te varfer

te-varfer.gif
ger ta21:29 | 27/03/2020

Janë të uritur. Aktiviteti i përditshëm prej të cilit siguronin të ardhura u është mbyllur. Këta janë pjesëtarë të komunitetit rom në lagjen Rapisht të Elbasanit, të cilët ankohen se nuk kanë të ardhura që të ushqehen. Më herët ata tregtonin rroba të përdorura por tani tregu është mbyllur. E vetmja ndihmë që marrin nga shteti është shuma që përfitojnë nga përkrahja sociale prej 4 mijë lekësh.

“Jemi nje familje shumë e madhe, duam ndihma. Nuk kemi pune. Rrimë në shtepi”.

Me një qese do mbahet shtëpia. Tre kile miell, katër apko oriz, do mbahet shtëpia. Drita ujë me çfarë do i pagujmë. Na u tha goja mo bir”.

Kjo zonjë nga Vlora që i përket target grupit më të rrezikuar nga koronavirusi për shkak se jeton vetëm është detyruar të dalë nga shtëpia për të kërkuar ushqime. Po ka mbetur pa përgjigje.

“S’na kanë thënë asnjë gjë. Dorëzuam vetëm kartën e identitetit”, tha ajo.

Dhjetëra banorë që janë në nevojë drejtohen çdo ditë pranë zyrave të njësive administrative në Vlorë po largohen pa marrë asgjë. Sot e kanë ndarë mendjen nuk do ikin në shtëpi.

Edhe pse hera herës Bashkitë e rretheve në rrjetet social publikojnë video ku tregohet se ndihmat ushqimore ju dërgohen në shtëpi pensionistëve dhe të varfëve në realitete ata që kanë përfituar janë shumë më të paktë në numër. Kjo vërtetohet çdo ditë pasi pothuajse në çdo bashki  shtresat më të varfra vijojnë të protestojnë. /abcnews.al

Shihni ecurinë e Covid-19 në Shqipëri:

 

 

 

190101165729-respect-for-the-elderly-super-tease.jpg
So Nila13:00 | 18/01/2020

Sipas CNN, studiuesit analizuan të dhëna për më shumë se 25 mijë të rritur mbi 50 vjeç, duke kërkuar faktorë që mund të parashikonin se sa kohë ata jetuan përpara se të fillonin të vuanin nga aftësi të kufizuara të lidhura me moshën, gjendja ku nuk mund të lëviznin nga shtrati ose të gatuanin vetë.

Njerëzit e pasur jetojnë të shëndetshëm mesatarisht 9 vite më shumë sesa njerëzit e varfër.

Faktori më i madh socio-ekonomik që ndikoi në këto probleme ishte pasuria.

Ekipi zbuloi se njerëzit më të pasur shijonin pothuajse një dekadë shtesë përpara se të fillonin vështirësitë.

Nga mosha 50 vjeç, burrat më të pasur jetonin 31 vite të shëndetshme të jetës, krahasuar me më pak të pasurit, të cilët kishin vetëm 22 deri në 23 vite të shëndetshme.

Për gratë, më të pasurit ishin parashikuar të gëzonin edhe 33 vite të tjera të shëndetshme, në krahasim me 24 vite për më të varfrit.

“Ndërsa jetëgjatësia është një tregues i dobishëm i shëndetit, cilësia e jetës ndërsa plakemi është gjithashtu e rëndësishme”, tha autori kryesor Paola Zaninotto, specialist i shëndetit publik në University College London, në një deklaratë.

“Duke matur jetëgjatësinë e shëndetshme ne mund të marrim një vlerësim të numrit të viteve të jetës së kaluar në gjendje të favorshme të shëndetit ose pa aftësi të kufizuara”, shtoi ai.

Puna e studiuesve nga një ekip universitetesh në Evropë dhe SHBA është larg nga i pari që vë në pah rëndësinë që luan pasuria në sa kohë jetojnë njerëzit, megjithëse shumica janë përqendruar në jetëgjatësinë sesa në cilësinë e jetës.

Hulumtimet në vitin 2016 zbuluan se burrat në nivelin më të lartë financiar në SHBA mund të jetojnë deri në moshën 87.3 vjeç, gati 15 vite më gjatë se ata me më pak financa.

Hendeku për gratë ishte 10 vite.

Edhe në Mbretërinë e Bashkuar, një studim në vitin 2018 zbuloi se njerëzit e varfër vdesin rreth një dekadë më herët se sa ata që janë më mirë financiarisht.

Të dhënat për hulumtimin e ri u nxorën nga dy studime të plakjes: një nga Mbretëria e Bashkuar, e cila kishte 10.754 të anketuar dhe një tjetër nga SHBA-ja, me 14.803 të anketuar.

Nuk kishte ndonjë ndryshim domethënës midis dy vendeve në lidhje me gjetjet kryesore të studimit.

“Pabarazitë në jetëgjatësinë e shëndetshme ekzistojnë në të dy vendet dhe janë me sasi të ngjashme. Në të dy vendet përpjekjet për të zvogëluar pabarazitë shëndetësore duhet të synojnë njerëzit nga grupet e pafavorshme socio-ekonomike”, shkruajtën autorët në përfundimin e tyre.

Në përgjithësi, jetëgjatësia globale e jetës gjatë lindjes në vitin 2016, viti i fundit për të cilin disponoheshin të dhëna ishte 72 vjet, sipas Organizatës Botërore të Shëndetit.

Jetëgjatësia mesatare globale u rrit me 5.5 vjet midis vitit 2000 dhe vitit 2016, rritja më e shpejtë që nga vitet 1960./abcnews.al

zona-mexico.jpg
ad min20:19 | 21/08/2018

Një fotograf nga Afrika e Jugut ka publikuar disa pamje të bëra nga droni, ku shfaqet ndarja dramatike mes të pasurve dhe të varfërve në Afrikën e Jugut, Meksikë dhe Indi.

Fotot janë pjesë e një projekti të Johnny Miller, të cilën e filloi në Prill të 2016-s për të treguar pabarazinë mes njerëzve.

“Që kur zbret në Cape Toën je i rrethuar nga kasollet. I gjithë aeroporti rrethohet nga kasolle të vogla dhe duhen 10 minuta që të arrish në zonën ku jetojnë të pasurit”, thotë ai për BBC-në.

Sipas tij, lufta ndaj pabarazisë është sfida kryesore e gjeneratës së ardhshme.

 

/abcnews.al

vlcsnap-error505-1280x720.jpg
ad min15:01 | 25/02/2018

Rrjeti shqiptar për personat e moshuar vlerësoi kushtet social-ekonomike, gjendjen shëndetësore dhe pjesëmarrjen e kontributin e të moshuarve në zonat urbane dhe rurale te Tiranes, Shkodrës dhe Vlorës. 38% e të moshurëve e konsiderojnë veten të varfër ose shumë të varfër aq sa pamundësia financiare shumë prej tyre nuk i lejon as për të blerë ilaçe.

Një ndër tre të moshuar ose 38% e tyre e konsideron veten të varfër ose shumë të varfër. Rrjeti shqiptar per personat e moshuar vlerësoi kushtet social-ekonomike, gjendjen shëndetësore dhe pjesëmarrjen e kontributin e të moshuarve në zonat urbane dhe rurale të Tiranës, Shkodrës dhe Vlorës.

22% e te moshuarve raportuan se nuk kishin ngrohje të mjaftueshme dhe të përshtatshme në shtëpitë e tyre gjatë dimrit, shifër kjo që në zonat ruale arrinte deri në 35%. Ndërkohë që gjendjen shëndetësore e konsideronin të keqe ose shumë të keqe 36% e tyre.

Vetëperceptimi negativ ishte shumë më i lartë në zonat periurbane dhe rurale, ndërsa sëmundjet kronike dominonin tek të moshuarit që jetonin në qytet.

Megjithëkëtë 16% e të moshuarve treguan se vitin e fundit nuk kishin qenë në gjendje të merrnin shërbim shëndetësor e kjo jo vetëm nga pamundësia fizike, por edhe nga largësia e qendrave shëndetësore. Një në katër nga personat që kishin marrë një recetë nga mjeku thanë se gjendja financiare nuk i kishte lejuar të blente ilaçet.

Të moshuarit në Shqipëri përbëjnë 11 % të populatës së përgjithshme me tendencë rritje vitet e ardhshme. Niveli i lartë i emigrimit të të rinjve dhe moshave të mesme e bën të domosdoshme vendosjen e çështjeve të moshimit mes prioriteteve kryesore të qeverisë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono