Loading ...
Indonezia përballet me dy pamje tërësisht të ndryshme, teksa në zonat e goditura nga tërmeti vijojnë kërkimet për personat nën rrënoja, ndërsa në pjesë të tjera të vendit festohet Dita e Pavarësisë.
Në ishullin Flores, ekipet e shpëtimit vazhdojnë kërkimet për personat që dyshohet se ndodhen ende nën rrënoja, pas tërmetit të fuqishëm me magnitudë 7.7 që goditi zonën të shtunën.
Në Reo, në Regjencën Manggarai, shkëmbinj dhe mbeturina të mëdha kanë rënë në rrugë, ndërsa disa ndërtesa janë dëmtuar rëndë ose janë shembur pjesërisht.
Një kishë dhe një xhami kanë pësuar dëme të mëdha. Çarje të thella janë shfaqur në mure, ndërsa pjesë të strukturave janë shembur. Për siguri, besimtarët janë detyruar të zhvillojnë lutjet jashtë ndërtesave të dëmtuara.
Mes rrënojave, banorët vazhdojnë të kërkojnë të afërmit e tyre dhe të përballen me humbjen e familjarëve dhe fqinjëve.
Ekipet e shpëtimit nxorën gjashtë trupa të tjerë gjatë së dielës, ndërsa numri i viktimave është rritur në 54. Mijëra persona janë zhvendosur dhe shumë prej tyre vazhdojnë të flenë jashtë, nga frika e lëkundjeve të tjera.
Por ndërsa në lindje të vendit vijojnë operacionet e kërkim-shpëtimit, pjesa tjetër e Indonezisë ka shënuar Ditën e Pavarësisë.
Ceremonitë festive u zhvilluan, me ngritjen e flamurit dhe një shfaqje ajrore me parashutistë.
/abcnews.al/
