helikopter

Kobe-Bryant-s-wife-Vanessa-sues-helicopter-company-after-crash-killed-NBA-hero-and-Gianna-1246735.jpg
So Nila09:20 | 25/02/2020

Më 26 janar, kampioni i basketbollit Kobe Bryant, vajza e tij 13-vjeçare, Gianna dhe 7 persona të tjerë humbën jetën në një aksident me helikopter.

Helikopteri i tyre qarkulloi për disa minuta në mjegull, duke u rrëzuar më pas në Los Angeles.

Vdekja tragjike e 9 personave hidhëroi mbarë botën, ndërsa bashkëshortja e Kobe, Vanessa, ka vendosur të merret personalisht me këtë çështje shkruan BBC.

Teksa po përpiqet të qëndrojë e fortë për vajzat e saj, ajo po mundohet gjithashtu të vendosë drejtësinë në vend.

Për këtë arsye, ajo ka hedhur në gjyq kompaninë e helikopterit ku fluturonte Kobe dhe e bija.

Në Gjykatën e Lartë të Los Angeles, ajo ka dërguar një padi prej 72 faqesh, ku akuzon kompaninë “Islan Express” për neglizhencë.

Vanessa pretendon të marrë një dëmshpërblim prej kompanisë dhe kjo e fundit të ndëshkohet ekonomikisht.

Ajo është shprehur se piloti po i jepte helikopterit me shpejtësi 180km/h në kushte të pafavorshme të motit dhe ka akuzuar kompaninë se nuk duhet ta kishte lejuar ngritjen e helikopterit.

Kjo padi është regjistruar vetëm pak orë para se njerëzit të mblidheshin për të mbajtur homazhe në “Staples Center” në Los Angeles./abcnews.al

collage-33.jpg
So Nila11:03 | 28/01/2020

Jo shumë kohë më parë, Lord Sugar i merrte për një udhëtim pompoz me helikopter fituesit e ‘Apprentice’, ndërsa lejonte BBC-në ta filmonte kur shkonte në takimet e biznesit me helikopter.

Kohët kanë ndryshuar. Pasi mësoi për përplasjen që vrau yllin e basketbollit, Kobe Bryant, plutokrati më i famshëm në vend ka lajmëruar se do të heqë dorë nga kjo mënyrë transporti alla-Bond.

Ai tani beson se helikopterët janë të pasigurt, duke e bazuar mendimin e tij tek njohja që ka për ‘fizikën’, por edhe te aksidenti i vitit 2018, që vrau presidentin e klubit Leicester, Vichai Srivaddhanaprabha , raporton abcnews.al

“Lajm i tmerrshëm”, tha ai për vdekjen e Bryant. “Edhe ajo që ndodhi me pronarin e Leicester vitin e shkuar, thjesht e kanë forcuar urrejtjen time ndaj helikopterëve. Më është dashur t’i përdor disa herë, por jo më shumë.

 

Shumë ekspertë të kolltuqeve duket se janë dakord. Në të vërtetë, thirrjet për autoritetet e fluturimeve që të rritet siguria e helikopterëve ishin trend dje në median sociale.

Disa vëzhgues madje sugjeronin se të gjithë pasagjerët duhet të pajisen me parashutë. Reagimi duket se është nxitur nga një seri katastrofash që kanë ndodhur.

Në vitet ’90, pronari i ekipit Chelsea, Matthew Harding humbi jetën kur helikopteri i tij u rrëzua në Cheshire për shkak të motit të keq.

Një dekadë më vonë, piloti i garave, skocezi Coli McRae vdiq bashkë me djalin e tij pesëvjeçar dhe dy miqtë nga një përplasje pranë shtëpisë së tij në Lanark. Një hetim zbuloi se ai po fluturonte ulët kur nuk ishte e nevojshme dhe e sigurt për ta bërë diçka të tillë, raporton abcnews.al

Të dy incidentet tërhoqën mbulim të gjerë për shkak të famës së viktimave. Siç ndodhi me një incident në vitin 2012, kur Paul McCartney për pak u përplas me helikopterin e tij kur piloti u çorientua.

 

Njësoj si ylli i basketbollit, Bryant, që po udhëtonte me një Sikorsky S-76, një model i prodhuar në vitet ’70 për t’u përdorur në industrinë e naftës.

Frika e publikur për sigurinë e helikopterëve është shtuar edhe për shkak të tragjedive me turistë. Tre të tilla ndodhën në Nju Jork, në Kanionin e Madh dhe në Australi brenda pak muajsh në vitin 2018.

Po ashtu ka një dyshim të frikshëm se mënyra se si fluturojnë helikopterët, i bën ata shumë të rrezikshëm , raporton abcnews.al

Atëherë cila është e vërteta?

Përgjigjia e drejtpërdrejtë është se kjo është çështje opinioni. Një përgjigje më e qartë është se gjithçka varet nga qasja që keni ju ndaj rrezikut, po ashtu edhe nga interpretimi i statistikave të ndryshme rreth numrit të aksidenteve.

Ndoshta shifra më e përfolur është ajo nga Administrata e Aviacionit Federal në SHBA, që po vazhdon  hetimet për vdekjen e Bryant. Ata tregojnë se helikopterët shkaktojnë 3.45 aksidente për 100 mijë orë fluturim dhe 0.93 fatale në vitin e fundit, sipas të dhënave. Në industrinë e aviacionit, shkalla e krahasueshme është 0.84 aksidente fatale.

Në vitet e shkuara, shifra ka qenë më e keqe- mes viteve 2000 dhe 2005, kishte 2.36 vdekje për 100 mijë orë fluturimi me helikopter.

 

David Gleave, një hetues i sigurisë ajrore, thotë: “Helikopterët kanë një shkallë më të lartë aksidentesh sesa avionët me krahë bazuar në orët e fluturimit. Por nëse i konsideron me milje, shkalla e aksidentëve është shumë më e lartë sepse ata nuk janë aq të shpejtë”.

Gleave i konsideron helikopterët si relativisht të rrezikshëm, por kjo nuk do të thotë se rreziku është në nivele të papranueshme. Ai ia atriubon rrezikun e rritur kompleksitetit teknik dhe pjesëve rrotulluese.

Por disa reflektojnë për faktin se helikopterët shpesh përdoren për të ndërmarrë udhëtime të rrezikshme, të papërshtatshme për avionët. Helikopterët shpesh përdoren në misione të kërkim-shpëtimit, të cilat ndodhin në kushte të vështira atmosferike.

Një tjetër shkak i aksidenteve janë edhe defektet teknike, siç ndodhi me pronarin e Leicester, ku një vidë që kontrollonte rotorin e bishtit të helikopterit, u këput , raporton abcnews.al

 

Për dallin nga avionët, që mund të ulen në mënyrë të sigurt edhe kur kanë probleme në motorr, një helikopter është e pamundur të pilotohet nëse rotori i bishtit, që e mban atë drejtë, ndalon së punuari. Megjithatë, është krejt e mundur që të shmanget tragjedia nëse dëmtohet rotori kryesor.

Julian Bray, një ekspert i aviacionit, thotë: “Mund të ulësh një helikopter edhe nëse nuk funksionon motorri. Rotori ngadalësohet, por nuk bie. Rotori i bishtit është i rrezikshëm, sepse pa të, helikopteri bëhet si një shufër”.

Duket e frikshme, por shanset që të ndodhë kjo, janë të pakëta. Dhe helikopteri mund t’ju dërgojë në vende të ndryshme, ku format e tjera të transportit nuk arrijnë me atë shpejtësi.

 

Me fjalë të tjera, nëse doni të udhëtoni me një helikopter, vihet në diskutim  pyetja e vjetër: analiza mes riskut dhe shpërblimit./abcnews.al

bryant-1.jpg
Autor E08:49 | 27/01/2020

Bota e basketbollit është e shokuar nga lajmi se legjenda e këtij sporti, Kobe Bryant, ka ndërruar jetë në një aksident me helikopter.

Shoku i tij më i mirë i skuadrës për shumë vite, Shaq O’Neal, ka reaguar me një shkrim emocional në Twitter për vdekjen e 41 vjeçarit.

“Nuk ka fjalë që përshkruan dhimbjen të cilën po kaloj në këtë momente me humbjen e shokut tim, vëllaut, partnerit tim në fitimin e atyre kampionateve. Të dua vëlla dhe do të më mungosh. Ngushëllimet e mija për familjen Bryant dhe familjet e të gjithë pasagjerëve që ishin në bord. Nuk kam fjalë”, shkuan ish-qendra e Lakers.

O’Neal dhe Kobe ishin shokë të mirë për shumë vite në Lakers, dhe fituan së bashku tre kampionate.

Në vitin 2005 O’Neal u largua nga Lakers pas mosmarrëveshjeve me Bryant. Të dy nuk folën me njëri tjetrin për disa vite.

Pastaj, pas përfundimit të karrierës së Shaq, të dy u bënë shokë përsëri dhe ky i fundit u pa në disa lojë të Bryant. /abcnews.al

b918adf9-402c-4485-b2b0-4189e6982c21-1.jpg
nev ila16:23 | 09/12/2019

Helikopteri i Forcave Ajrore ka mbërritur në Theth të Dukagjinit për t’i dhënë ndihmë efektivit të RENEA-s, Bledar Beluli, i cili u aksidentua ditën e sotme, duke përfunduar në një greminë.

Ministria e Mbrojtjes njofton se helikopteri po e transporton efektivin drejt Tiranës për mjekim të specializuar.

Ngjarja ka ndodhur sot paradite në malin e Zorgjit në Dukagjin.

Korespondeti i abcnews.al, Simon Shkreli tha se “oficeri Bledar Beluli ka rënë në greminë, teksa kishte dalë për alpinizëm”.

Mësohet se ai ka marrë plagë të rënda, në të dyja këmbët. Beluli ka rënë rreth 100 metër poshtë një shkëmbi në një terren tejet të thepisur që nuk lejon ecjen në këmbë dhe asnjë lloj veprimi tjetër./abcnews.al

inci-ripalta-3.jpg
ad min19:15 | 06/06/2019

Një 13-vjeçar shqiptar ka mbetur i lënduar si pasojë e një aksidenti të ndodhur sot në Bolzone. Ai po ecte me biçikletë dhe po shkonte në stërvitje për basketboll, kur një makinë e përplasi.  Adoleshentit të lënduar me inicialet A. A  i erdhi në ndihmë shoferi që e përplasi me makinë duke thirr ambulancën. Në vend, përveç nënës së djalit, kishte shkuar edhe policia rrugore, ambulanca, dhe një helikopter. 13-vjeçari u mor nga stafi mjekësor dhe u transportua me helikopter në spital. Mediat italiane nuk japin detaje për gjendjen e tij shëndetësore. Ndërsa autoritetet italiane po punojnë për zbardhjen e rrethanave të aksidentit./abcnews.al

 

shqiptari.jpg
ad min18:40 | 14/04/2019

Një 39-vjeçar shqiptar në Itali ka lënduar plagosur veten me thikë. Ngjarja ka ndodhur mesditën e sotme në Piane di Montegiorgio, pasi shqiptari i kishte ngulur thikën vetes në bark.

Familjarët të alarmuar menjëherë kishin kërkuar ndihmë dhe në vendngjarje kishte arritur ambulanca dhe një patrullë policore për të përcaktuar rrethanat e ngjarjes.

Në momentin kur stafi mjekësor kishte arritur në banesë kishin konstatuar se shqiptari kishte qenë vigjilent. Por gjatë transportimit për në spital gjendja e tij shëndetësore ishte përkeqësuar. Aty ishte dashur ndërhyrja e një helikopteri për ta dërguar më shpejt në spital. Aktualisht ai ndodhet në urgjencën e Spitalit Torrette në Ancona, në gjendje të rëndë shëndetësore. Ndërsa policia po punon për zbardhjen e rrethanave të ngjarjes./abcnews.al

35ffee207bb26207bd5423bca2a8a7b1.jpg
ent ela22:30 | 24/02/2019

Një shqiptar i Kosovës i identifikuar si Jeton N. 42-vjeç, është kapur nga policia në Austri gjatë një kërkimi në shkallë të gjerë, ku u desh edhe ndërhyrja me helikopter.

Ai akuzohet se ka plagosur dy rumunë, ku njëri prej tyre është në gjendje të rëndë. Ngjarja ka ndodhur në një kopsht shtëpie në Amstetten, të Austrisë.

42-vjeçari shqiptar i Kosovës goditi me pistoletë një 41 vjeçar rumun në stomak, si dhe plagosi lehtë një 25-vjeçar tjetër po rumun.

Pastaj Jeton N. u arratis, por u kap nga policia vetëm 70 minuta pas vrasjes. “60 zyrtarë dhe një helikopter policie ndërhynë në arrestimin e tij”, raportoi zëdhënësi i policisë Heinz Holub.

Të tre burrat e njihnin njëri-tjetrin. Dyshimet janë se sherri mund të ketë ndodhur për një femër ose për arsye parash. Aktualisht, pritet që i dyshuari të merret në pyetje dhe të zbulohet edhe motivi i kësaj ngjarje.

Por shqiptari nuk flet mirë gjermanisht dhe është kërkuar ndihma e një përkthyesi. 42-vjeçari nga rrethi i Shën Pölten është ende në paraburgim. 41-vjeçari rumun është operuar në spital dhe është në gjendje kritike, ndërsa 25-vjeçari u largua me lëndime të lehta./abcnews.al

C_2_fotogallery_3095093_7_image.jpg
ent ela08:00 | 03/02/2019

Moti i keq dhe reshjet e shiu ka mbërthyer Italinë. 280 persona janë evakuar dhe 6 punonjës të forcave të rendit kanë mbetur të plagosur në provincën e Bolonjës. Kjo si pasojë e daljes nga shtrati të lumit Reno. Nga ana tjetër autoritetet lajmërojnë se po i vijon aksioni në ndihmë të banorëve shtëpitë e të cilëve janë përmbytur nga uji.

Personat e evakuar u shpëtuan falë ndërhyrjes së një helikopteri të repartit të zjarrfikësve dhe po marrin mjekim në spitalin e zonës.

Në qytetin e Venezias uji ka arritur në113 cm mbi nivelin mesatar të detit. Niveli i lartë i reshjeve ka detyruar mbylljen e një pjese të autostradës në rajonin e Alto Adige.

Lumi Po ka rritur në 3 metra në rajonin e Emilia Romanjës, ndërsa në Romë, fryrja e lumit Tevere ka detyruar bashkinë të mbyll të gjitha hyrjet buzë lumit.

Përmbytjet nga shiu kanë shkaktuar dhe mjaft aksidente rrugore. Situata e motit të keq vazhdon të jetë në monitorimin e Drejtorisë së Mbrojtjes civile./abcnews.al

helikopterii-1280x714.png
ad min22:37 | 28/10/2018

Tronditje e madhe në Angli pas aksidentit të helikopterit të presidentit të Leisterit. Miliarderi nga Tajlanda besohet se ka humbur jetën së bashku me katër persona të tjerë.

Një tragjedi e rëndë për Premier Ligën dhe futbollin anglez. Presidenti i klubit të Leisterit, Srivad Dhanapraba, besohet se ka humbur jetën në aksidentin që pësoi helikopteri i tij, menjëherë pas ndeshjes së radhës në kampionat. Sipas zakonit, helikopteri u ngrit nga mesi i fushës, por u rrëzua fare pranë stadiumit, ndërsa besohet se pati defekt në motor. Mendohet se në bord ishin pesë persona, mes të cilëve edhe presidenti nga Tajlanda, ndërsa po ashtu besohet se askush nuk ka mundur të mbijetojë.

Zjarri që përfshiu helikopterin e ka bërë të vështirë identifikimin e asaj që ndodhi dhe të viktimave. Policia lokale ka bërë thirrje për durim, ndërsa ajo vazhdon hetimin, në bashkëpunim me agjenci të tjera të specializuara. Qindra tifozë të Leisterit mbajtën zi për presidentin e tyre, duke vendosur lule, ndërsa një minutë heshtje u mbajt në ndeshjet e së dielës në Premier Ligë. Miliarderi nga Tajlanda ishte president dhe pronar i Leisterit që nga viti 2010, ndërsa arriti të fitonte titullin kampion të Anglisë në 2016, duke shkaktuar një të papritur të madhe. Ai ishte 60 vjeç, dhe pasuria e tij vlerësohej në rreth 5 miliardë dollarë amerikanë./abcnews.al

one-use-only.jpg
ad min09:53 | 05/08/2018

18 persona kanë humbur jetën ditën e sotme në Siberi si pasojë e përplasjes së një helikopteri. Mjeti ajror sapo ishte ngritur në fluturim ku pësoi një përplasje më një tjetër helikopter të së njëjtës bazë. Ngjarja ka ndodhur në mënyrë të shpejtë duke e gjetur të pa përgatitur ekipin mjekësor.

Në bord ndodheshin në total 15 udhëtarë dhe 3 pjesëtarë të eukipazhit. Situata tragjike thuhet të jetë si pasojë e rastësisë, pasi kushtet klimaterike ishin të favorshme dhe piloti kishte 6000 orë eksperiencë pune.

Ky nuk është aksident i parë i ketij lloji në Rusi, pasi në shkurt të këtij viti një tjetër mjet ajror u u rrëzua 6 minuta pas nisjes së tij duke lënë të vdekur 71 persona./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono