keq

lemae-1280x730.jpg
ad min19:30 | 21/07/2019

Mungesa apo dëmtimi i hartave të pronave të gjirokastritëve është një ndër problemet me të cilat po ndeshet Kadastra Shqiptare. Drejtori i përgjithshëm i këtij institucioni Artan Lame është shprehur se ndonëse janë shpenzuar rreth 150 milionë euro në 30 vitet e fundit, 80 përqind e pasurive janë regjistruar me probleme.

Në këtë hartë janë pronat e gjirokastritëve. Nuk është e vjetër por e 30 viteve të fundit nënvizoi drejtori i përgjithshëm i Kadastrës.

Sfidë të radhës e konsideron Artan Lame kalimin nga një kopje e një harte të grisur në sistemin dixhital.

“Tre dekada po mundohemi të bëjmë letra dhe hiç. 80% e pasurive janë regjistruara me probleme, shumica e hartave janë në gjendje të tmerrshme. Janë investuar 150 milionë euro në këto 30 vjet dhe kjo është situata. Kemi keqmenaxhim. Është mungesë totale e dëshirës për ti dhënë zgjidhje themeleve të një vendi”.

Gjatë një bashkëbisedimi me gazetarët në Gjirokastër, drejtori i Përgjithshëm i Kadastrës, Artan Lame tha se procesi i regjistrimit të tokave bujqësore ka filluar që të marrin shtratin e duhur edhe pse ka 30 vjet që ka nisur si proces, por që tani po finalizohet.

 “Për dy vjet bëjmë 30 vjetorin e procesit për regjistrimin e tokave bujqësore. Procesi i regjistrimit të tokave në fshat është pothuajse në nivelin gjysmë për gjysmë, që do thotë gjysma e familjeve fshatare e kanë tokën të paregjistruar, që do të thotë e ka të mbyllur derën e shtetit për të marrë një subvencion, për të marrë një kredi apo edhe ta shesin”.

Drejtori Lame tha se janë 2500 pasuri të regjistruara në tre zona kadastrave siç janë Zhulati, Fushbardha dhe Taroninë. Të njëjtin fat nuk do ta kenë ata që presin të legalizojnë ndërtimet në zonat e mbrojtura.

“Legalizim në zonën e mbrojtur të UNESCO nuk mund të bëhen, aq më tepër kur shtesat apo ndërtimet nuk kanë lidhje me arkitekturën e vjetër”.

Gjirokastra ka avancuar në pjesën e regjistrimit të tokave, dhe aktualisht është  në fazën e mbylljes së këtij procesi./ABC News Albania 24/7

808x454_cmsv2_19f35136-4d73-5972-b06c-612a436d6ad9-4009304.jpg
ad min11:51 | 10/07/2019

Moti i keq në Spanjë ka shkaktuar një viktimë ndërsa përmbytjet kanë shkaktuar dëme të konsiderueshme në shumë qytete të vendit. Në disa zona ka pasur dhe ndërprerje të energjisë elektrike.

Trupi i pajetë i një personi të tërhequr nga uji në automjetin e tij u gjet në një zonë të Navarës në Spanjë ku reshjet e dendura shkaktuan përmbytje dhe dëme të mëdha në shumë qytete të vendit. Përmbytjet detyruan autoritetet të mbyllin për trafikun disa rrugë kryesore; gjithashtu ka pasur dhe ndërprerje të energjisë elektrike në zona të ndryshme të vendit. Banorët e Tafalas dolën të pastrojnë rrugën nga balta pasi reshjet përmbytën qytezën.

E gjithë zona e Navaras pësoi përmbytje të papritura si pasojë e daljes nga shtrati të dy lumenjve. Autoritetet vendore deklaruan se një nga bashkitë më të prekura nga përmbytjet ishte ende e paarritshme për shkak të baltës në rrugë. Në Pamplonë dhe gara e demave në kuadër të festës së Shën Firminos u ndërpre si pasojë e kushteve atmosferike./ABC News Albania 24/7

Itali-1280x703.jpg
ad min17:50 | 05/05/2019

Moti i keq ka mbërthyer Italinë, duke shkaktuar përmbytje, dëme në infrastrukturë dhe incidente. Rajonet më të prekura kanë qenë Toskana dhe Marke, si dhe ishulli i Sardenjës. Ndërkohë, për shkak të motit një person ka gjetur vdekjen, ndërsa një tjetër konsiderohet i humbur.

Mot i ftohtë, me erëra dhe reshje ka përfshirë pjesën dërrmuese të Italisë të dielën e parë të muajit maj. Sipas mediave italiane, bëhet fjalë për një valë moti të keq që nga Europa veri-perëndimore po zhvendoset drejt Mesdheut, shoqëruar me një përkeqësim të kushteve atmosferike. Kështu, temperaturat në veri dhe në qendër të vendit fqinj kanë ardhur në rënie, ndërsa më të qëndrueshme kanë qenë në jug, me përjashtim të rajonit të Kampanias.

Sipas burimeve mediatike, erërat e forta kanë marrë tiparet e një cikloni me vorbulla, ndërsa detet që lagin çizmen kanë qenë të trazuar. Rajonet më të prekura kanë qenë Toskana dhe Marke, si dhe ishulli i Sardenjës, ku janë verifikuar përmbytje dhe dëme. Ndërsa në Veneto, reshjet e dëborës kanë mbuluar zonat malore. Moti gjithashtu i ka marrë jetën një turisti gjerman në Siçili, që pavarësisht kushteve të këqija kishte vendosur të dilte në det.

Ndërkohë, një automjet me 5 persona në bord ka përfunduar në një lumë në veri të vendit. Për fat të mirë 4 prej tyre kanë shpëtuar, ndërsa i pesti konsiderohet i humbur. Ekipet e shpëtimit po zhvillojnë kërkime për gjetjen e tij. Ndërkohë, rajonet e thella veriore, Alto Adixhe dhe Dolomiti janë prekur nga reshjet e dëborës, që kanë variuar nga 20 deri në 30 centimetra. Qytete të tjera të prekura janë Xhenova, si dhe Breshia, ku reshjet dhe erërat që frynin deri në 100 kilometra në orë kanë trazuar liqenin e Gardës. Nuk kanë munguar edhe incidentet hekurudhore. Treni i orës 8 e 40 i nisur nga Mantova për në Milano u përplas me një pemë që ishte rrëzuar mbi binarë. Për fat të mirë nga impakti nuk ka patur të lënduar./ABC News Albania 24/7

tragetet-durres-1280x711.jpg
ad min08:45 | 24/04/2019

Moti i keq ka ndikuar në lundrimin e mjeteve të pasagjerëve. Sipas informacionit te Autoriteteve Portale, mësohet se dy tragetët e linjës Durrës-Bari janë nisur shtate orë me vonës. Tragetët të cilët duhet të niseshin mbrëmë u nisen mëngjesin e sotëm dhe piritet që ata të mbërrijnë në Bari rreth orës 14.00. Në det të hapur gjatë natës dallgët arrinin deri në 9 ballë, dhe kjo e bëri të pamundur lundrimin. Edhe ne Vlorës Trageti i linjës Vlorë- Brindisi pritet të mbërrijë tre orë me vonesë./abcnews.al

Durrs-1280x760.jpg
ent ela13:55 | 10/04/2019

Reshjet e shiut kanë shkaktuar problem në Durrës dhe në Vlorë. Ndërsa në Currila vazhdojnë rrëshqitje të tokës, në Jug rrugët u mbushën me ujë. Uji vërshoi nëpër rrugët e qytetit të Vlorës. Reshjet gjatë natës në sasi të mëdha, shkaktuan përmbytje.

Rrjedha shkoi deri në katet e para të banesave dhe tek bizneset. Me problematike situata u bë në rrugën pranë Portit në Vlorës, pranë vendit te quajtur Albano dhe Romina por edhe në segmentin e hapur në bulevardin kryesor.

Probleme pati në lëvizjen e mjeteve dhe këmbësorëve. Në Durrës reshjet e dendura u shoqëruan me rrëshqitje të tokës në kodër Currila. Qarkullimi vazhdon të bëhet në njërin sens pasi tjetri është i pasigurt.

Kjo gjendje krijohet sa herë qyteti përfshihet nga moti i keq me reshje shiut. Të rrezikuar si pasojë e shkarjes se tokës mbeten edhe lokalet e ndërtuara rrëzë kodrës.

Përgjatë 8 viteve të fundit në këtë vend dy biznese dhe tre shtëpi u shembën, kurse shumë të tjera rrezikojnë si pasojë e erozionit të tokës. Investimi i pesë viteve më parë për frenimin e erozionit nuk kanë dhënë asnjë rezultat./abcnews.al

106064952_flood2afp.jpg
ent ela09:30 | 19/03/2019

Tre viktima, dy të zhdukur dhe mijëra persona të evakuuar nga shtëpitë e tyre; është ky bilanci ende i përkohshëm nga moti i keq që ka përfshirë ditët e fundit disa shtete amerikane. Sipas raportimeve të BBC, janë regjistruar përmbytje rekord dhe dalje të lumenjve nga shtrati për shkak të shirave të dendur dhe shkrirjes së borës në Ajoua dhe Nebraska./abcnews.al

albero-crollato.jpg
ent ela21:16 | 24/02/2019

Moti i keq ka shkaktuar viktima në Italinë fqinje. Deri më tani, sipas mediave italian kanë gjetur vdekjen 5 perona, katër në Lazio dhe një në Ischia. Dje një pemë pishe u rrëzua dhe zuri poshtë një makinë në Maremmana, në Guidonia, në krahinën e Romës. Shoferi i makinës, një rumun 46-vjeçar gjeti vdekjen. Në Alvito, në krahinën e Frosinones, një mur i lartë dy metra u rrëzua në Colle Mattarino. Katër pensionistë u përfshinë në aksident: dy prej tyre, një 71-vjeçar dhe një 73-vjeçar, vdiqën. Dy të tjerët, një 76-vjeçar dhe një 70 vjeçar, u plagosën. Një djalë 14 vjeç vdiq, ndërsa babai i tij po rregullonte kulmin e ndërtesës ku punonte, ka humbur ekuilibrin nga era e fortë duke rënë sipër djalit të tij. Ndërsa një gruaja vdiq sot në Ischia, e cila ishte e pastrehë dhe dyshohet të këtë ndërruar jetë nga i ftohti./abcnews.al

tragetet-1280x674.jpg
ent ela14:41 | 03/02/2019

Prej tre ditësh është i pezulluar totalisht lundrimi detar në Vlorë për shkak të motit te keq. Ndërsa në Durrës tragetet kanë mbërritur me disa orë vonesë. Nga era e forte në Vlore janë dëmtuar edhe shtyllat elektrike duke lënë pa energji disa zona të qytetit.

Moti i keq ka shkaktuar probleme në Vlorë. Lundrimi detar mbetet i pezulluar dhe trageti Vlorë – Brindisi vijon të qëndrojë në rade.

Po ashtu është paralizuar edhe lëvizja e anijeve të peshkimit. Pesë varka të vogla janë përmbytur në zonën e plazhit të Vjetër nga dallgët e mëdha.

Era e fortë rrëzoi edhe pemët në pyllin e Sodës duke bllokuar rrugën për rreth 45 minuta. Nga moti i keq janë dëmtuar edhe shtyllat që furnizojne me energji disa zona të Vlorës.

Ndërsa ekipet e OSHEE ndodhen në terren për riparimin e defekteve. Moti i keq në të dy anët e Adriatikut, shoqëruar me erë të forta ka sjellë anomali në lundrimin e trageteve të pasagjerëve.

Trageti i Ankones mbërriti në portin e Durrësit me tre orë vonesë, ndërsa dy tragetet e linjës Durrës-Bari u nisen  me 8 orë vonesë. Anijet tregtare dhe ato të peshkimit po qëndrojnë në kalatat përkatëse deri në përmirësimin e kushteve atmosferike./abcnews.al

C_2_fotogallery_3095093_7_image.jpg
ent ela08:00 | 03/02/2019

Moti i keq dhe reshjet e shiu ka mbërthyer Italinë. 280 persona janë evakuar dhe 6 punonjës të forcave të rendit kanë mbetur të plagosur në provincën e Bolonjës. Kjo si pasojë e daljes nga shtrati të lumit Reno. Nga ana tjetër autoritetet lajmërojnë se po i vijon aksioni në ndihmë të banorëve shtëpitë e të cilëve janë përmbytur nga uji.

Personat e evakuar u shpëtuan falë ndërhyrjes së një helikopteri të repartit të zjarrfikësve dhe po marrin mjekim në spitalin e zonës.

Në qytetin e Venezias uji ka arritur në113 cm mbi nivelin mesatar të detit. Niveli i lartë i reshjeve ka detyruar mbylljen e një pjese të autostradës në rajonin e Alto Adige.

Lumi Po ka rritur në 3 metra në rajonin e Emilia Romanjës, ndërsa në Romë, fryrja e lumit Tevere ka detyruar bashkinë të mbyll të gjitha hyrjet buzë lumit.

Përmbytjet nga shiu kanë shkaktuar dhe mjaft aksidente rrugore. Situata e motit të keq vazhdon të jetë në monitorimin e Drejtorisë së Mbrojtjes civile./abcnews.al

policia-1.jpg
ent ela11:15 | 02/02/2019

Policia italiane ka ndaluar tre shqiptarë, të cilët u kapën në posedimin e 50 kg hashash dhe pothuajse 1 kg kokainë. Shqiptarët e arrestuar nga autoritetet italiane janë:  Pandeli Prifti, Shqipëria i datëlindjes  01/04/1979,  Lulëzim Ndreu, i datëlindjes 04/14/1977 dhe Kujtim Rapushi Kujtim, i datëlindjes 26/04/1982.

Ata janë arrestuar në një vilë ku ishte edhe qendra e tyre e aktivitetit. Ndërsa lënda narkotike është zbuluar nga qentë anti-drogë në makinën që përdorej nga shqiptarët.

Tre shqiptarët janë arrestuar nga policia italiane në Ragusa. Sipas policisë, një nga shqiptarët e arrestuar mësohet se ishte në kërkim, pasi ishte dënuar nga gjykata me 3 vjet burg.

Duke tentuar t’i shmangeshin kontrolleve ai përdorte një kartë identiteti false me emrin e një greku. Shqiptarët janë dërguar në paraburgim, ndërsa policia ka nisur hetimet për të zbuluar nëse ka persona të tjerë të përfshirë dhe cili ishte destinacioni i drogës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono