mister

AP_20016204576246-1024x576-1.jpg
So Nila09:03 | 22/01/2020

Të paktën nëntë persona kanë humbur jetën në Kinë si pasojëe virusit misterioz që është përhapur kohët e fundit.

Mediat ndërkombëtare bëjnë me dije se deri më tani përveç viktimave rezultojnë 440 persona të prekur nga ky virus, që ka origjinën nga tregu i ushqimit të detit.

Virusi është shpërndarë nga qyteti Vuhan në disa provinca tjera kineze, ashtu sikuse në Shtetet e Bashkuara, Tajlandë dhe Korenë Jugore. Autoritetet kanë pranuar se Kina gjendet në “situatën më kritike” të parandalimit dhe kontrollit të virusit.

Kina ka pranuar se ka filluar shpërndarja e virusit nga një njeri te tjetri. Virusi që tashmë njihet si 2019-nCoV, është bërë e ditur se është një lloj i ri i koronavirusit, që nuk është identifikuar më parë te njerëzit.

Simptomat e këtij virusi janë probleme me frymëmarrje, kolle dhe ethe. NDërkohë këtë të mërkurë pritet që Organizata Botërore e Shëndetësisë të zhvillojë një takim në lidhje me këtë situatë për të diskutuar krizën dhe për të mësuar nëse shpërndarja e virusit përbën urgjencë ndërkombëtare për shëndetin./abcnews.al

p080qwrb.jpg
So Nila09:01 | 20/01/2020

Virusi misterioz që ka prekur kinën ditët e fundit e ka çuar në 139 numrin e të prekurve nga ky viros.

Mediat ndërkombëtare raportojnë se virusi u përhap nga Vuhan në qytete të tjera. Ndërkohë dy raste të tjera të të prekurve nga ky virus janë raportuar në Pekin, ndërsa Shenzhen që është qendër e teknologjisë për një rast të dyshuar.

Numri total i rasteve të konfirmuara tani është 200, ndërsa tre persona kanë vdekur nga problemet me frymëmarrjen. Virusi është identifikuar nga specialistët në fillim në Vuhan në muajin dhjetor, si një lloj koronavirusi.

Sipas tyre, ai ka çuar në një shpërthim të pneumonisë virale, porse ende mbeten shumë paqartësi rreth tij.  Gjithahstu pas Tajlandës dhe Japonisë, Koreja e Jugur ka raportiar për një rast të prekur nga ky virus misterioz.

Ky shpërthim, sipas autoriteteve shëndetësore, ka ringjallur kujtimet e virusit Sars – gjithashtu një koronavirus – që ka lënë mbi 770 njerëz të vrarë në fillim të viteve 2000, në dhjetëra vende, kryesisht në Azi./abcnews.al

pamje-nga-vendi-i-ngjarjes.jpg
ad min13:37 | 12/10/2018

Policia deklaron se 13-vjeçarja që ndërroi jetë mbrëmjen e djeshme në spital është vetëvrarë me armën e gjahut të të atit. Pas marrjes së deklarimeve nga familjarët, rezulton se e mitura dyshohet të jetë vetëvrarë në banesë, ndërsa mbetet ende mister motivi këtij veprimi.

13-vjeçarja, e cila u gjet e  pajetë në banesë e saj në zonën e Bregut të Lumit pasditen e së enjtes në Tiranë, dyshohet se i ka dhënë fund jetës me armë zjarri.

Të paktën kështu deklaroi policia një ditë pas ngjarjes, e cila tha se nga hetimet e kryera u vërtetua pista e vetëvrasjes. Kasandra Brahja, të cilën e shikoni në fotografi, dyshohet të jetë vetëvrarë në banesë me armën e gjahut të të atit.

Blutë e kryeqyetit sekuestruan  armën e gjahut për të cilën Xhevat Brahja, dispononte leje. Mësohet Brahja ishte në banesë me vëllanë dhe nusen e tij, të cilët janë shurdhmemecë. Djali dhe nusja prej pamundësisë për të folur, nuk kanë mundur t’i tregojnë gjë babit të vajzës, teksa grupi hetimor e ka pasur të vështirë të saktësojë nëse ka qenë vrasje apo vetëvrasje.

Edhe pse viktima 13-vjeçare, u shoqërua pasditen e së enjtes në spital, përsëri nuk mundi të shpëtojë nga plaga e shkaktuar me armë gjahu. Dyshohet se e reja është qëlluar me armë në pjesën e barkut, në shtëpinë e saj në rrugën “Niko Avrami”, teksa familjarët e saj shprehen të habitur për këtë veprim të vajzës së mitur./abcnews.al

shbaa.png
ad min10:29 | 11/10/2018

Presidenti amerikan ka kërkuar përgjigje nga Arabia Saudite lidhur me zhdukjen e gazetarit në konsullatën saudite në Stamboll. Ai thotë se do t’i shkojë deri në fund këtij rasti.

Presidenti amerikan Donald Trump ka premtuar se do t’i shkojë deri në fund çështjes së gazetarit saudit të zhdukur, Jamal Khashoggi. Kreu i Shtëpisë së Bardhë u tha reporterëve se ka biseduar me autoritetet saudite në nivelet më të lartë lidhur me rastin e bashkëpunëtorit të Uashington Post.

Khashoggi, resident në SHBA dhe kritik i monarkisë së Arabisë Saudite, hyri në konsullatën e këtij shteti në Stamboll më 2 Tetor dhe që prej asaj kohe nuk është parë. Autoritetet turke besojnë se ai është vrarë brenda selisë diplomatike. Megjithatë Arabia Saudite e mohon këtë.

“Ne nuk mund të lejojmë që kjo t’u ndodhë gazetarëve, apo çdo njeriut tjetër. Ne po kërkojmë gjithçka. Ne dëshirojmë të marrim vesh se çfarë po ndodh”, u shpreh Trump.

Shtëpia e Bardhë bëri me dije se Sekretari i Shtetit, Mike Pompeo dhe zyrtarë të tjerë kanë biseduar me Princin e Kurorës Saudite, Mohammed Bin Salman dhe kanë kërkuar detaje lidhur me situatën. Si Turqia ashtu edhe Arabia Saudite janë vende aleate me Shtetet e Bashkuara.

Ndërkohë, gjatë të mërkurës, mediat turke publikuan pamje të kamerave të sigurisë, për të cilat shkruajnë se tregojnë prova për një komplot që lidhet me zhdukjen e gazetarit. Gjithashtu treguan prova se 15 agjentë të shërbimit të inteligjencës Saudite kanë hyrë dhe janë larguar po me 2 Tetor nga Turqia përmes aeroportit të Stambollit.

Mes tyre ishte edhe një ekzpert forenzike. Dyshohet se Khashoggi është vrarë brenda konsullatës saudite, e më pas është transportuar trupi i pajetë me anë të një minifurgoni të zi. Gazetari po vizitonte konsullatën për të finalizuar divorcin e tij në mënyrë që të martohej me të fejuarën turke, Hatice Cengiz. Kësaj të fundit i ka thënë se nëse nuk kthehej të telefononte një këshilltar të presidentit turk, Rexhep Tajip Erdogan./abcnews.al

PESHQIT-E-NGORDHUR-1280x720.jpg
ent ela14:29 | 05/10/2018

Prej tri ditësh bregu i detit në Karpen të Kavajës është mbushur me peshq të ngordhur. Por nuk dihet shkaku i kësaj situate.

Në mënyrë të mistershme dhjetëra-qindra peshq të ngordhur kanë mbushur bregun e detit në Karpen të Kavajës.

Shkaku i ngordhjes mbetet ende i panjohur, pasi askush nuk di të thotë arsyen, apo shkaqet e këtij fenomeni aspak normal.

Kjo është hera e parë që në këtë vijë bregdetare dallgët sjellin peshq të ngordhur në breg të detit.

Pavarëisht situatës, tejet problematike autoritet përkatëse ende nuk kanë nisur apo dhënë ndodnjë informacion zyrtarë mbi këtë fenomen,  po aq të rëndë dhe të rrallë për ujërat e Adriatikut.

Paraprakisht dyshimet lidhen me  ndotjen që shkaktohet  nga shkarkimet  e Hidrovorit të Karpenit dhe Qerretit.

Por, nuk përjashtohet dhe mundësia që peshkatarët e zonës kanë përdorur lëndë plasëse gjatë peshkimit, duke sjellë pasoja të rënda tek gjallesat  detare. /abcnews.al

768.jpg
ad min09:18 | 16/08/2018

Një mister i periudhës antike, i cili përfshin një nga shpërthimet vullkanike më të fuqishme të 4000 viteve të fundit, është zgjidhur nga të dhënat e mbledhura nga rrathët e pemëve.

Shpërthimi i vullkanit Thera në ishullin grek të Santorinit ishte një event natyror aq i jashtëzakonshëm saqë pati ndikim deri në Turqi e Egjipt. Shpërthimi shkaktoi një dëmtim tek fqinjët e kolonisë Minoane, pikë e rëndësishme e kulturës dhe mitologjisë greke të asaj kohe, duke i fundosur ata në një mantel hiri dhe gurësh dhe shteruar burimet vendase e duke u bërë kështu një nga shkaktarët kryesorë të rrënimit të kësaj popullsie. Gjithashtu, shkaktoi edhe shumë stuhi shiu në territorin e Egjiptit antik.

Megjithatë, pavarësisht provave të përgjithshme të ngjarjes në të gjithë territorin e Mesdheut, identifikimi i një date të saktë ka qenë shumë e vështirë. Arkeologët dhe shkencëtarët kanë marrë së bashku kohën e të dhënave të shkruara, bashkë me mbetje të poçarisë dhe datimin e materialeve bimore të radiokarbonit të ruajtuar nën hi. Informacionet e deritanishme kanë qenë kontradiktore, ndaj një grup kërkuesish nga Universiteti i Arizonës, me në krye studiuesen Charlotte Pearson, vendosën ti jepnin një zgjidhje këtij misteri.

“Bëhet fjalë për të vënë në vijë një linjë kohorë të historisë së antikitetit në Egjipt, Greqi, Turqi dhe në pjesën tjetër të Mesdheut, në këtë pikë kritike të ndodhisë fatkeqe, për nxjerrjen e një përfundimi.” – shpjegoi ajo.

Shkencëtarët përdorën të dhëna radiokarbonike marrë nga rrathët e brendshëm në trungjet e pëmëve, të cilat kanë ekzistuar që nga koha e shpërthimit vullkanik.

“Çdo rreth i pemës është një kapsulë kohore e radiokarbonit të vitit kur u rrit, prandaj mund të themi se mund të identifikojmë një rreth peme nga viti 1600 p.e.s dhe se sa shumë radiokarbon ka në të.”

Sipas tyre, përdorimi i radiokarbonit në nxjerrjen e të dhënave historike, përbën një revolucion në fushën e arkeologjisë. Kështu u bë e mundur të nxirrej përafërsisht se shpërthimi i vullkanit Thera daton që në shekullin XVI p.e.s./abcnews.al

sarkofaku.jpg
ad min16:29 | 31/07/2018

Një dhomë e fshehtë poshtë dyshemesë së vendvarrimit të Skënderbeut ka 40 vjet që shoqërohet me mister. Me ndërhyrjet më të fundit për restaurimin e këtij vendvarrimi, kapaku u hap përsëri dhe aty u gjet një sarkofag që nuk dihet kujt i përket. Megjithatë ende mbetet enigmë pse zbulimi i shumë viteve më parë u mbyll dhe u vendos që të mos flitej  për të.

Kapaku mbi dyshemene e vendvarrimit të Skënderbeut në Lezhë u hap. Poshtë tij thuhej se kishte gjetje të rëndësishme, por që asnjëherë nuk u publikuan. ABC News e ka përcjellë edhe më herët emblematikën mbi zbulimet e 40 viteve më parë nga arkeologët Frano Prendi, Loro Gjeçi dhe Ndue Përleka.

U desh ndërhyrja për restaurimin e vendvarrimit që të guxohej për të parë se çfarë fshihej poshtë dyshemesë, në dhomën katrore. Përgjegjësi i muze-memorialit në Bashkinë e Lezhës, Paulin Zefi thotë se zbulimi i shumë viteve më parë u mbyll në mënyrë misterioze dhe në mënyrë të pashpjegueshme u vendos që të mos flitej më për të. Por ai afron disa të dhëna se çfare dyshohet.

“Historianët dhe arkeologët janë të ndarë në dy mendime të ndryshme. Një pjesë ka thënë se mund të jetë një basament i shekullit të dytë antik. Pjesa tjetër ishte e mendimit se blloqet janë antike, por të ripërdorura për vendosjen e një sarkofagu”, tha ai.

Zefi thotë se pavarësisht se çfarë do të nxjerrin studimet, ky sarkofag duhet të ekspozohet, ndaj edhe do të hartohet një projekt për këtë qëllim që do t’i dërgohet edhe Ministrisë së Kulturës.

Ekzistenca e një objekti tjetër poshtë vendvarrimit të Skënderbeut u soll për herë të parë nga ABC News rreth 1 vit më parë dhe tashmë sarkofagu emblematik pret që të ekspozohet./abcnews.al

vlcsnap-error400-1280x720.jpg
ent ela12:49 | 03/03/2018

Policia sllovake ka liruar 7 të ndaluarit që dyshoheshin se ishin përfshirë në vrasjen e gazetarit investigativ, Jan Kuciak. Ky I fundit u ekzekutua në shtëpinë e tij, ndërsa po punonte për një artikull për lidhjet e mafias italiane me zyrtarët e qeverisë.

Autoritetet sllovake liruan të shtatë personat e ndaluar në lidhje me vrasjen e një gazetari ivestigavit. Kjo është konfirmuar nga një zëdhënëse e policisë. Agjentët arrestuan të dyshuarit të enjten në një hetim për vrasjen e Jan Kuciak dhe të dashurës së tij, të cilët u gjetën të vdekur në shtëpinë e tyre fundjavën e kaluar. “Gjatë kohës ligjore – 48 orë – policia kontrolloi dhe kërkoi faktet e nevojshme për një aktakuzë. Pas 48 orësh, personat u liruan nga paraburgimi”, tha zëdhënësja e policisë Denisa Baloghova.

Vrasja e Kuciak, puna e të cilit u përqendrua kryesisht në lidhjet midis biznesmenëve dhe politikanëve sllovakë, është e para e një gazetari në këtë shtet. Mijëra marshuan në Bratislavë dhe qytete të tjera sllovake, duke kërkuar veprim të shpejtë në përgjigje të një vrasjeje që tronditi vendin dhe tronditi qeverinë e saj. Kuciak ka investiguar lidhjet e dyshuara të mafias me biznesmenët italianë në Sllovakinë lindore.

Artikulli i tij i fundit i papërfunduar u botua pas vdekjes nga mediat sllovake dhe ndërkombëtare. Një nga personat e përmendur në raportin e Kuciak, i cili hetoi për abuzimin e mundshëm të subvencioneve të Bashkimit Europian dhe mashtrimeve të tjera, kishte lidhje në të kaluarën me njerëz që punonin për zyrën e Kryeministrit Robert Fico. Lidhur me vrasjen, partnerët e koalicionit kërkuan nga shefi I qeverisë që të shkarkojë disa zyrtarë të lartë. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono