ozil
Spanish tenor Placido Domingo gives a press conference ahead of his concert in Moscow on October 15, 2019. (Photo by Dimitar DILKOFF / AFP) (Photo by DIMITAR DILKOFF/AFP via Getty Images)

Auba-Ozil.png
Veronik Istrefaj20:02 | 21/03/2020

Pierre-Emerick Aubameyang nuk po pranon të rinovojë me Arsenalin dhe sezonin e ardhshëm, i skadon kontrata. Ish-futbollisti i “Topçinjve”, Paul Merson, mendon se e gjithë kjo situatë, është shkaktuar nga Mesut Ozil, jo nga mungesa e dëshirës së Auabameyang për të qëndruar në Londër.

“E kam thënë gjithmonë që Mesut Ozil do të jetë një problem i madh për Arsenalin, që kur firmosi kontratën e majme. Ai përfiton 300 mijë sterlina në javë dhe çdo futbollist tjetër, kërkon të përfitojë një pagë të njëjtë.

Prandaj nuk po rinovon Aubameyang. Ai jep shumë herë me shumë se Ozil në fushën e lojës, po e tërheq zvarrë Arsenalin i vetëm. Normalisht, kërkon të jetë futbollisti më i paguar. Arsenali nuk është gati t’i japë një pagë të tillë dhe mendoj se do të largohet”, tha mes të tjerash ish-futbollisti i Arsenalit./abcnews.al

Pepe-Auba.jpg
Veronik Istrefaj19:37 | 16/02/2020

Ozil, Aubameyang, Pepe dhe Lacazette: Sulmuesit e Arsenalit ishin në formë të shkëlqyer në takimin kundër Newcastle, të cilët “Topçinjtë” e fituan me rezultatin e thellë 4-0. Të katër lojtarët ofensivë arritën të gjenin golin.

Fillimisht, ishte Auba ai që shënon një gol shumë të bukur me kokë, pas krosimit nga Pepe nga e djathta. Bomberi nga Gaboni gjeti rrjetën e 15-të këtë sezon në Premier League.

Golin e dytë, e shënoi Nicolas Pepe 3 minuta më vonë. Bukayo Saka del mirë nga krahu i majtë dhe driblon dy futbollistë, për të shërbyer më pas te Pepe, i cili nuk e ka të vështirë të shënojë me të majtën.

Golin e tretë, do e shënonte ylli i skuadrës, Mesut Ozil. Pas plot 35 pasimeve, aksioni i Arsenalit konkretizohet me gol nga numri 10, i cili përfiton dhe nga një pasiguri e portierit Dubravka.

Dhe “qershia mbi tortë”, ishte goli i Lacazette. Bomberi francez kishte 9 ndeshje që nuk shënonte dhe takimin e sotëm e nisi nga stoli. Edhe pse luajti vetëm 10 minuta, Laca ia doli të shënojë, në sekondat e fundit të sfidës. Fitore e shkëlqyer për Arsenalin./abcnews.al

Ozil-Arteta.jpg
Veronik Istrefaj20:08 | 14/01/2020

Ylli i Arsenalit, Mesut Ozil, ka folur për faqen zyrtare të klubit, ku tregoi hapat e tij të parë në karrierë, aventurën te Real Madrid, kalimin tek Arsenali dhe marrëdhënien që ka me trajnerin e ri të “Topçinjve”, Mikel Artetën.

Fantazisti gjerman i ka thurur elozhe strategut spanjoll, i cili edhe pse është trajneri më i ri në Premier League, po tregon një eksperiencë të jashtëzakonshme, duke rikthyer entuziazmin dhe lojën e bukur te një skuadër që dukej e humbur deri pak javë më parë.

“Arteta e di shumë mirë çfarë të na thotë, ai ka një sjellje shumë pozitive dhe dëshiron me doemos të na bëjë neve të suksesshëm”, u shpreh fillimisht Ozil.

“E shikoj qartë se ai ka një uri të madhe për të qenë i suksesshëm, por në të njëjtën kohë, mbetet me këmbë në tokë dhe na kupton neve futbollistëve. Ai i ka të gjitha aftësitë për t’u bërë një trajner i madh dhe për të qenë i suksesshëm këtu”, tha Mesut Ozil./abcnews.al

Ozil-1.jpg
Veronik Istrefaj22:11 | 29/12/2019

Mesfushori i Arsenalit, Mesut Ozil, me shumë gjasa do të largohet në janar nga “Topçinjtë” e Londrës. Fantazisti gjerman nuk është më ndër lojtarët e preferuar në “Emirates” dhe me ardhjen e Mikel Artetas si trajner i parë, mendohet se nuk do të ketë hapësirat e duhura.

Arsenali për më tepër, e ka një plan për yllin gjerman. Ozil do të huazohet tek ekipi i Fenerbahce për 6 muaj, me pagën e tij që do të paguhet nga të dyja ekipet, 50/50. Ozil përfiton 350 mijë sterlina në javë.

Pasi huazimi i Ozil të mbarojë dhe gjermani të rikthehet në Londër, Arsenali mendohet se do e ketë gjetur një blerës për kartonin e tij. Merkato e gjatë e verës i jep kohë “Topçinjve” ta shesin Ozilin, ndërsa në janar, koha nuk premton./abcnews.al

Ozil.jpg
Veronik Istrefaj19:13 | 08/11/2019

Me plot 10 vite burg është dënuar Ashley Smith, një nga agresorët që sulmoi dy futbollistët e Arsenalit, Sead Kolasinac dhe Mesut Ozil. Smith është njohur sot me dënimin e rëndë nga Gjykata, me akuzën tentativë grabitje. Smith ka marrë dënimin maksimal, ndërsa agresori tjetër, Jordan Northover, që ishte shoferi i motoçikletës, do të mësojë brenda disa orëve dënimin përfundimtar.

NGJARJA E KORRIKUT – E gjithë ngjarja ndodhi përpara shtëpisë së Kolasinac. Ozil kishte ndaluar aty të takonte mbrojtësin boshnjak dhe në atë moment dy persona kanë tentuar ta sulmojnë. Mesfushori ka hyrë në mjet, kurse lojtari tjetër i Arsenal është përplasur me grabitësit.

Më pas ai ka hipur në makinë dhe janë larguar nga vendngjarja. Historia nuk u mbyll me kaq, pasi lojtarët e “Topçinjve” janë ndjekur me motor. Ata kanë goditur makinën me mjete të forta dhe pas 15 minutash Ozil ka ndaluar makinën pranë një restoranti turk, ku është mbrojtur nga stafi. Ngjarja më pas është raportuar në polici dhe vijuan hetimet. /abcnews.al

Emery-Ozil.jpg
Veronik Istrefaj16:58 | 31/10/2019

Trajneri i Arsenalit, Unai Emery, ka pranuar se ka gabuar me sjelljen e tij ndaj yllit të skuadrës, Unai Emery. Strategu spanjoll dhe fantazisti gjerman kanë pasur disa debate gjatë fillimit të sezonit, por tashmë, duket se gjithçka është sheshuar.

Gjithçka ka nisur me një bisedë private mes Emery dhe Ozil, në zyrën e trajnerit të Arsenalit. Pas kësaj bisede, Ozil u grumbullua kundër Liverpoolit mbrëmë në Carabao Cup, madje dhe luajti titullar, duke bërë një ndeshje të shkëlqyer.

Ozil luajti vetëm 65 minuta, pasi Emery vendosi ta zëvendësojë. Për kët vendim të tij, strategu spanjoll tha: “Mesut kishte kohë pa luajtur dhe biseduam para ndeshjes, i tregova që do të zëvendësohej në pjesë të dytë. Ai bëri një ndeshje të shkëlqyer dhe në mendjen time, është në plane për sfidën e së shtunës kundër Ëolves”,- tha mes të tjerash numri një i Arsenalit./abcnews.al

Ozil-1.jpg
Veronik Istrefaj16:34 | 29/10/2019

Trajneri i Arsenalit, Unai Emery, ka folur sot para sfidës në EFL Cup kundër Liverpool, që luhet nesër. Përveç këtij takimi, Emery foli edhe për të ardhmen e Mesut Ozil, duke i dhënë fund përgjithmonë zërave për të ardhmen e fantazistit gjerman.

“Sot në mëngjes, kam biseduar me Ozil, një bisedë që i ka bërë mirë të dyja palëve. Doja të dëgjoja mendimet e tij, ambiciet që ka dhe i sqaruam të gjitha. Ai do të qëndrojë këtu. Stërvitjet e tij, kanë qenë shumë të mira dhe na duhet mentaliteti i tij prej fituesi në skuadër.

Përvç kësaj, ai ka dhe cilësi shumë të mira, që mund të na ndihmojnë në fazën sulmuese. Mesut do të luajë nesër kundër Liverpool, kjo është e sigurt”, tha mes të tjerash Emery. Mesut Ozil nuk grumbullohet me Arsenalin prej më shumë se një muaji, edhe pse nuk ka pasur asnjë shqetësim fizik./abcnews.al

 

Emery-Ozil.jpg
Veronik Istrefaj20:32 | 17/10/2019

Gjithçka ka ndryshuar shumë shpejt: Mesut Ozil do të qëndrojë tek Arsenali. Trajneri i “Topçinjve” të Londrës, Unai Emery, ka hedhur poshtë të gjitha zërat që largojnë yllin gjerman nga “Emirates”. Sot, trajneri spanjoll foli për situatën e mesfushorit gjerman, si dhe për sfidën e fundjavës në transfertë kundër Sheffield United:

OZIL – “Asnjëherë nuk kam thënë që Mesut Ozil do të largohet, gjithçka çfarë është shkruar kanë qenë spekulime. Mesut ka të ardhme tek Aesenali im dhe e shoh si pjesë të rëndësishme të projektit që kam. Prania e tij në dhomat e zhveshjes është diçka e paçmueshme. Është një ndër senatorët e ekipit dhe jo më kot bën pjesë në listën e 5 kapitenëve të mi.

SHEFFIELD – “Na pret një sfidë shumë e vështirë, Sheffield ka krijuar një identitet të bukur loje. Kam shumë respekt për trajnerin e tyre Wilder. Absolutisht një transfertë shumë e vështirë, duhet të jemi në maksimumin tonë që të ruajmë ecurinë e mirë”, përfundoi strategu spanjoll./abcnews.al

Giroud-1.jpg
Veronik Istrefaj11:35 | 16/10/2019

Në Premier League, rivaliteti për një vend titullari është shumë i ashpër, madje as disa yje të futbollit nuk arrijnë të luajnë rregullisht. deri më tani, janë luajtur tetë ndeshje në kampionatin anglez, por disa lojtarë nuk kanë luajtur thuajse aspak. Mesut Ozil, Lucas Torreira, Olivier Giroud dhe Christian Pulisic janë vetëm katër nga 11 lojtarët që përbëjnjë një formacion të shkëlqyer, por që nuk po gjejnë minuta në Premier League./abcnews.al

1 – Lovre Kalinic (Aston Villa)
4.5 milionë euro

2 – Diogo Dalot (Manchester United)
19 milionë euro

3 – Joe Gomez (Liverpool)
3.5 milionë euro

4 – Marcos Rojo (Manchester United)
16 milionë euro

5 – Charlie Taylor (Burnley)
6 milionë euro

6 – Victor Wanyama (Tottenham)
11 milionë euro

7 – Lucas Torreira (Arsenal)
26.4 milionë euro

8 – Mesut Ozil (Arsenal)
42.5 milionë euro

9 – Jordon Ibe (Bournemouth)
15 milionë euro

10 – Christian Pulisic (Chelsea)
58 milionë euro

11 – Olivier Giroud (Chelsea)
18 milionë euro

Milan-1.jpg
Veronik Istrefaj10:51 | 16/10/2019

Milani do të ketë një merkato shumë aktive në janar, në mënyrë që trajneri i ri, Stefano Pioli, të ndërtojë ekipin e duhur për projektin e tij. Pasi flitet për afrimet e Djibril Sidibe dhe disa futbollistëve të tjerë, objektivi më i fundit mësohet të jetë Mohamed Elneny.

Egjiptiani luan prej tre sezonesh me skuadrën e Arsenalit, por trajneri Unai Emery e ka thënë publikisht se ai nuk bën pjesë në planet e tij. Elneny mund t’i kushtojë 13 milionë euro kuqezinjve, por marrëdhënia e mirë e këtij të fundit me Ivan Gazidis pritet ta bëjë më të lehtë këtë transferim.

Përveç Elnenyt, Gazidis do të tentojë sërish për firmën e Mesut Ozil. Ylli gjerman nuk po aktivizohet thuajse fare këtë sezon dhe largimi i tij duket i paevitueshëm. Për fantazistin gjerman, mendohet ende formula e huazimit me të drejtë blerje në fund të sezonit, për një shifër që mund të shkojë deri në 35 milionë euro./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono