë, pason një vendim të parlamentit irakian, i cili votoi pro dëbimit të trupave amerikane nga Iraku. Parlamenti e ndërmori këtë veprim, pas vrasjes së komandantit iranian Qasem Soleimani, gjatë javës së kaluar në Irak, nga ana e Shteteve të Bashkuara.

Në shenjë hakmarrje, Irani sulmoi dy baza ushtarake në Irak të cilat strehonin trupat e SHBA-së.

Në Irak gjenden 5 mijë trupa amerikane. Kryeministri irakian i ka kërkuar sekretarit Pompeo që të dërgojë përfaqësuesit amerikanë për të përgatitur planet, për një tërheqje të sigurtë të trupave amerikane. Shtetet e Bashkuara kanë thënë se nuk e kanë në plan tërheqjen e forcave nga Iraku.

“Delegacioni të cilin Shtetet e Bashkuara do të dërgonin në Irak, nuk do të diskutonte tërheqjen e trupave amerikane nga vendi”, tha Departamenti amerikan i Shtetit.

“Sidoqoftë, duhet të ketë një bisedë midis SHBA-së dhe Irakut jo vetëm në lidhje me sigurinë, por për partneritetin tonë financiar, ekonomik dhe diplomatik“, tha zëdhënësja Morgan Ortagus, përmes një deklarate./abcnews.al

stoltenberg-zelensky-1280x710.jpg
nev ila19:36 | 31/10/2019

Sekretari i Përgjithshëm i NATO-s, Jens Stoltenberg dënoi veprimet agresive të Rusisë në rajonin e Detit të Zi, duke i bërë thirrje të tërheq trupat dhe pajisjet nga territori i Ukrainës në mbështetje të militantëve.

Sekretari i përgjithshëm i NATO-s, Jens Stoltenberg, tha të enjten në Kiev se Ukraina është një nga partnerët më të afërt të Aleancës.

Sekretari i Përgjithshëm i NATO-s, Jens Stoltenberg, i cili u takua në Kiev me presidentin ukrainas Volodymyr Zelenskyy, theksoi se gjatë kësaj vizite, është së bashku me të gjithë Këshillin very-atlantik.

Ai theksoi se kjo tregon mbështetjen e palëkundur të NATO-s dhe të gjithë aleatëve të NATO-s për Ukrainën”. Stoltenberg tha se kishte pasur një takim të shkëlqyer të NATO-s me Komisionin e Ukrainës dhe theksoi se Ukraina mbetet një nga partnerët më të afërt të Aleancës. Stoltenberg vuri ne dukje se trupat ukrainase shërbejnë në Afganistan dhe Kosovë.

Sekretari i Përgjithshëm i NATO-s konfirmoi se kishte diskutuar me presidentin ukrainas gjendjen e sigurisë në Ukrainën lindore. Stoltenberg konfirmoi se aleatët janë të inkurajuar nga përparimi në Stanytsia Luhanska dhe zona të tjera ku trupat janë duke u tërhequr.

Por në zona të tjera, konflikti në Dobas vazhdon të marrë jetë njerëzish. Stoltenberg tha se NATO është e shqetësuar nga kërcënimet dhe kufizimet ndaj vëzhguesve të OSBE-së.

“Rusia duhet t’i japë fund mbështetjes për militantët në Ukrainën lindore. Dhe të tërheqë trupat dhe paisjet e saj nga territori i Ukrainës”.

Stoltenberg theksoi se NATO mbështet plotësisht sovranitetin dhe integritetin territorial të Ukrainës dhe nënvizoi se nuk do ta njohë kurrë aneksimin e paligjshëm të Krimesë nga Rusia.

Sekretari i Përgjithshëm i NATO-s dënoi veprimet agresive të Rusisë në rajonin e Detit të Zi dhe i bëri thirrje Rusisë që të kthejnë anijet ukrainase që kishte kapur vitin e kaluar, dhe të sigurojnë hyrje të lirë në portet ukrainase në detin Azov.

NATO vazhdon të mbështesë Ukrainën dhe ka premtuar mbi 40 milion euro për ushtrinë e saj, dhe ka rritur bashkëpunimin në rajonin e Detit të Zi me stërvitje, vizita portuale dhe shkëmbim informacioni./abcnews.al

stoltenberg-1280x720.jpg
ent ela17:59 | 31/10/2019

Sekretari i përgjithshëm i NATO-s, Jens Stoltenberg, tha të enjten në Kiev se Ukraina është një nga partnerët më të afërt të Aleancës.

Sekretari i Përgjithshëm i NATO-s, Jens Stoltenberg, i cili u takua në Kiev me presidentin ukrainas Volodymyr Zelenskyy, theksoi se gjatë kësaj vizite, është së bashku me të gjithë Këshillin veri-atlantik. Ai theksoi se kjo tregon mbështetjen e palëkundur të NATO-s dhe të gjithë aleatëve të NATO-s për Ukrainën”. Stoltenberg tha se kishte pasur një takim të shkëlqyer të NATO-s me Komisionin e Ukrainës dhe theksoi se Ukraina mbetet një nga partnerët më të afërt të Aleancës. Stoltenberg vuri ne dukje se trupat ukrainase shërbejnë në Afganistan dhe Kosovë.

Sekretari i Përgjithshëm i NATO-s konfirmoi se kishte diskutuar me presidentin ukrainas gjendjen e sigurisë në Ukrainën lindore. Stoltenberg konfirmoi se aleatët janë të inkurajuar nga përparimi në Stanytsia Luhanska dhe zona të tjera ku trupat janë duke u tërhequr. Por në zona të tjera, konflikti në Dobas vazhdon të marrë jetë njerëzish. Stoltenberg tha se NATO është e shqetësuar nga kërcënimet dhe kufizimet ndaj vëzhguesve të OSBE-së.

“Rusia duhet t’i japë fund mbështetjes për militantët në Ukrainën lindore. Dhe të tërheqë trupat dhe paisjet e saj nga territori i Ukrainës“.

Stoltenberg theksoi se NATO mbështet plotësisht sovranitetin dhe integritetin territorial të Ukrainës dhe nënvizoi se nuk do ta njohë kurrë aneksimin e paligjshëm të Krimesë nga Rusia.

Sekretari i Përgjithshëm i NATO-s dënoi veprimet agresive të Rusisë në rajonin e Detit të Zi dhe i bëri thirrje Rusisë që të kthejnë anijet ukrainase që kishte kapur vitin e kaluar dhe të sigurojnë hyrje të lirë në portet ukrainase në detin Azov.

NATO vazhdon të mbështesë Ukrainën dhe ka premtuar mbi 40 milion euro për ushtrinë e saj dhe ka rritur bashkëpunimin në rajonin e Detit të Zi me stërvitje, vizita portuale dhe shkëmbim informacioni. /ABC News Albania 24/7

 

31A0C122-4D15-4F46-AF9D-88D736955059_cx0_cy1_cw0_w1023_r1_s.jpg
ent ela10:30 | 13/10/2019

Ish-sekretari amerikan i Mbrojtjes, Jim Mattis, i cili kishte dhënë dorëheqje nga ky post për shkak të mospajtimeve me presidentin Donald Trump, ka paralajmëruar se grupi militant Shteti Islamik mund të “ringjallet” pas vendimit të Trumpit për të tërhequr trupat nga verilindja e Sirisë.

“Ne duhet të vazhdojmë të vazhdojmë presionin ndaj IS-it në mënyrë që ata të mos rikuperohen”, tha Mattis për NBC News.

“Ne ndoshta duam që lufta të marrë fund, ne ndoshta edhe deklarojmë se lufta ka marrë fund. Mund të tërhiqni trupat siç presidenti (Barack) Obama e mësoi në mënyrë të vështirë në Irak, por ne në ushtri themi se ‘armiku po ashtu ka të drejtën e votës’. Dhe në këtë rast, nëse ne nuk vazhdojmë presionin, IS-i do të ringjallet. Ata do të rikthehen”, tha Mattis.

Presidenti amerikan, Donald Trump është përballur me kritika pas vendimit për të tërhequr trupat amerikane nga kjo zonë, ku bashkëpunonin me forcat kurde të cilët luftojnë kundër IS-it.

Kritikët e kanë akuzuar Trumpin se ka tradhtuar aleatët kurdë, të cilët po përballen me sulme nga ushtria turke, që ka nisur ofensivë në veri të Sirisë. Ankaraja i konsideron luftëtarët kurdë terroristë dhe ka kërcënuar se do t’i largojë nga rajoni.

58678322-4175-494F-851E-8EC2438759D2_cx0_cy13_cw0_w1023_r1_s.jpg
nev ila12:26 | 19/07/2019

Një gjykatë e lartë holandeze ka mbështetur një vendim se Holanda ishte pjesërisht përgjegjëse për 350 vdekje në masakrën e Srebrenicës në Bosnje e Hercegovinë, në korrik të vitit 1995.

Gjykata tha se shteti kishte përgjegjësinë 10 për qind, pasi kjo ishte shkalla e mundësisë, që ushtarët holandezë, mund të kishin parandaluar vrasjet.

“Nëse forcat holandeze u dhanë mundësi këtyre burrave të qëndrojnë aty, ka pasur vetëm 10 për qind mundësi që ata të mos bien në duart e forcave serbe, dhe për këtë arsye shteti holandez duhet të jetë përgjegjës vetëm për atë pjesë të dëmit”, vendosi Gjykata.

Një gjykatë e apelit kishte caktuar përgjegjësinë më herët në 30 për qind, por vendimi i Gjykatës Supreme ka ulur në mënyrë drastike këtë shifër.

Forcat serbe të Bosnjës vranë rreth 8.000 burra myslimanë në qytetin e Srebrenicës më 1995.

Holandezët po ruanin një zonë të sigurisë të OKB-së, kur ndodhi ngjarja.

Është e rrallë për një shtet që të mbahet përgjegjës për dështimet në punën paqeruajtëse të OKB-së.

Në vitin 2002, një raport për rolin e Holandës në Srebrenicë bëri që e gjithë qeveria holandeze të japë dorëheqjen./REL

107213954_229ca2df-e899-4575-9745-bb526c2f455a.jpg
ent ela21:52 | 03/06/2019

Një trup i pajetë është nxjerrë të hënën nga ujërat e lumit Danub, në Hungari, 5 ditë pas incidentit të ndodhur javën e kaluar kur një varkë me turistë u mbyt. Mjeti lundrues po transportonte turistë koreano-jugorë dhe u fundos pasi u përplas nga një anije tjetër. Trupat e 7 prej tyre u rekuperuan natën e tragjedisë, ndërsa 7 të tjerë u shpëtuan të gjallë. Aktualisht, 19 shtetas koreano-jugorë dhe 2 hungarezë konsiderohen të humbur dhe dyshohet se janë mbytur. Trupi i rekuperuar ditën e hënë nuk është identifikuar ende, por sipas autoriteteve bëhet fjalë për një person me prejardhje aziatike. Më herët gjatë së hënës zhytësit hungarezë u përpoqën të arrinin varkën e fundosur, por u penguan nga prurjet e rritura të lumit Danub. /ABC News Albania 24/7

elisabetta-trenta-2.jpg
ent ela13:34 | 19/09/2018

Numri i ushtarëve italianë me në kuadër të misionit të KFOR në Kosovë do të reduktohet së shpejti. Deklarata është bërë nga ministrja italiane e mbrojtjes Trenta e cila vizitoi bazën ushtarake në Kosovë

Ministrja italiane e mbrojtjes Elizabeta Trenta ka vizituar bazën ushtarake të KFOR – NATO në Kosovë. Pas takimit me ushtarët italianë pjesë e këtij misioni ajo u shpreh se shumë shpejt do të ketë reduktim të kontigjentit Italian me mission në Afganistan. Këto ditë ministrja italiane po viziton ushtarët italianë në misione të të ndryshme ndërkombëtare, duke u shprehur për mediat se ndihej shumë krenare për ta.

Ajo theksoi se ushtarët italianë ndihmojnë në procesin e vendosjes dhe ruajtjes së paqes, si dhe i falenderoi ata për punën që bëjnë dhe familjet e tyre që i presin në shtëpi.

Javën e ardhshme në parlamentin Italian pritet të diskutohet ligji për financimin e misioneve ushtarake ndërkombëtare. Ministrja italiane u shpreh se këto misione do të rishikohen në bazë të interesave të Italisë, por nuk mund të jepte detaje pasi është një temë për të cilën po diskutohet ende. /abcnews.al

NATO-RUSI-MBULIM-1280x720.jpg
ent ela21:59 | 19/04/2018

Shefi i shtabit të përgjithshëm rus dhe komandanti suprem i NATO-s zhvilluan të enjten një takim të rrallë kokë më kokë, në përpjekje për të lehtësuar tensionet mes Perëndimit dhe Lindjes, më akutet që nga koha e Luftës së Ftohtë. Gjenerali amerikan Kurtis Skaparroti dhe ai rus Valeri Gerasimov u takuan në Baku të Azerbaixhanit, kur nuk është bërë ende një javë nga sulmet që Shtetet e Bashkuara, Britania dhe Franca kryen në Siri, si reagim ndaj përdorimit të armëve kimike të regjimit ndaj popullsisë. Në deklarata të ndryshme, NATO dhe Ministria ruse e Mbrojtjes bënë me dije se dy oficerët e lartë diskutuan për stërvitjet ushtarake dhe lëvizjet e trupave përkatëse, në vendet baltike dhe në lindje të Europës, që të dyja palët i konsiderojnë si kërcënuese. Gjithashtu, Skaparroti dhe Gerasimov diskutuan si të shmangin aksidentet ushtarake që mund të çojnë në luftë. /abcnews.al

vlcsnap-error048-1-1280x720.jpg
ent ela11:16 | 17/01/2018

Në Lezhë kanë mbërritur trupat e pajetë të dy motrave që u vranë në Zvicër nga bashkëshorti i njërës. Familja Frroku thotë se ende nuk di shkakun çfarë ndodhi atje, nuk duan hakmarrje, por drejtësi.

Trupat e dy motrave Frroku që u vranë në Zvicër mbërriten në Lezhë.

Nga Rinasi u dërguan drejt lagjes “Xhenio”, aty edhe ku ndodhet shtëpia e prindërve të tyre.

Familja Frroku po organizon ceremonitë mortore për dy vajzat e saj Alma dhe Elda Frroku, që u vranë nga bashkëshorti kosovar i njërës prej tyre.

Kushëriri i motrave: Nuk kemi dijeni për konflikt të përmasave të tilla. Kam qenë vetë në Zvicër, isha për drekë te familja e tyre. Nuk vura re asnjë lloj konflikti.

Ato do të varrosen të enjten në orën 11:00 në varrezat e Lezhës, por familja Frroku ka dhe një mesazh:

“Kjo nuk është një situatë që kërkojmë luftë, e lëmë në dorën e drejtësisë zvicerane dhe Zotit vetë”.

Pritet që autoritetet zviceriane të mbyllin hetimet, që do të hedhin dritë mbi atë që ndodhi në Hausen, të Kantonit Aargau të Zvicrës.

Motra e Almës, e vogla kishte shkuar aty për të kaluar festat e fundvitit, por gjeti vdekjen e dhunshme sëbashku me të motrën, në rrethana ende të paqarta. /abcnews.al

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono