telefoni

edi-rama-telefoni-1280x610.gif
nev ila21:03 | 31/03/2020

Kryeministri Edi Rama edhe ditën e sotme ka vazhduar me komunikimin me qytetarët nga telefoni, komunikim të cilin e ka quajtur “Edi jam!”

Gjatë ditës së sotme, ndërsa ishte duke sqaruar se policia duke filluar nga nesër, do të ndëshkojë, një qytetar i ka rënë numrit të telefonit të kryeministrit.

I gjendur në befasi, pasi ishte live pothuaj në të gjithë ekranet, Rama hapi telefonin.

Gjatë bisedës me qytetarin, kryeministri ka theksuar faktin se ndihma nga shteti do të jetë sa për të mbajtur frymën gjallë në situatën që ndodhemi..

Qytetari i ka kërkuar Ramës ndihmë pasi gjendet në vështirësi për të bërë edhe pagesën e dritave, por kreu i qeverisë ka qenë i prerë, duke thënë se dritat do të paguhen se s’bën.

Biseda me qytetarin:

Rama: Kush i bie këtij telefoni?

Qytetari: Alo? Kush je?

Rama: Edi jam , Edi Rama jam, të mora qëparë unë, ishe në gjumë a si ishte puna?

Rama: S’ka problem, sidoqoftë më ke shkruar këtu për një arsye lëvizjeje, ca problemi ke?

Qytetari: Kam punuar në të zezë nuk kemi patur punë në firma bazë, në Greqi kemi qenë, këtu kemi punuar…

Rama: Çfarë arsye lëvizjeje ke?

Qytetari: Na është bllokuar puna dhe ngecëm, nuk marrim asnjë lek. Duam të paguajmë dritat, telefonin po ashtu, ndonjë ndihmë duam…

Rama: Dakord, po këtu ke shkruar arsye lëvizjeje…

Qytetari: Po duam të lëvizim..

Rama: Ku do shkosh, ku?

Qytetari: Do lëvizim andej nga Saranda, nëpër male..

Rama: Cila Sarandë mo vlla, çfarë malesh, të lutem shumë tani, do rrini në shtëpi atje, ne do ju ndihmojmë me sa të kemi mundësi. Nuk është koha për tu ngjit nëpër male tani, hë të keqen vllai..

Qytetari: Po këtu nuk kemi asnjë ndihmë, sikur të na ndihmonit…

Rama: Prandaj po të them, do ju ndihmojmë ne, nuk ke punë nëpër male, çfarë do bësh nëpër male?

Qytetari: Sikur te kishim ndonjë lek nëpër duar të kishim paguar ndonjë kredi… ndonjë ndihmë tjetër…

Rama: Lek nëpër duar nuk ka, do mundohemi të bëjmë çmos për të mbajtur frymën gjallë në këtë kohë, është kohë ekzistence…

Qytetari: Po ato dritat si ti paguaj…ca do bëjmë…

Rama: I dashur, dritat do i paguash se s’bën dhe nga ana tjetër ne do ndihmojmë për të ekzistuar deri kur të hapet dera.

Qytetari: Vetëm mos na presin dritat dhe ujin…këtu është problemi…

Rama: Dritat janë mall, kush i konsumon duhet ti paguajë.

Qytetari: Nuk kemi për momentin ku ti gjejmë…

Rama: Në qoftëse konsumohen dritat dhe nuk paguhen ne të gjithë përfundojmë në humnerë dhe nuk kemi mundësi të ngremë kokën ..

Qytetari: Ndonjë ndihmë ndonjë asistencë, ndonjë diçka…

Rama: Dritat do i paguani dhe kaq dhe çfarë ka mundësi, kur është e domosdoshme për të mbajtur frymën jo për të blerë karta telefoni, ne do ju ndihmojë, të përshëndes dhe shumë të fala në familje.

Është e pamundur që të hyhet në diskutim për dritat sepse është një mall që prodhohet dhe si i tillë paguhet. Prandaj kush e ka më të vështirë ti kursejë që të paguajë sa më pak, është kohë lufte./abcnews.al

tsipras_mitsotak-thumb-large.jpg
ad min21:15 | 07/07/2019

Alexis Tsipras pranuar humbjen përballë kundërshtarit të tij Kyriakos Mitsotakis, të cilin e marrë në telefon dhe e uruar për fitoren. Në një status të gjatë në profilin e tij në rrjetet sociale, Tsipras ka përshëndetur për herë të fundit si Kryeministër në detyrë qytetarët grek duke thënë se respekton vendimin që ata kanë marrë.

“Respektoj vendimin e popullit. Kontaktova Mitsotakis dhe e përgëzovë për fitoren e tij. Në demokraci ndryshimi i qeverisjes është thelbësore. Nuk do të bëjë atë që kanë bërë kundërshtarët e mi, por do të respektoj vullnetin e popullit”, shkruan Tsipras.

05fb63b3-490e-4543-a60f-2b8f786afd1c.jpg
nev ila10:55 | 21/06/2019

Policia e Tiranës vijon kontrollet në të gjithë qarkun për evidentimin dhe ndëshkimin e atyre personave që vijojnë ende të ushtrojnë aktivitetin e kundraligjshëm të lojërave të fatit.

Procedohen penalisht 2 shtetas për veprën penale “Vënia në dispozicion e lokaleve për lojëra të palejuara” dhe “Organizimi i llotarive të palejuara”

Sekuestrohet në cilësinë e provës materiale 4 tableta të markave të ndryshme.

Nga Specialistët për Hetimin e Krimit të Komisariatit të Policisë Nr 1, filloi procedimi penal në gjëndje të lirë për shtetasit:

– P. P., 51 vjeç, banues në Tiranë.
– M.P., 31 vjeç banues në Tiranë.

Gjatë kontrollit të ushtruar në lokalin në administrim të shtetasit P.P dhe të regjistruar në emër të shtetasit M. P, shtetasi P. P ushtronte aktivitetin e paligjshëm të lojrave të fatit ku gjatë kontrollit u gjetën 4 tableta që shërbenin për të ushtruar veprimtari të lojrave të fatit të cilat u sekuestruan në cilësinë e provës materiale.

Kontrolle kundër aktivitettit të paligjshëm të lojrave të fatit,do të vijojnë në të gjithë qarkun e Tiranës,me qëllim parandalimin,evidentimin dhe ndëshkimin e ktij aktiviteti të kundraligjshëm.

Policia e Shtetit fton qytetarët që të denoncojnë në numrin 112 ose përmes aplikacionit “Komisariati Dixhital”, çdo veprimtari të këtillë të kundraligjshme./abcnews.al

polici-1280x769.jpg
ent ela16:50 | 12/02/2019

Polici Berhan Bajrakurti ka mohuar kategorikisht akuzat e ngrituar ndaj tij për ngacmim seksual ndaj një minoreneje. Në hetusi ai ka thënë se: “S’kam folur me asnjë vajzë 15-vjeçarej, videon ma kanë marrë nga telefoni”. Ndërkohë policia është vënë në kërkim të denonuesit të videos, por ende nuk kanë gjetur vajzën për të cilën dyshohet se polici ka abuzuar seksualisht./abcnews.al

 

ATENTATI-DURRES-HARIZAJ_ABCM2-T1.mpg_snapshot_00.22-1280x720.jpg
ad min15:22 | 26/11/2018

Grupi hetimor ka zbuluar fakte të reja rreth vrasjes së Edision Harizajt dhe Genci Cacës, në një atentat në Durrës. Nga këqyrja e tabulateve telefonike të Harizajt është zbuluar një telefonatë që i është bërë atij pak minuta para ekzekutimit.

Një person e telefonoi 25 sekonda Edison Harizajn vetëm pak minuta se ai të ekzekutohej bashkë me shokun e tij Genci Caca. Grupi hetimor për vrasjen e dyfishtë mbrëmjen e shtatë nëntorit në Durrës, ka siguruar prova të reja. 19 ditë nga ngjarja, ekspertët arritën të zbërthejnë celularët e faqedjegurit Harizajt dhe të Cacës. Një burim i tha ABC News se po punohet për zbardhjen e telefonatës para atentatit, çfarë i thanë 39 vjeçarit Harziaj dhe cili ishte personi. Ka dyshime që përmes kësaj telefonate ka folur vetë porositësi për vrasjen e Edison Harizajt, por këto mbeten vetëm supozime.

Me çkodimin e celularit të viktimës, janë gjetur edhe mesazhe të shkëmbyera mes Edison Harizajt dhe dy personave të tjerë natën e atentatit. Njëri prej të cilëve eksponent i njohur në boten e krimit në zonën e Durrësit. Përmbajtja mbahet akoma e fshehte për shkak hetimor. Burime nga grupi hetimor dyshojnë se lëvizja e Edison Harizajt dhe Genci Cacës nga Vlora, në Tiranë dhe më pas kthimi nga Durrësi nuk ka qenë i rastësishëm. Porositësit e atentatit, apo vetë autorët kanë ndikuar në lëvizjen e viktimave, duke krijuar mundësinë e ekzekutimit.

Emri i vlonjatit Harizajt sipas hetuesve ka dalë vazhdimisht në ngjarje të rënda kriminale siç është perfshirja në vrasjen e gjyqtarit Skerdilajd Konomi, apo zhdukjen e Albano Xhaferrit në Vlorë. Kurse së fundmi miku i Emiljano Shullazit ishte përfolur si person që nëpërmjet kanosjes u vinte gjoba biznesmenëve të ndryshëm. Veç dyshimeve fillestare për një ekzekutim për hakmarrje referuar ngjarjeve të vjetra, hetuesit tani kanë në dosje edhe konfliktet aktuale që viktima kishte krijuar me të tjerë persona./abcnews.al

telefon-933x445.jpg
ent ela22:07 | 01/09/2018

Një studim i bërë nga Departamenti i Shëndetësisë në Kaliforni tregon se disa shqetësime shëndetësore mund të lidhen me përdorimin e celularit, duke filluar nga problemet me shëndetin mendor dhe riprodhues, deri në rritjen e rrezikut për zhvillim të kancerit.

Celularët emetojnë energji të radio frekuencave, kur ato dërgojnë apo marrin sinjale drejt dhe nga stacionet bazë të telefonisë celulare.

Disa shkencëtarë besojnë se ekspozimi i gjatë ndaj tyre mund të rrezikojë shëndetin e njeriut.

Fëmijët janë më të riskuar ndaj energjisë së valëve elektromagnetike, duke qenë se mund të depërtojë më lehtë tek truri i fëmijëve se sa të rriturit.

Studime të mëparshme kanë treguar se përdorimi i celularëve më orë të tëra mund të shkaktojë tumore në tru dhe vesh.

Klan Plus


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono