serbe
eri Ida12:32 | 25/02/2020
Dy shtetas serbë,janë konfirmuar si mbartës të koronavirusit. Ata ishin anëtarë të ekuipazhit të anijes “Diamond Princess” që është bllokuar në Japoni.
Ministri i Jashtëm Ivica Daçiç ka thënë për mediat serbe se dy nga njëmbëdhjetë shtetasit e tjerë serbë, anëtarët ekuipazhi të anijes së karantinuar në Yokohama të Japonisë, ishin testuar pozitivisht për koronavirusin.
Ata ka të ngjarë të qëndrojnë në Japoni për trajtim, tha sot Ministri i Shëndetësisë Zlatibor Loncar, duke thënë se Serbia po mendonte për qytetarët e saj dhe do të ofronte ndihmë maksimale.
Ambasada e Serbisë në Japoni është në kontakt me ta dhe të gjithë anëtarët e anijes posedojnë numrat e telefonit të ambasadës në Japoni si dhe numrin e emergjencës që është në dispozicion 24 orë./abcnews.al
ger ta21:08 | 08/01/2020
Peshkopi Timotej, nga Kisha ortodokse maqedonase ka dhënë një intervistë për emisionin “Ballkan” nga gazetarja Linda Karadaku.
Prej prej dekadash kisha serbe mohon ekzistencën e kishës ortodokse maqedonase, ndërsa Peshkopi u shpreh se Kisha ortodokse serbe ka problemet e saj të brendshme, nuk është e fokusuar për momentin në zgjidhjen e çështjes së kishës ortodokse maqedonase.
Intervista e plotë:
Peshkopi Timotej, kisha ortodokse serbe që prej dekadash mohon ekzistencën e kishës ortodokse maqedonase. Në cfarë marrëdhëniesh janë tani dy kishat dhe a ka ndryshuar gjendja dhe a ka ndonjë përparim sado të vogël në këtë drejtim? Si është situata tani?
Për fat të keq në këtë pyetje duhet të përgjigjem negativisht. Kisha ortodokse serbe ka problemet e saj të brendshme, nuk është e fokusuar për momentin në zgjidhjen e çështjes së kishës ortodokse maqedonase. Ne kemi bërë kërkesa të vazhdueshme për vazhdimin e kontakteve dhe diskutimeve për këtë cështje por për fat të keq ato nuk kanë vazhduar.
Mbi çfarë baze e mohojnë?
Për këtë duhet ti pyesni ata.
A vlen fakti që me sa kam informacion dhe kam biseduar me ekspertët dhe njohësit e kësaj çështje, a vlen rregulli që në botën ortodokse, secili shtet ka të drejtë të ketë kishën e vet kombëtare?
Në parim kjo vlen që nga koha e Bizantit e deri tani, që secili popull ortodoks ka të drejtën e autoqefalisë, të njohur apo të panjohur, rusët, serbët, bullgarët, rumunët, grekët, shqiptarët, dhe kështu që as që bëhet fjalë që populli maqedonas të mos ketë kishën e vet autoqefale, aq më tepër, që historikisht e ka pasur kishën e vet autoqefale, arqipeshkvinë e Ohrit, e cila është ripërtërirë sot në kishën autoqefale maqedonase.
Sa kohë ka që nuk ka kontakte midis dy kishave?
Kontakte zyrtare nuk ka, kontakte individuale ka. Nuk është luftë, të them ashtu, por bisedime zyrtare midis dy komisioneve që janë formuar nga kisha ortodokse maqedonase dhe serbe nuk ka. Kjo nuk funksionon prej një kohe të gjatë.
A ka bërë përpjekje kisha serbe që të vendosë instalacionin e vet këtu në Maqedoni?
Po ata janë përpjekur ta bëjnë këtë para 10 vjetësh apo më shumë, që të kishin instalacionin e vet sipas të dhënave, mendoj që populli e kuptoi që kjo nuk është kishë, por një instalim i një interesi shtetëror hegjemonist serb dhe mendoj që ka një numër të pakonsiderueshëm apo një kishë pajton sic them unë.
A bëhet fjalë për Vranickovskin?
Po. Vranickovski.
A është në Maqedoni apo në Serbi ai?
Mendoj që është në Maqedoni, por nuk kam kontakte personale.
A ka pasues?
Po të hapni faqen e tyre do të shihni sesa pasues ka. Një familje…
A po hapet në njëfarë mënyre një mundësi e re për zgjidhjen e këtij kontesti midis kishës maqedonase dhe asaj serbe për gjetjen e vendit të vet për kishën maqedonase në botën ortodokse, pas marrëveshjes së Prespës me Greqinë?
Në këtë moment, kisha ortodokse greke ka simpati për zgjidhjen e cështjes, vecanërisht patriarku i Stambollit ose patriarkana e Stambollit, mirëpo sic e dini ka një problem të hapur me kishën ortodokse ruse dhe disa kisha të tjera ortodokse që kundërshtojnë fuqishëm nismat për marrjen e prerogativave nga ana e patriarkut të Stambollit si i pari në mes të barabartëve dhe mendoj që derisa kjo cështje të mos hiqet nga rendi ii ditës ose të zbutet pak, cështja jonë mendoj që do të presë. Për kohën nuk mund ta them./abcnews.al
nev ila10:40 | 10/10/2019
Policia serbe ka arrestuar disa të rinj të partisë demokratike serbe në Novi Sad pasi ata protestuan kundër kryeministrit shqiptar Edi Rama. Ata mbanin në duar parullën: “Edi Rama non Grata”.
Mediat serbe raportojnë se stafi i ministrisë së brendshme ka ndaluar dy automjete të të rinjve të PDS në autostradën Beograd – Novi Sad, dhe kontrolluan në brendësi të tyre.
Aty u gjet dhe posteri “Rama persona non grata” dhe të rinjtë u shoqëruan në komisariat. Një nga të ndaluarit u shpreh se policia më pas u kishte marrë çelësat e automjeteve.
Kryeministri shqiptar Edi Rama ai i Maqedonisë së Veriut Zoran Zaev mbërritën në Beograd pasditen e të mërkurës. Ndërsa sot ka nisur takimi për integrimi ekonomik të Maqedonisë së Veriut, Shqipërisë dhe Serbisë në Kështjellën Petrovaradin në Novi Sad./abcnews.al
nev ila10:50 | 09/10/2019
Drejtues të “Listës Serbe” reagojnë pas deklaratës së liderit të “Vetëvendosjes”, Albin Kurti, i cili u shpreh se në qeverinë e tij nuk do të kishte përfaqësues të kësaj force. Nënkryetari i “Listës Serbe” deklaron se asnjë qeveri nuk mund të bëhet pa anëtar të saj.
Nënkryetari i Listës Serbe, Dalibor Jevtic, u shpreh për mediat në Serbi se asnjë qeveri kosovare nuk mund të bëhet pa Listën Serbe.
Krerë të Listës Serbe, e cila ka fituar të 10 mandatet e rezervuara për serbët në Kuvendin e Kosovës, si dhe zyrtarë të lartë të shtetit të Serbisë janë alarmuar nga deklarimet e fituesit të zgjedhjeve të 6 tetorit, Albin Kurti (LVV), i cili ka siguruar se në Qeverinë e tij do të ketë edhe serbë, por asnjë nga Lista Serbe.
Sipas Kurtit, Lista Serbe është faktikisht shteti i Serbisë dhe për këtë arsye edhe nuk mund të jetë në Qeverinë e tij asnjë anëtar i Listës Serbe.
I pari që ka reaguar ashpër është nënkryetari i Listës Serbe, Dalibor Jevtic, i cili u ka thënë medieve serbe se nëse Kurti dëshiron të formojë qeveri legjitime, atëherë duhet të trokasë në derën e Listës Serbe./ABC News Albania 24/7
ad min23:47 | 07/10/2019
Albin Kurti do të përfshijë në qeveri parti serbe, por jo Listën Serbe. Në një intervistë për televizionin N1 në Serbi, fituesi i zgjedhjeve në Kosovë që pritet të marrë detyrën e kryeministrit thotë se do të fillojë bisedimet me serbët në Kosovë në zyrën e Kryeministrit në javën e parë të punës se tij, por jo me Listën Serbe. Kurti sqaroi se Lista Serbe nuk është një parti politike, por një shtet.
“Kushtetuta jonë thotë se duhet të jetë së paku një ministër nga komuniteti serb në qeverinë tonë, por nuk thotë se duhet të jetë nga Lista Serbe. Kështu që ne do t’i përqendrojmë prioritetet tona në pakicat si komunitetet, jo si pale”.
Duke folur për dialogun me Serbinë, ai tha se menjëherë pas formimit të Qeverisë, duhet të fillojnë bisedimet me Brukselin.
“Ne kemi nevojë për dialog për dialogun. Ne duhet ta përgatisim mirë dialogun. Nuk mund të kemi përsëri një dështim në këtë dialog, sepse kushton shumë. Ne gjithashtu do t’i shikojmë ato 33 marrëveshje që kemi pasur nga 2011-2017, çfarë ishte përmbushur dhe çfarë nuk ishte dhe cilat janë ndikimet në jetën e popullit të Kosovës dhe një ditë do të fillojmë një dialog me Serbinë që duhet të ketë parime të mira e të forta”.
Kurti deklaroi se tarifa 100 përqind nuk ishte politikë e partisë së tij, por ai mbrojti reciprocitet të plotë në të gjitha fushat. Reciprociteti sipas Kurtit është një parim i drejtë i marrëdhënieve të fqinjësisë së mirë.
Ai vlerësoi se procedura për krijimin e një qeverie të re do të zgjaste, sepse deklarimi i rezultateve zyrtare të zgjedhjeve të së dielës nuk do të jetë i mundur derisa të llogariten të gjitha votat e dërguara me postë ose votat me kusht./ABC News Albania 24/7
ad min18:54 | 05/10/2019
Disa protestues shqiptarë në Nju Jork janë përplasur fizikisht me stafin e regjisorit serb Boris Maguarski pas shfaqjes së dokumentarit serb “Pesha e Zinxhirëve 3”. Dokumentari përmban propagandë serbe dhe mbështetet dhe financiarisht nga presidenti Vuçiç dhe ministri i Jashtëm Daçiç.
Shfaqja e filmit dokumentar “The Weight of Chains 3”- “Pesha e zinxhirëve 3”, që sipas regjisorit serb Boris Maguarski, paraqet mënyra aktuale me të cilat se si serbët mund të rebelohen kundër padrejtësive të sistemit në të cilin jetojnë, nuk është pritur aspak mirë nga shqiptarët e Amerikës, të cilët për rreth dy orë protestuan para kinemasë SVA, në qendër të Nju Jorkut.
Dokumentari në fjalë zgjatë 54 minuta dhe është realizuar në Shtator të vitit të kaluar. Për filmin dokumentar reaguan edhe autoritet e Kosovës duke dënuar faktin se në këtë dokumentar Kosova paraqitet me një imazh të keq.
Nga ana tjetër Presidenti i Serbisë, Aleksandër Vuçiç, shefi i dilomacisë Ivica Daçiç, Marko Gjuriç, drejtori i të ashtuquajturës Zyre për Kosovën, e kanë mbështetur këtë dokumentar dhe financiarisht.
Dhjetëra forca të policisë njujorkeze, rrethuan dy anët e rrugës përballë kinemasë duke vendosur barrikada dhe bënë thirrje me megafonë për qetësi.
Por dhe nga stafi i regjisorit serb pati provokime pasi ata iu afruan protestuesve shqiptarë duke shpalosur një flamur serb, ku në qendër të flamurit, ishte vizatuar harta e Kosovës, me mbishkrimin ne gjuhën serbe, me germa të mëdha “Nuk e japim (Kosovën)”.
Në një moment tensioni njëri prej protestuesve arriti të çajë kordonin e policisë, dhe u përplas fizikisht me një pjesëtar të komunitetit serb.
Marko Kepi, presidenti i organizatës “Rrënjët Shqiptare”, i cili nëpërmjet rrjeteve sociale organizoi këtë protestë, komunikoi vazhdimisht me policinë, dhe dha deklarata për mediat njujorkeze duke sqaruar qytetarët për arsyet e protestës
ad min18:45 | 03/08/2019
E ka nisur karrierën e saj mes shumë vështirësive, por pas një seri përpjekjesh ia ka arritur të njihet në të gjithë botën. Bëhet fjalë për artisten serbe Kika, eksperte e “BADI PEINTING”, emri i së cilës ka arritur deri në Hollywood.
Kjo është Kika nga qyteti i vogël i Smederevës, e njohur për grafitë dhe punë të tjera të dekorimit. Për tu bërë e famshme në botë nuk I është dashur të shkoj as në kryeqytetin e Serbisë. Ajo bën body painting ose grim mbi trupin dhe ilisione. Artisten nga Serbia që nuk ka kryer universitetin e artit e njohin në tërë botën. Ajo kishte filluar me një video në rrjetet sociale për të bërë miliona klikime. Para kësaj ka lyer mure dhe ka punuar fytyrat e fëmijëve për ditëlindje. Është nënë e dy kalamajve dhe tani jeton nga puna e saj.
Mirjana “Kika” Millosheviç, artiste: “Pasi kam grimuar fytyrat e fëmijëve kam menduar se mund të rrij dhe ta bëj këtë punë pasi ngjyrat këtu nuk ishin aq të rënda se sa shkallët e drurit që bartja për dhoma. Por, pas një viti nuk kam qenë shumë e lumtur. Pas një video kam marrë 40 milionë klikime për një ditë dhe ka qenë befasi”.
Këto punë ka bërë që ajo të gjej vend në shumë emisione në shtete të ndryshme e deri tek ftesat për në Hollywood ku edhe ka qenë. Një formë e re e artit ia ka mundësuar internet. Shumë thotë se mendojnë që jeton në Amerikë pasi punon shumë jashtë. Yje të ndryshme dinë për të sic është edhe Will Smith.
Mirjana “Kika” Millosheviç, artiste: “Prindërit e mi nuk kanë mundur të më çojnë në shkollën e artit për shkak të financave dhe unë jam munduar shumë që të jetoj nga puna që e dua, e që këtu në Serbi është gjë e vështirë. Por, tani më është shpaguar dhe nuk do ta ndërroja me asgjë”.
Artistja nga Serbia bën video në platforma të ndryshme duke përdorur grimin e thjesht. Figura të ndryshme, video promocionale e shumë klikime I ka sjellë kjo punë. Thotë se në Ballkan ka shumë talente, por që nuk mbështeten. Beson se njerëzit nga qytetet e vogla mund të bëjnë shumë para se të zgjedhin Amerikën për të jetuar atje, pavarësisht se gjithçka këtu shkon me shumë fat./ABC News Albania 24/7
ad min19:15 | 19/07/2019
Mediat serbe i kanë bërë sigurisht jehonë lajmit të dorëheqjes së kryeministrit të Kosovës Haradinaj. Kurir në raportimin e tij bën një përmbledhje të akuzave dhe gjyqeve nëpërmjet të cilave ka kaluar Haradinaj, pa harruar të përmendë se ai punonte si truprojë në një lokal nate para se ti bashkohej Ushtrisë Çlirimtare të Kosovës.
Ndërkohë Tanjug e vë theksin tek fakti se komuniteti evropian ende nuk ka reaguar për këtë lajm dhe se ky është një rast i mirë që Hashim Thaçi të heqë taksën prej 100 për qind të vendosur ndaj produkteve serbe
ad min20:41 | 28/06/2019
Është shënuar 630 vjetori i Betejës së Kosovës në Gazimestan. Shumë serbë nga Kosova e Serbia kishin ardhur për të festuar këtë festë.
Shumë serbë nga Kosova dhe Serbia me vetura private dhe autobusë ia mësyn Gazimestanit për të festuar festën e Vidovdanit. Shumica të prej tyre mbanin flamuj të Serbisë dhe mesazhe si Kosova është Serbi.
Pasi u përkujtuan siç u tha vuajtjet që edhe sot populli serb i ka në Kosovë, porosia nga ky manifestim ishte se “Kosova do të mbetet përgjithmonë serbe”.
Manifestimin e udhëhoqi kreu i Kishës Ortodokse serbe në Mal të Zi, Amfilohije. Në fund të manifestimit u shpalos edhe pankarta e shkruar në gjuhën serbe e ruse se “Kosova është e pandarë dhe nuk dorëzohet”.
Për Kishën Ortodokse serbe kjo është festë me konotacion fetar dhe shpalosin flamuj të Greqisë dhe Rusisë, si shenjë e aleancës ortodokse mes popujve. Ndërsa përkujtohen të rënët në Betejën e Kosovës në krye me Car Llazarin./ABC News Albania 24/7
ad min13:20 | 12/06/2019
Në pritje të samitit të Parisit, mediat serbe publikojnë skenare të ndryshme të asaj që mund të ndodhë në vend nëse ky samit dështon. Por një hipotezë është dhe ajo që samiti të mos zhvillohet.
E përditshmja serbe “Blic” shkruan se nëse dështon Samiti i Parisit, janë të gatshme disa skenarë të reja për Kosovën. Ndër të tjera shkruhet se në takimin e liderëve të rajonit me kancelaren gjermane Angela Merkel dhe Presidentin e Francës, Emmanuel Macron, më 1 Korrik në Paris mund të formulohet një platformë për zgjidhjen e problemit të Kosovës.
Sipas shkrimit, një propozim final mund të ofrohet para përfundimit të vitit. Por, në rast se nuk ndodh një skenar i tillë, “Blic” shkruan se një referendum për Kosovën mund të mbahet së bashku me zgjedhjet e reja parlamentare në pranverë të vitit të ardhshëm. Gjithashtu burime diplomatike kanë thënë për “Blic” se po ashtu ekziston rreziku që Samiti i Parisit të mos mbahet fare, sipas asaj që raporton lajmi.net.
Në fakt, siç spekulohet në javët e fundit, Macron dhe Merkel nuk janë dakord për mënyrën e zgjedhjes së presidentit të ri të Komisionit Evropian, por edhe rreth asaj se kush do të jenë kandidatët e institucionit evropian.
Burime diplomatike të “Blic” sugjerojnë se takimi i 1 Korrikut po ashtu mund të sjellë një platformë, e cila mund të shërbejë si zgjidhje përfundimtare e problemit.
Presidenti i Serbisë, Aleksandar Vuçiç, ka deklaruar së fundmi se nuk e di nëse do të ndodhë takimi në Paris. Por, ai po ashtu përsëriti qëndrimin e Beogradit se Prishtina duhet të heqë taksën ndaj mallrave serbe në mënyrë që palët të përpiqen për arritjen e një kompromisi./ABC News Albania 24/7
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
