Ronaldinho

Cana-Ronaldinho-Okocha-PSG.jpg
Veronik Istrefaj22:19 | 31/03/2020

Lorik Cana, ish-kapiteni legjendar i Shqipërisë, ka luajtur për shumë skuadra të njohura në Europë, duke qenë i suksesshëm në shumë prej tyre. Një lider që në moshë të re, Cana ka dhënë një intervistë për TMW, ku është rikthyer pas në kohë dhe ka folur për aventurën te PSG, te Lazio, si dhe për situatën që është krijuar nga koronavirus.

“Mund të mbyllet sezoni duke luajtur pa tifozë. Unë do të isha që të mundohen të mbyllin këtë kampionat, nëse ekziston siguria të mundohen ta bëjnë një gjë të tillë, edhe në verë. Por është e vështirë të flitet për futboll kur ka me mijëra persona të infektuar.

Kam debutuar 19 vjeç te PSG dhe kisha atje lojtarë si Ronaldinho, Pochettino, Heinz dhe Anelka. Ronaldinho ishte special, por edhe Okocha ishte mbresëlënës.

Finalja e Kupës së Italisë së 26 majit kundër Romës. Një derbi në finale e Kupës, aty e kemi kuptuar të gjithë sa ishte i rëndësishëm për tifozët.

Kam krijuar një fondacion për të promovuar sportin në Shqipëri dhe në Kosovë, janë të përfshirë një mijë fëmijë tani. Shpresoj që të bëhem një drejtues në botën e futbollit më shumë se një trajner”, u shpreh Cana./abcnews.al

Ronaldinho-Paraguaj-1.png
Igli Nikolli12:57 | 29/03/2020

Ronaldinho vazhdon të qëndrojë në burgun e Asuncion, kryeqytetin e Paraguajt. Ylli brazilian u kap me pasaportë false dhe po vuan dënimin bashkë më vëllanë e tij. Nelson Cuevas është një nga miqtë më të ngushtë të ish-kampionit të botës.

Ish-sulmuesi i River Plate deklaron për CNN Radio se Dinho është trishtuar dhe nuk buzëqesh më. Cuevas insiston se braziliani është i pafajshëm, madje pretendon se edhe autoritetet e vendit të tij e dinë këtë gjë.

Ronaldinho nuk është aspak i lumtur. Sot, për shkak të situatës që po kalon, ai e ka humbur buzëqeshjen. Ndodhet në burg, në një vend ku nuk është mësuar të qëndrojë. Nuk ka asnjë lloj përfitimi, nuk ia ka idenë se ku ndodhet.

Kam ofruar një shtëpi timen për të dhe vëllanë e tij, por është avokati ai që vendos. Ai ka rënë në kurth, autoritetet e kanë të qartë që është i pafajshëm. Dinho përdori një dokument të vërtetë por me përmbajtje false, është thjesht një viktimë”, deklaron paraguaiani Cuevas. /abcnews.al

 

Cuevas dhe Ronaldinho
Ronaldinho-1-e1584116848895.png
Klejdi Kaimi23:00 | 23/03/2020

Ditët e fundit nuk kanë qenë më të mirat për legjendën e Brazilit, Ronaldinho. Ish-sulmuesi ka disa probleme me ligjin dhe ndodhet në një nga burgjet e Paraguajit. Ai tentoi të kalonte me një pashaportë false, por autoritet nuk e lejuan një gjë të tillë.

Pak ditë më parë Ronaldinho festoi dhe 40-vjetorin e tij në burg, në një vend ku nuk e imagjinonim ta shikonim atë. Ka pasur dhe një reagim nga ish-shoku i tij te Barcelona, Samuel Eto’o. “Përshëndetje miku im, vëllai im. Nuk e imagjinoj dot atë që ti po kalon, nuk e shpreh dot”, janë fjalë e para të kamerunasit.

”Shpresoj që gjithçka të zgjidhet sa më shpejt. Nuk kam fjalë. Unë mundem të të them se të dua shumë dhe do të bëj gjithçka që duhet që ti të dalësh nga aty. Qëndro i fortë vëlla”, mbyll Eto’o. /abcnews.al

 

 

 

Ronaldinho-4.png
Veronik Istrefaj21:12 | 21/03/2020

Ronaldinho, legjenda e futbollit, i admiruar nga të gjithë, feston sot 40 vjetorin e lindjes. Duhet theksuar, që në kushte aspak normale. Braziliani po e kalon këtë ditë të veçantë në burg, në Paraguai. Ronaldinho donte të kalonte kufirin me pasaporte false dhe tashmë, po vuan dënimin në një nga burgjet e Paraguait.

Në këtë ditë të shënuar të fenomenit brazilian, menduam të riktheheshim në kohë dhe të shkruanim për një driblim të tij, i cili është i paharrueshëm. Në ndeshjen Brazil-Angli, Ronaldinho turpëroi Steven Gerrard, duke i kaluar topin mes këmbëve dhe duke e shtrirë në tokë.

Driblime, gola, finte, spektakël të Ronaldinhos, ka pafund dhe do të duheshin ditë të tëra për t’i kujtuar, por për momentin, të shijojmë dhe njëherë tjetër këtë driblim magjik, driblim që vetëm Ronaldinho mund ta bëjë me kaq shumë klas, elegancë dhe qetësi. Edhe 100 vite të tjera kampion!/abcnews.al

Ronaldinho-3.png
Klejdi Kaimi12:34 | 18/03/2020

Legjenda e Brazilit, Ronaldinho, vazhdon ende të qëndrojë në një nga burgjet e Paraguajit. Policia vendase ka nisur ditën e djeshme një kontroll në celularin e tij, pasi dyshon se aty mund të gjejë informacione dhe më të rënda.

Ish-lojtari i Barcelonës u arrestua në Amerikën Latine së bashku me vëllain e tij, për shkak të dokumentave falso. Sipas mediave, hetimet nuk kanë filluar vetëm për dokumentat, por dyshohet edhe për pastrim parash.

Ronaldinho mund të jetë përfshirë në disa biznese ilegale, ku në këtë vorbull është dhe një grua që drejton këto biznese. Kampioni i botës është shfaqur shumë i qetë këto ditë, madje fitoi dhe një kupë në futboll në burg. /abcnews.al

Ronaldinho-Paraguaj.png
Igli Nikolli22:27 | 17/03/2020

Situata e Ronaldinho nuk është aspak e mirë, edhe pse ylli brazilian po e kalon mes futbollit dhe shakave të ndryshme kohën në burgun e Asuncion. Ish-fituesi i Kupës së Botës dhe Topit të Artë, ndodhet i arrestuar prej datës 6 mars në Paraguaj.

Së bashku me vëllanë e tij u kapën me pasaporta false dhe autoritetet vendase i prangosën. Situata është rënduar dhe hetimet kanë marrë një tjetër rrjedhë. Prokurori që po merret me këtë çështje, Osmar Legal dyshon për një skemë pastrami parash mes vëllezërve brazilianë dhe një biznemeneje vendase, e njohur si Dalia Lopez.

Kjo e fundit ka ftuar Dinhon në Paraguaj dhe autoritetet policore do të analizojën bisedat telefonike dhe mesazhet në telefonin e ish-futbollistit të famshëm. “Hipoteza jonë kryesore është se dokumentet e falsifikuara do të ishin përdorur për qëllime tregtare ose investime jo të ligjshme, kështu që është rreptësisht e nevojshme që Ronaldinho të qëndrojë në burg“, shpjegoi Legal për mediat vendase. /abcnews.al

ronaldinho-2.png
Vladimir Prenga09:07 | 14/03/2020

Ronaldinho dhuron shfaqje edhe në burg. Braziliani, që prej 6 marsit është arrestuar nga autoritetet paraguaiane dhe po qëndron i burgosur në një Komisariat Policie, që shërben edhe si burg për personat e rëndësishëm.

Mediat në vendin amerikano-jugor raportojnë se një ditë më parë Ronaldinho është përfshirë edhe në një ndeshje futbolli, të zhvilluar midis policëve dhe disa të ndaluarve që po qëndrojnë në të njëjtin burg me ish-lojtarin e Barcelonës.

ABC Color raporton se Ronaldinho as që kishte ndërmend të luante, por pasi i ka shkuar një top pranë, ka nisur të dhurojë spektakël. Thirrjeve të para për të luajtur u ka thënë “jo”, më pas është justifikuar se nuk ka me çfarë luan, deri kur një polic ia ka ofruar një palë këpucë.

Më pas sigurisht ekipi i Ronaldinho ka triumfuar, madje me rezultat të thellë 11-2. Braziliani shënoi 5 prej golave të skuadrës së tij, si dhe dha 6 asiste. Gauchazh ka publikuar edhe një gol të ish-fantazistit, që mund ta shikoni KËTU./abcnews.al

Ronaldinho-1-e1584116848895.png
Igli Nikolli17:30 | 13/03/2020

Ronaldinho vazhdon të jetë i arrestuar në Paraguaj. Ylli brazilian u fut në vendin latin me një pasaportë false dhe autoritetet vendase e prangosën atë dhe vëllanë e tij. Ai po qëndron në një burg të Asuncion, kryeqytetit të Paraguait.

Futbolli në burg nuk mungon dhe të gjithë po mundohen të kenë Ronaldinhon në skuadrat e tyre prej 5 vetësh. 40-vjeçari (i mbush me 21 mars) ka pranuar të marrë pjesë në kampionat, aty ku marrin pjesë të burgosur dhe policë (të gjithë mbi 35 vjeç), dhe ka pranuar kushtin e shokëve të burgut.

ABC TV Paraguay raporton se Dinhos i janë vënë disa kushte për të marrë pjesë në kampionatin e veçantë dhe braziliani ka pranuar një prej tyre. Ai nuk do të godasë drejt portës kundërshtare dhe do të zbavitet duke dribluar dhe pasuar për shokët. Skuadra fituese? Kampionati nis ditët e ardhshme dhe fituesit marrin 16 kg mish derri. /abcnews.al

ronaldino-pasaport-1-1280x720.jpg
Vladimir Prenga11:12 | 12/03/2020

Ronaldinho ka mbetur në burg në Paraguai, së bashku me vëllanë e tij. Ish-fantazisti brazilian u ndalua një javë më parë dhe autoritetet e vendit Amerikano Jugor nuk e kanë pranuar kërkesën e tij për arrest shtëpie, me arsyetimin se Ronaldinho do të mund të arratisej nga vendi.

Dy ditë më parë është raportuar se Messi e ka kontaktuar shokun e tij, me të cilin ka luajtur te Barcelona dhe i ka thënë se është i gatshëm të paguajë 4 milionë euro si garanci që Ronaldinho të lirohet nga burgu.

Akoma nuk ka zhvillime të reja dhe braziliani mbetet ende në qeli dhe mund të qëndrojë për gjashtë muaj, aq sa edhe mund të zgjatin hetimet. Gjithsesi nuk besohet se diçka e tillë do të ndodhë.

Më parë avokati i tij ka deklaruar se klientët e tij nuk kanë qenë në dijeni për pasaportat false që kishin në zotërim. Pavarësisht kësaj, në Paraguai e kanë parë të arsyeshme të mos e lirojnë ish-lojtarin e Brazilit.

TAKIMI – Në qeli Ronaldinhon e ka takuar edhe Carlos Gamarra, ish-futbollisti i Inter dhe Atletico Madrid. Paraguaiani ka zbuluar edhe bisedën që ka pasur me brazilianin. “Ronaldinho më tha: ‘Unë vij nga poshtë e di çfarë është vuajtja. E vetmja gjë që më shqetëson është nëna ime. Pjesën tjetër e përballoj. Jam burrë dhe duhet të duroj gjithçka që vjen’.

Ai është mirë, duke nënshkruar autografe për të gjithë djemtë. Isha në një dhomë me të dhe bisedova me të. Kishte shumë njerëz, pasi ishte ditë vizitash”, ka treguar Gamarra për mediat në Paraguai. /abcnews.al

Matraxhiu.png
Igli Nikolli18:45 | 11/03/2020

Ronaldinho po kalon një moment shumë të vështirë. Ylli brazilian udhëtoi drejt Paraguait disa ditë më parë dhe autoritetet vendase e arrestuan për shkakun se pasaporta e tij ishte fallso. Ai po qëndron në qelitë e Asuncion bashkë me vëllanë e tij, i cili është edhe agjenti i ish-futbollistit.

Menaxheri shqiptar, Andi Matraxhiu ka një miqësi me Roberto De Assis, vëllain e Dinhos. Me anë të një postimi në rrjetet sociale, Matraxhiu mbështet dyshen braziliane dhe kërkon drejtësi, duke theksuar se ylli latin nuk duhet trajtuar si një kriminel.

Liri për Dinho dhe Roberto. Unë jam këtu për t’ju mbështetur dhe për të kërkuar drejtësi! Ajo që po ndodh është e pakuptimtë. Ne e dimë shumë mirë vlerën tuaj njerëzore dhe shoqërore. Ju po trajtohen si kriminelë, por nuk jeni të tillë. Ju nuk keni bërë asgjë të keqe. Njerëzit duhet të kuptojnë se ju jeni mashtruar nga njerëz, të cilët kërkojnë famë dhe para. E vërteta do të dalë së shpejti në dritë, kështu që qëndroni të fortë miqtë e mi“, shkruan Matraxhiu. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono