racizmi

casilla.jpg
Klejdi Kaimi10:03 | 29/02/2020

Problemet me racizmin vazhdojnë në futboll. Përpos fushatave të shumta nga ana e UEFA-s dhe jo vetëm, ende shumë futbollistë vuajnë në fushën e lojës. Rasti i fundit vjen nga Championshipi në Angli, ku portieri i Leeds United, Kiko Casilla, është dënuar me tetë ndeshje për akuza për racizëm.

Këtë lajm e ka konfirmuar vetë klubi anglez në faqen e tij, duke pranuar dënimin e portierit. Ngjarja e shëmtuar ka ndodhur në shtatorin e 2019, konkretisht në ndeshjen kundër Charlton Athletic. Spanjolli ka fyer lojtarin Jonathan Leko për shkak të ngjyrës së tij dhe sigurisht nuk mund të mungonte një dënim në drejtim të tij.

“Ne si klub jemi totalisht kundër racizmit dhe çdo lloj diskriminimi tjetër në futboll. Gjithsesi portieri jonë i ka mohuar të gjitha akuzat që kanë ardhur në drejtim të tij. Federata e ka dënuar Casilla me 8 ndeshje, por duke mos u bazuar në prova të vërteta. Në javët në vazhdim do të publikohet dhe vendimi i detajuar nga organet përkatëse të FA”, shkruhet në deklaratën e Leeds United. /abcnews.al

Cagliari-1.png
Igli Nikolli20:51 | 14/02/2020

Cagliari ka vendosur të kopjojë modelin anglez në lidhje me çështjen e racizmit. Ky fenomen negativ nuk ka munguar gjatë këtij sezoni në “Sardegna Arena”, aty ku shumë lojtarë të skuadrave kundërshtare kanë pësuar thirrje dhe kore raciste.

Tre tifozë e kanë pësuar keq. Klubi sard ka marrë masën ekstreme dhe i ka përjashtuar përjetë tre tifozët racistë. Hera e parë që ndodh në Itali një vendim i kësaj forme dhe tani mund të thuhet që po luftohet racizmi.

Tifozët u identifikuan falë punës së stjuartëve dhe stafit të sigurisë që vepron në ambientet e brendshme të stadiumit të Cagliarit. /abcnews.al

RACIZMI-e1580982697387.png
Vladimir Prenga10:34 | 06/02/2020

Hellas Verona është klubi i parë që vendos t’i përdorë. Thirrjet “buuu” ndaj Mario Balotelli, më 3 nëntor, rikthyen në skenë racizmin në Serie A. Një fenomen që duhet luftuar dhe tashmë ka një përpjekje reale për të dënuar ata që realisht i lëshojnë këto thirrje në stadiumet italiane.

Zgjidhja janë kamerat  e trupit, që do t’i mbajnë stjuartët në stadiume. Hellas Verona kishte premtuar se do bëhej klubi i parë që do e luftonte fenomenin e racizmit. Në ndeshjen kundër Lecce u testuan për herë të parë kamerat kundër racizmit.

Nuk dihet se sa kamera do të përdoren të shtunën në takimin Hellas Verona-Juventus, por ky është një hap pozitiv. Klubet nga ana tjetër duhet të ndërgjegjësohen dhe ta ndërmarrin një hap të tillë. Federata Italiane ka qenë e qartë, që duhet gjetur një zgjidhje.

Nëse klubet e Serie A nuk duan dënime kolektive, atëherë do të duhet ta përqafojnë këtë zgjidhje dhe të identifikojnë personat që do të nxitin thirrje raciste në stadiume.  Nëse kjo ndodh, atëherë edhe dënime nuk do të ketë për to. /abcnews.al

 

Kamerat e trupit | Foto: Gazzetta dello Sport
Obi.jpg
Igli Nikolli17:36 | 05/02/2020

Racizmi goditi sërish, por kësaj radhe jo në fushën e blertë. Trabzonspor fitoi 2-1 në fundjavë përballë Fenerbahces së Muriqit dhe siguroi një trepikësh të rëndësishëm për objektivin titull.

“Viktima” e tifozëve racistë ra John Obi Mikel, mesfushori i Trabzonspor. Nigeriani i njohur u përballë me ofendime të shumta në rrjetet sociale dhe nuk i përmbajti lotët në një prononcim për Turkish TV.

Të gjithë jemi njësoj dhe të ngjashëm në këtë botë. Futbolli është vetëm një lojë, në fund të fundit. Duhet t’i themi jo racizmit“, deklaron 32-vjeçari, i cili vitet më të bukura të karrierës i kaloi me Chelsea. /abcnews.al

wat2.jpg
Klejdi Kaimi11:12 | 05/02/2020

Racizmi në futboll është kthyer në një problem kohët e fundit. Shumë futbollistë me ngjyrë kanë renë pre e koreve raciste dhe sigurisht që nuk kanë munguar reagimet. Një nga “viktimat” është dhe mbrojtësi i Watford, Christian Kabasele, i cili ka kaluar një moment të tillë kur luante për Genkun.

LEXO EDHE: Racizëm edhe në Gjermani, kapiteni i Hertha Berlin: Po qante në fushë

“Unë vuajta një kor majmuni drejt meje gjatë një ndeshjeje kur luaja për Genkun. Për ta kundërshtuar atë që më ndodhi, vendosa të postoja një foton timen poshtë një majmuni dhe pyeta nëse ai më ngjante apo jo,” tregon lojtari.

“Ditën tjetër postimi im ishte fshirë nga Instagrami, sepse unë kisha shkelur rregullat,” deklaron lojtari që luan për kombëtaren e Belgjikës. 28-vjeçari është aktivizuar në 1216 minuta në Premier League këtë sezon dhe në të shkuarën e tij ka luajtur dhe për Ludogorets në Bullgari. /abcnews.al

Inaki-Williams.jpg
Igli Nikolli08:56 | 29/01/2020

Athletic Bilbao është një nga klubet më të veçanta në botë. Në këtë ekip luajnë vetëm lojtarë me origjinë baske ose duhet të kesh lindur në këtë vend për të mbrojtur ngjyrat e ekipit. Inaki Williams ka lindur në Bilbao, ndërsa origjina e prindërve të tij është nga Gana.

25-vjeçari ndihet bask dhe është një ndër të preferuarit e tifozëve. Në ndeshjen e fundjavës në kampionat kundër Espanyol përfundoi në shënjestrën e tifozëve vendas. Ofendimet raciste kundrejt tij e prekën shumë.

Klubi nuk mund të mos reagonte dhe mbrëmjen e kaluar i dhuroi një surprizë të bukur sulmuesit dhe kreu një veprim fantastik kundrejt racizmit. Të gjithë lojtarët e Athletic pozuan me fanellën numër 9 të Inakit përpara ndeshjes së Kupës së Mbretit në fushën e Tenerife.

Jemi të gjithë Inaki Williams“, shkroi klubi në Twitter. Ndeshja nisi keq, Athletic mbeti me dhjetë lojtarë që në minutën e dytë, por Williams, i karikuar në maksimum nga veprimi i shokëve, barazoi dy herë rezultatin dhe ndeshja shkoi në penallti, aty ku portieri i ardhur nga stoli, Jokin Ezkieta, i dhuroi kualifikimin ekipit me pritjet e tij. /abcnews.al

Racizmi.jpg
Igli Nikolli11:43 | 29/12/2019

Racizmi në futboll është përhapur dhe po përhapet shumë. Lojtarë me ngjyrë po bien pre e koreve raciste të tifozëve të ndryshëm, sidomos në Premier League dhe Serie A. Për të goditur këtë fenomen negativ është krijuar një aplikacion në ishull, i quajtur “Fishkëllima e fundit”.

The Sun raporton se David Frazier dhe Rose Simkins, janë ideatorët e kësaj risie, që është krijuar për të filmuar, regjistruar dhe ndërhyrë në kohë reale gjatë ngjarjeve sportive. Të gjithë përdoruesit mund të fusin të dhënat e nevojshme për të gjurmuar dhe gjetur tifozët racistë, duke siguruar prova të rëndësishme për policinë.

“Problemi i urrejtjes në sport është i rëndësishëm dhe po punojmë me klubet për ta luftuar. Nëse dikush del jashtë kontrolli, aplikacioni mundëson regjistrimin e kohës, vendit dhe vetë personit që po kryen gjestin kriminal”, thekson Frazier. /abcnews.al

Vertonghen.jpg
Igli Nikolli14:26 | 23/12/2019

Antonio Rudiger reagoi ashpër pas koreve raciste të pësuara në ndeshjen e djeshme kundër Tottenham. Mbrojtësi i Chelsea ra viktimë e racizmit dhe nuk e fshehu mërzitjen dhe trishtimin e tij.

E di që koret erdhën nga një tufë idiotësh, nuk përfshij gjithë tifozët e Tottenham. Kam marrë shumë mesazhe mbështetje nga ana e tyre, i falënderoj pa masë. Shpresoj që kriminelët të kapen sa më shpejt dhe të dënohen. Mëkat që racizmi vazhdon të ekzistojë ende në vitin 2019. Kur do të marrë fund ky absurditet?“, u shpreh gjermani i “Bluve të Londrës”.

Rreth situatës së krijuar ka folur edhe Jan Vertonghen. Në një prononcim për The Sun, belgu i Spurs nuk e kupton se si vazhdohet me kore raciste dhe i kërkon ndjesë Rudiger në emër të gjithë Tottenham.

Nuk kuptova gjë gjatë ndeshjes. Këto episode po përsëriten shpesh dhe kjo është e turpshme. Duhet të reagojmë me forcë kundër këtij fenomeni. Njerëzit janë të zgjuar, bëhet fjalë për një minorancë personash, por asgjë nuk i justifikon këto gjeste.

Nuk e di nëse problemi i racizmit po përkeqësohet, por nuk duhet të ekzistojë fare. Kërkoj falje në emër të gjithë Tottenham, nëse dikush ka rënë viktimë e koreve të tifozëve“, përfundon mbrojtësi i ekipit të Mourinhos. /abcnews.al

Rudiger.jpg
Igli Nikolli09:06 | 23/12/2019

Racizmi godet sërish në Premier League. Tifozët e Tottenham nuk i pritën mirë duelet e Antonio Rudiger ndaj Son, sidomos faktin që detyroi aziatikun të largohej me karton të kuq. Koret dhe ofendimet raciste ndaj mbrojtësit gjerman nuk munguan në derbin e Londrës. Vetë “viktima” ka folur rreth kësaj çështje në rrjetet sociale. Rudiger ndihet keq që ky fenomen vazhdon dhe i cilëson si kriminelë ata që merren ende me kore raciste.

Është shumë e trishtë të përballesh sërish me fenomenin e racizmit në futboll, por mendoj se është e rëndësishme të diskutohet në publik për këtë temë. Nëse nuk ndodh, pas disa ditësh gjithçka harrohet dhe ndodh përsëri. E di që koret erdhën nga një tufë idiotësh, nuk përfshij gjithë tifozët e Tottenham. Kam marrë shumë mesazhe mbështetje nga ana e tyre, i falënderoj pa masë.

Shpresoj që kriminelët të kapen sa më shpejt dhe të dënohen. Kamerat e stadiumit duhet të ndihmojnë në këtë aspekt. Nëse nuk ndodh, mjafton të merren dëshmitë e personave dëshmitarë. Mëkat që racizmi vazhdon të ekzistojë ende në vitin 2019. Kur do të marrë fund ky absurditet?“, përfundon mbrojtësi i Chelsea. /abcnwws.al

111111111111.jpg
Veronik Istrefaj20:17 | 16/12/2019

Lega Serie A njoftoi serinë e saj të nismave anti-racizëm, duke përfshirë një përfaqësues nga çdo ekip i Serie A. Menaxheri i përgjithshëm i Serie A, Luigi De Siervo, tha: “Serie A po mban një qëndrim të fortë kundër çdo forme paragjykimi.

Ne e kuptojmë se racizmi është një problem shumë kompleks. Jemi të sigurt se mund të fitojmë ndeshjen më të rëndësishme kundër kësaj plagë që po shkatërron sportin më të bukur në botë.”

Çdo klub në Serie A përfaqësohet nga një futbollist në ekipin Anti-racizëm: Pierluigi Gollini (Atalanta), Ibrahima Mbaye (Bologna), Daniele Gastaldello (Brescia), Ragnar Klavan (Cagliari), Kevin-Prince Boateng (Fiorentina), Stefano Sturaro (Genoa), Sofyan Amrabat (Verona), Danilo D’Ambrosio (Inter), Blaise Matuidi (Juventus), Joaquin Correa (Lazio), Khouma Babacar (Leçe), Davide Calabria (Milan), Kalidou Koulibaly (Napoli), Gervinho (Parma), Juan Jesus (Roma), Albin Ekdal (Sampdoria), Pedro Obiang (Sassuolo), Felipe (SPAL), Cristian Ansaldi (Torino), Stefano Okaka (Udinese)/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono