KLGJ

shullazi.jpg
ger ta20:30 | 08/03/2020

Këshilli i Lartë Gjyqësor do të komandojë të hënën dy gjyqtarë për gjykimin e çështjes së Emiljano Shullazit. Burimë për abcnews.al bëjnë me dije se KLGJ pritet të caktojë dyshen gjykuese, Etleva Temo dhe Ardian Kalaja.

Kujtojmë se prej kohësh procesi gjyqësor ndaj Emiljano Shullazit është shtyrë për shkak të mos plotësimit të trupës gjykuese.

Emiljano Shullazi u dënua nga Shkalla e Parë e Krimeve të Rënda me 14 vite burg, ndërsa grupi në total me 55 me për krijim të grupit të strukturat kriminal, gjobëvënie dhe kanosje për shkak të detyrës.

Sakaq, dosja “Shullazi” ndodhet në Gjykatën e Apelit Kundër Krimit të Organizuar dhe Korrupsionit. /abcnews.al

 

klgj.jpg
nev ila16:42 | 05/03/2020

Këshilli i Lartë Gjyqësor ka njoftuar se i ka propozuar presidentit të Republikës emërimin e tre kandidatëve për në Gjykatën e Lartë.

Të tre kandidatët, Ervin pupe, Sokol Sadudhi dhe Ilir Panda kanë plotësuar kuadrin ligjor për të qenë kandidatë në Gjykatën e lartë.

Ndërkohë që për pozicionin e katërt për në Gjykatën e Lartë KLGJ është duke verifikuar plotësimi e kushteve dhe kritereve ligjore të kandoidatëve.

Njoftimi i KLGJ:

Këshilli i Lartë Gjyqësor njofton opinionin publik se pas plotësimit të kuadrit ligjor, hapi procedurat e kandidimit për në Gjykatën e Lartë, nga radhët e juristëve të spikatur, për tre pozicione të lira, një në fushën e të drejtës administrative, një në fushën e të drejtës civile dhe një në fushën e të drejtës penale.

Në përfundim të procedurave të kandidimit për secilin nga pozicionet e lira të shpallura, pas verifikimit të kushteve dhe kritereve ligjore të kandidimit për të gjithë konkurrentët, si dhe vlerësimin sipas meritave të kandidatëve të kualifikuar, Këshilli i Lartë Gjyqësor vendosi t’i propozojë Presidentit të Republikës emërimin e tre kandidatëve, konkretisht:

Me Vendimin nr. 110, datë 27.2.2020, Këshilli i Lartë Gjyqësor vendosi: T’i propozojë Presidentit të Republikës emërimin në Gjykatën e Lartë, nga radhët e juristëve të spikatur, të kandidatit z. Sokol Sadushaj;

Me Vendimin nr. 111, datë 27.2.2020, Këshilli i Lartë Gjyqësor vendosi: T’i propozojë Presidentit të Republikës emërimin në Gjykatën e Lartë, nga radhët e juristëve të spikatur, të kandidatit z. Ervin Pupe;

Me Vendimin nr. 111, datë 27.2.2020, Këshilli i Lartë Gjyqësor vendosi: T’i propozojë Presidentit të Republikës emërimin në Gjykatën e Lartë, nga radhët e juristëve të spikatur, të kandidatit z. Ilir Panda.

Pas bërjes përfundimtar të vendimeve të mësipërme, sot Këshilli i Lartë Gjyqësor ia përcolli ato Presidentit të Republikës, për të vlerësuar dhe vendosur emërimin e kandidatëve të propozuar.

Këshilli i Lartë Gjyqësor po vijon procedurën e verifikimit të kushteve dhe kritereve ligjore të kandidimit për kandidatin për pozicionin e katërt nga radhët e juristëve të spikatur, si edhe vendosi në mbledhjen e datës 26.2.2020 hapjen e procedurës së ngritjes në detyrë në Gjykatën e Lartë, nga radhët e gjyqtarëve, për plotësimin e pozicioneve të tjera të lira në Gjykatën e Lartë./abcnews.al

ilir-panda.jpg
nev ila11:26 | 27/02/2020

KLGJ për emërim në Gjykatën e Lartë ka përzgjedhur 3 kandidatë, nga radhët e juristëve të spikatur, në tre pozicionet e lira në fushat e së drejtës administrative, civile dhe penale.

Për tre kandidatët e kualifikuar, Këshilli ka vendosur zhvillimin e intervistave në seanca dëgjimore sot duke filluar në orën 10.00.

Ata janë: Sokol Sadushi, Ervin Pupe, Ilir Panda.

Sokol Sadushi është i përzgjedhur si kandidat për profilin administrativ. Ervin Pupe është përzgjedhur në profilin civil ndërsa Ilir Panda është përzgjedhur në profilin penal.

Ndërkohë ka filluar mbledhja në KLGJ, ku dhe kanë filluar intervistat për tre kandidatët për garën për në Gjykatën e Lartë.

Ilir Panda kandidati për në Gjykatën e lartë në profilin penal është vendosur para KLGJ për të dhënë intervistën, i treti.

“Karriera ime ka filluar në hetimin e veprave penale dhe pastaj në Ministri të Drejtësisë në administratë publike. Gjatë gjithë kësaj kohe aktiviteti im është shoqëruar në disa punë shkencore dhe aktualisht vij nga jeta universitare, në një universitet privat.

Mendoj se eksperiencat që kam në fusha të ndryshme ku kam punuar, do jenë ndihmuese edhe në aktivitetit gjyqësor. Kandidoj pasi është më afër interesit publik dhe lidhet ngushtë me të drejtat e njeriut. Objektivat janë të pëgjithshme dhe të përveçme, vlerat, standardet dhe rregullat e etikës profesionale.

Gjykata e Lartë ka eksperiencë të mëparshme të sigurtë për punën për të çuar më para punën për zhvillimin e aktivitetit gjyqësor. Objektiv për një gjyqtar të Supremes është ajo problematikë të shumë dosjeve të mbledhura në Gjykatë të Lartë.

Me profesionalizëm puna duhet të filloj, ndërsa rrugët për t’i zgjidhur duhet të shikohen. Në objektiv janë edhe marrëdhëniet me Këshillin e Lartë Gjyqësor, në marrëdhënie profesionale e institucionale.

Eksperienca në mësimdhënie, puna në Ministrinë e Drejtësisë, puna në grup e më gjerë. Element janë disa veprimtari që janë pjesëmarrja në bordin e akreditimit të arsimit të lartë, dhe pjesëmarrja si anëtar i Këshillit të Lartë të Drejtësisë.

Roli i parë i GJL është roli që i jep Kushtetuta si dhe roli që i jep praktikës gjyqësore. Duhet të jetë bindëse dhe detyruese për gjykatat më të ulta dhe për vetë palët në procese. Mendoj që përmes veprimtarisë së saj të bindi palët pjesëmarrëse, që për të shkuara atje, t’u mbushet mendja anëtarëve të GJL, që çështjet kanë rëndësi të madhe

Njeriu gjithë jetën ka plot dilema, ndërsa unë prirem të mos e lërë veten deri aty por nuk i kam shpëtuar. Kam patur disa dhe një ndër to ishte zgjedhja midis sektorit publik dhe atij privat. Zgjidhja që bëra ishte e suksesshme. Dilemë tjetër ka qenë të qëndruarit jashtë apo në Shqipëri. Duke qenë para jush besoj se e tregon”, tha Panda./abcnews.al

ervin-pupe.jpg
nev ila11:15 | 27/02/2020

KLGJ për emërim në Gjykatën e Lartë ka përzgjedhur 3 kandidatë, nga radhët e juristëve të spikatur, në tre pozicionet e lira në fushat e së drejtës administrative, civile dhe penale.

Për tre kandidatët e kualifikuar, Këshilli ka vendosur zhvillimin e intervistave në seanca dëgjimore sot duke filluar në orën 10.00.

Ata janë: Sokol Sadushi, Ervin Pupe, Ilir Panda.

Sokol Sadushi është i përzgjedhur si kandidat për profilin administrativ. Ervin Pupe është përzgjedhur në profilin civil ndërsa Ilir Panda është përzgjedhur në profilin penal.

Ndërkohë ka filluar mbledhja në KLGJ ku kanë filluar intervistat për tre kandidatët për garën për anëtarë të Gjykatës së Lartë.

Ervin Pupe është vendosur para KLGJ për të dhënë intervistën, i dyti.

Përvoja ime si doktricien në Fakultetin e Drejtësisë dhe jo vetëm, e gërshetuar si përfaqësues ligjor në gjykata, besoj se më jep mundësi të kandidoj për Gjykatën e Lartë. E gjej veten dhe mendoj se mund të jap një kontribut si doktricien.

Besmi te Gjykata e Lartë ka rënë dhe duhet rikthyer, besoj se mund të jap kontribut si njeri kritik për veten, punëtor e më gjerë.

Besoj se do ia dal edhe nëse këshilli më jep mundësinë për më tej. Do kontribuoj që edhe opinioni publik të rrit besimin.

Në perceptimin tim çmoj se interpretimi i ligjit ka në vetëvete element të njohjes së doktrinës, e cila është pjesë e formimit tim. Ndryshimet kushtetuese kanë sjell Gjykatën e Lartë, duke sjell zvogëlim të gjykatave më të vogla.

Numri i lartë i çështjeve mund të krijohet një njësi për grupimin e çështjeve, dhe nëse arrihet, gjykata mund të jap vendim pilot, duke zgjidhur disa çështje njëherësh.

Duhet ndërhyrje ligjore për të pikë, dhe të jetë e përkohshme, derisa dosjet të ulen.

Më ka rrit familja të ndershëm, të mirë dhe nuk mund të bëhem ndryshe. Më kanë kërkuar edhe rritje note si dilemë, por unë e kam bindur studentin, dhe kjo ka qenë dilema ime. Si avokat nuk kam dal nga katakteri im”, tha Pupe./abcnews.al

klgj.jpg
ger ta18:18 | 26/02/2020

Ngërçi i krijuar prej rreth 3 vitesh në Gjykatën e Lartë, ka krijuar një stok prej rreth 33 mijë dosjesh te depozituara. Për të bërë funksionale këtë gjykate, Këshilli i Lartë Gjyqësor ka miratuar pikëzimin e 3 kandiatëve jo gjyqtarë për në Gjykatën Supreme. Sokol Sadushi, Ervin Pupe dhe Ilir  Panda, garojnë per 3 vëndet vakante  ndërsa për vendin e 4-t qeveria e gjyqtarëve vijon verifikimet për kandidatin Dariel Sina, që aktualisht është te Komisioneri Publik.

Ditën e Enjte 3 kandidatët që vijnë nga radhet e juristëve të spikatur do të përballen me fazen e fundit, atë të intervistimit  nga antarët e KLGJ. Pas pikëzimit të tyre lista do t’i shkojë presidentit për miratim. Këshilli i Lartë Gjyqësor ka miratuar rregulloren me kriteret që duhet të plotësojnë kandidatët që duan të jenë pjesë e Gjykatës së Lartë dhe Gjykatave të Posaçme.

Gjate mbledhjes pati diskutime nëse do të shpallej vakanca e plotë prej 14 vendesh për në Gjykatën e Lartë apo do shpallet vakancë fillimisht për 6 vende dhe me pas të plotësohet. Në përfundim këshilli vendosi që të hapet gara fillimisht për 6 vende vakante. Sipas rregullores se miratuar, të gjithë kandidatët që duan të jenë pjesë e gjykatës së Lartë duhet të kenë të paktën 13 vite eksperiencë pune, ndaj tyre të mos ketë masa disiplinore dhe të kenë kaluar vetingun.

KLGJ gjithashtu ka miratuar projektvendimin për të hapur garën edhe për 5 vende vakante në të dyja shkallët e gjykatave të posaçme. Por gjyqtarët që duan të jene pjesë e tyre duhet që të kenë të paktën 10 vite eksperiencë pune si gjyqtarë, të kene kaluar procesin e vettingut, të mos kene masa disiplinore dhe të japin pëlqimin që të përgjohen celularët e tyre dhe të familjarëve së bashku me llogaritë bankare. Anëtarët diskutuan që plotësimi i Gjykatës së Lartë duhet të bëhet sa më shpejt pasi, kjo do t’i hapë rrugën edhe plotësimit të Gjykatës Kushtetuese. Venia ne funskion e Gjykates se Larte është një proces i cili do të kërkojë kohë të gjatë. /abcnews.al

 

 

 

 

abc.png
in a17:10 | 20/02/2020

Ngërçin për nisjen e procesit gjyqësor për Emiljano Shullazin dhe anetarët e grupit të tij në Gjykatën e Posaçme të Apelit nuk është zgjidhur as nga ndërhyrja e Këshillit të Lartë Gjyqësor.

Procesi vijon të mbahet pezull pasi nga gjyqtarët e Gjykatës së Posaçme të Apelit është vetëm Alban Boksi, ndërsa pjesa tjetër kanë dhënë dorëheqjen për shkak të konflikit të interesit.

Këshilli i Lartë Gjyqësor kishte deleguar dy gjyqtarët e apelit, Etleva Temo dhe Artur Kalaja për të shqyrtuar kërkesat proceduriale, të cilët nuk mund të shqyrtojnë procesin në themel për arsye se nuk janë gjyqtarë të posaçëm.

Sipas ligjit për statusin e gjyqtarëve dhe prokuroreve në republikën e shqipërise, në gjykatat e posacme, të gjithë gjyqtarët kanë dhënë pëlqimin që të përgjohen bisedat telefonike, të tyre dhe të familjarevë, t’u kontrollohen llogaritë bankare, dhe për këto arsye nuk mund të komandohet një gjyqtar i thjeshtë për të zhvilluar proces në Gjykatën e Posaçme.

KLGJ në shkresën drejtuar Kuvendit, Ministrisë së Drejtësisë dhe Këshillit të Ministrave, parashtron situatën në të cilën gjenden gjykatat e të gjitha shkallëve në vend.

Sipas KLGJ, numri i gjyqtarve në gjykatat e Apelit është ulur me 40 %, shifer kjo që do të vije duke u rritur për shkak të procesit të vetingut. Në këto kushte, Këshilli i Lartë Gjyqësor thotë se është urgjente që të bëhen ndryshime ligjore në ligjin e vitit 2016 për Statusin e Gjyqtarëve dhe Prokurorëve, në mënyrë që të mundësohet lejimi i gjyqtarëve të thjeshtë për të shqyrtuar procese në gjykatat e posacme në raste të nevojshme.

Sipas KLGJ, nëse nuk merren masa të mënjehrshme, ngërci në gjykata do të vijë duke u thelluar. Shkarkimi i një numri të madh gjyqtarësh dhe prokurorësh nga “Vetingu” ka futur në kolaps gjykatat dhe prokuroritë e vendit.

Nga kjo situatë pritet të përfitojnë edhe të dënuar që janë në prag të lirimit të cilët nuk munde të mbahen më në qeli përtej afateve të burgimit./abcnews.al

1577109981_shullazi.jpg
Autor E10:43 | 20/02/2020

Shkarkimi i një numri të madh gjyqtarësh dhe prokurorësh nga vettingu ka futur në kolaps gjykatat dhe prorkuroritë e vendit duke bërë që të dënuar të caktuar të jenë në prag të lirimit për shkak të ngërçit të shkaktuar.

Një problematikë të tillë është duke e hasur edhe Apeli i SPAK. Në lidhje me këtë, KLGJ ka dërguar kërkesë ministrisë së Drejtësisë që të gjejë një zgjidhje ligjore duke lejuar edhe gjyqtarët e gjykatave të tjera të apelit të gjykojnë çështje në SPAK.

Në letrën e siguruar nga gazetarja Glidona Daci për abcnews.al shkruhet se në shkallë vendi ka një reduktim të stafit të gjykatave me 40%.

Rasti konkret i kësaj problematike të shkaktuar nga reduktimi i numrit të gjyqtarëve është pikërisht çështja Shullazi, e cila është shtyrë në mënyrë të vazhdueshme.

Tërheqja e gjyqtarëve dhe shtyrjet e vazhdueshme kanë bërë që ai të mos gjykohet dhe procesi të zgjasë për muaj të tërë.

Gazetarja Glidona Daci raporton për abcnews.al se gjyqi i tij u shty sërish sot për shkak se në trupën gjykuese ka mbetur vetëm Albana Boksi.

Gjatë kësaj periudhe, gjyqtarët janë tërhequr për arsye të ndryshme duke bërë që të përfundojë e gjithë lista e atyre që janë të mundshëm për të gjykuar Shullazin.

Ndërkohë, sipas përcaktimeve ligjore, çështje të SPAK nuk mund të shqyrtohen nga gjyqtarë që nuk janë gjyqtarë të SPAK.

Shkresa e siguruar nga abcnews.al:

kim-klgj2.jpg
eri Ida16:10 | 07/02/2020

Ambasadorja amerikane Yuri Kim këtë të premte është takuar me anëtarët e Këshillit të Lartë Gjyqësor.

Përmes një postimi në rrjetin social Facebook, ambasada amerikane ka publikuar detaje nga takimi. Në këtë takim porosia e ambasadores ishte për  një sistem drejtësie të paanshëm, bazuar në sundimin e ligjit.

“Ambasadorja i përgëzoi ata për përpjekjet e tyre në përmirësimin e administrimit të gjyqësorit dhe gjykatave. Ajo theksoi përkushtimin e Shteteve të Bashkuara për të ngritur një sistem drejtësie të paanshëm, bazuar në sundimin e ligjit, ndërsa Shqipëria përpiqet të përmbushë potencialin e saj të plotë duke krijuar institucione të forta demokratike”, thuhet në njoftim./abcnews.al

Screenshot_8.png
R D13:15 | 06/02/2020

Komisioni i Ligjeve miratoi dy ndryshime ligjore që janë themelore për reformën në drejtësi. Gazetarja e Abc News, Esiona Konomi përcolli “live” zhvillimet më të fundit nga Kuvendi. Ajo tha se gjatë mbledhjes ka patur kritika nga Fatmir Xhafaj dhe Bashkim Fino.

Fino tha se reforma ka nevojë për analizë dhe nuk mund të arnohet here pas here, sa herë gjenden ngushtë institucionet e reja të drejtësisë.

Ndërsa Xhafaj ishte kritik ndaj Kryeministrit Edi Rama për nismën anti-KCK. “Politika dhe Rama personalisht ka udhëhequr një debat të fortë, duke u treguar i pakujdesshëm sepse gjyqtarët dhe prokurorët kanë tashmë “qeveritë” e tyre. Flet më shumë Rama se KLGJ dhe KLP sidomos në rastin e gjyqtares së Krujës që liroi Indrit Doklen. Është e papranueshme që KLGJ s’ka reaguar ende për këtë rast”, është shprehur Xhafaj gjatë mbledhjes së komisionit të Ligjeve. /abcnews.al

emiljano-shullazi-1280x683.jpg
R D14:03 | 21/01/2020

Gjykata e Posaçme e Apelit rrëzon kërkesën e grupit ‘Shullazi’ për tu hetuar në liri. Emiljano Shullazi dhe grupi i tij kërkuan një ditë më parë rivlerësimin e masës së sigurisë për shkak se ka ndryshuar statusi i Gjykatës, nga Krimet e Rënda në Gjykatë të Posacme.

Në seancën e sotme gjyqësore, Këshilli i Lartë Gjyqësor, depozitoi një shkresë ku legjitimon gjyqtarët Artur Kalaja, Etleva Temo dhe Albana Boksi për shqyrtuar kërkesat e veçanta të të drejtave të njeriut, bërë nga Emiljano Shullazit dhe 4 të pandehurit e tjerë.

Një ditë më parë, përmes avokatëve mbrojtës Emiljano Shullazi paraqiti kërkesën për rivlerësim të masës së sigurisë, me argumentin se Gjykata e Posaçme duhet t’i konfirmonte masat në momentin që ndryshoi statusin brenda një afati 10 ditor. Vendimi i sotëm i gjykatës ishte qendrimi në “arrest me burg” për Shullazin dhe 4 të tjerët.

Gjithsesi procesi mbetet i bllokuar pasi vetëm Albana Boksi është gjyqtare e Posaçme, ndërsa dy të tjeret vijnë nga Apelet e rretheve. Ndërkohe ligji parashikon që proceset në Gjykatën e Posacme të Apelit zhvillohen nga gjyqtaret që jane pjesë kësaj strukture.

/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono