grabitje
ger ta08:27 | 21/03/2020
Teksa i gjithë vendi është në urdhër karantine, një grabitje me armë ka ndodhur mbrëmjen e djeshme në Finiq. Burime për abcnews.al bëjnë të ditur se 3 persona të maskuar dhe të armatosur kanë hyrë në banesen e Jorgo Fanit, 65 vjec.
Pasi kane dhunuar ate dhe bashkëshorten dhe kthyer përmbys shtëpinë, autorët i kanë lidhur dhe janë larguar duke marre lekë dhe euro në shume totale rreth 2 mln të vjetra.
Çifti ka arritur të zgjidhet pas rreth 2 orësh dhe sot në mengjes ka njoftuar policine e cila ka shkuar ne vendngjarje. Sipas tyre, autorët flisnin shqip dhe pak greqisht. Policia ka shoqëruar dy persona dhe vijon hetimet për zbardhjen e plotë të ngjarjes. /abcnews.al
in a17:10 | 19/03/2020
Dy vëllezërit nga Elbasani Klement dhe Eldi Çala, të akuzuar si personat kryesorë që morën pjesë në grabitjen spektakolare brenda aeroportit të Rinasit, arrestohen pas 3 vitesh në kërkim. Mbi 300 forca policie nga Tirana, Durrësi, RENEA dhe ato FAST morën pjesë në megaoperacionin për kapjen e tyre.
Në orët e para të së enjtes, ata u kapën në një vilë luksoze në zonën e Golemit. Burime zyrtare të policisë konfirmuan për “ABC News” se këtë ambient, dy vëllezërit e kishin marrë me qira prej disa muajsh.
Gjurmimi i tyre u bë me metoda speciale të hetimit, pasi shpesh herë ata ndryshonin edhe vendbanimet. Në momentin e ndërhyrjes, Klement dhe Eldi Çalës iu sekuestruan 3 pistoleta, dy makina dhe dy motorrë, si dhe një shumë prej më shumë se 100 mijë eurosh.
Sipas policisë, paratë e gjetura të fshehura në pjesë të ndryshme të makinës, brenda garazhdit të vilës ku ata jetonin dyshohet të jenë ato të grabitura nga barku i avionit në 9 Prill të 2019-ës, ku mbeti i vrarë Admir Murataj, organizator i grabitjes.
Për këtë ngjarje policia vuri në pranga 7 persona. I pari që u arrestua ishte Alkond Bengasi, dëshmia e të cilit zbuloi edhe pjesëtarët e tjerë të grupit. Bashkë me të, blutë prangosën edhe të cilësuarin si ‘daja’ nga Kosova Ragip Hajdini, Elton Pikli, Renaldo Sulaj, Oltion Veseli, Saimir Çela dhe punonjësin e cargos në Rinas, Hasan Kanaçin.
Ky i fundit dyshohej të ketë informuar grabitësit për lëvizjen e blindave me para, por pas disa muajsh gjykata i caktoi masën detyrim paraqitje, duke e liruar nga qelia. Në paraburgim vijojnë të jenë të akuzuarit e tjerë.
Aktualisht, në kërkim vijon të jetë bashkëpunëtori i tyre Talo Çela, të cilit më herët OFL i dërgoi formularin për të justifikuar pasurinë.
Ndërsa në muajin Korrik, policia vuri në sekuestro pasurinë e dy vëllezërve Klement e Eldi Çala, e cila kapte vlerën e rreth 500 mijë eurove. Dy vëllezërit akuzoheshin edhe për grabitjen e blindave me para të ndodhur në 2017-ën në Qafë Kashar.
Për arrestimin e tyre reagoi edhe ministri i Brendshëm Sandër Lleshaj. Në një reagim në “Twitter” ai shkruan se kapja e vëllezërve të shumëkërkuar shënon luftën kundër krimit të organizuar./abcnews.al
Vladimir Prenga09:59 | 15/03/2020
Familja e Jan Vertonghen është tmerruar në mesjavë, pasi katër persona të maskuar dhe të armatosur janë futur në shtëpinë e mbrojtësit belg të Tottenham. Duke ditur që ai ishte në Gjermani, duke luajtur ndeshjen e Champions League kundër RB Leipzib, grabitësit kanë mësyrë në shtëpinë e tij.
Rreth orës 20:00 ata kanë hyrë brenda dhe aty ndodhej bashkëshortja e Vertonghen, Sophie De Vries, dhe fëmijët e mbrojtësit, djalë e vajzë. Normalisht ata kërkuan për para dhe bizhuteri, për t’u larguar më pas nga shtëpia. Gjatë kohës së grabitjes ata kanë mbajtur nën kërcënim familjar e Vertonghen me thika dhe hanxharë.
“Express” raporton se Sophie De Vries ka qenë e tmerruar dhe ka ndjekur udhëzimet e grabitëvse, që kanë marrë edhe disa objekte elektronike. Policia po heton dhe ka marrë në pyetje banorët e zonës, ndërkohë që klubi i Tottenham po i qëndron pranë Vertonghen dhe familjes së tij.
Besohet se bëhet fjalë për një grup që gjuan rastin kur lojtarët janë duke luajtur ndeshje dhe vërshojnë drejt shtëpive të tyre. Mamadou Sakho e ka provuar në kurriz më parë, teksa i vodhën sende me vlerë 500 mijë sterlina, ndërkohë që ai ishte duke luajtur me Crystal palace kundër Southampton në transfertë. /abcnews.al
R D20:30 | 24/02/2020
Burrë e grua nga fshati Çermen i Dibrës janë dhunuar nga 6 grabitës të cilët pasi i rrahën u vodhën sendet me vlerë. Zonja e shtëpisë tregon se i kanë thyer brinjët dhe gishtin, ndërsa kryefamiljari ka shenja të dukshme në fytyrë. Ata kërkojnë që policia të gjejë sa më parë autorët.
Mbrëmjen e së dieles 6 grabitës hynë me forcë në banesen e familjes Dulja në fshati Çermen të Maqellarës në Dibër. Gjysmë të maskuar me kapuçat e xhupave ata kanë dhunuar me grushta dhe shtrirë në tokë çiftin që jetojnë vetëm në banesë.
“Ja grafitë më kanë thyer gishtin dhe më kanë shembur brinjët”, thotë ajo. “Na qëlluan me grushte nuk kishin armë, na shtrinë në tokë dhe na qëllonin”, shprehet më tej cifti i dhunuar.
Duke qënë se çifi nuk kishte para në banesë grabitësit e dhunëshëm morën bixhuterië e florinjta dhe celularët e tyre. Siç tregon zonja e shtëpisë ata kërkuan ndihmën e fqinjëve për të njotuar policinë pasi dhe telefonat ja u vodhën.
Policët e Maqellarës shkuan në banesën e tyre në kohë, po ende nuk është gjetur asnjë nga grabitësit. Pas kësaj ngjarje që s’do t’ju shlyhet nga kujtesa për shumë kohë, zonja i kërkon policisë të zbardhe ngjarjen dhe të prangose autorët.
Sakaq, policia mblodhi disa kuti bixhuterish për të testuar shenjat e gishtave me qëllim grumbullimin e ndonjë prove të mundshme për gjetjen e autorëve të dhunës dhe grabitjes të të moshuarve. /abcnews.al
eri Ida15:41 | 18/02/2020
Policia italiane ka vënë në pranga dy shqiptarë të cilët akuzohen për vjedhje. Ndalimi i dy shqiptarëve që njihen ndryshe si “banda e Krishtlindjeve”, është bërë këtë të martë.
Mediat fqinje bëjnë me dije se të arrestuarit janë Mario Kishta, 21-vjeç, banues në provincën e Kremones dhe Isuf Fisti, 32-vjeç, banues në Reggio Emilia. Sipas autoriteteve italiane shqiptarëve pas kontrollit të ushtruar nga policia në shtëpitë e tyre u gjetën dhe sekuestruan sende të ndryshme (bizhuteri dhe para të gatshme), si dhe mjete të ndryshme që nevojiteshin gjatë vjedhjes.
Hetimi kundër bandës filloi pasditen e 17 dhjetorit të fundit kur portat komunale të Rubieras, të pajisura me kamera, vërtetuan hyrjen e një Ford Kuga të vjedhur në një shtëpi në Sant’Ilario më 14 dhjetor 2019.
Duke supozuar se makina ishte përdorur për kryerjen e vjedhjeve, ushtria filloi hulumtimin dhe monitorimin e makinës, duke mbledhur prova të dobishme që më vonë lejuan, që arrestimet të bëhen sot. Gjithashtu mediat italiane bëjnë me dije se aktiviteti hetimor ka konstatuar se përdoruesit, nën festat e Krishtëlindjes, kanë qenë midis Reggio Emilia dhe Mantua, duke kryer vjedhje në shtëpitë nga të cilat vodhën para, bizhuteri dhe kompjuterë./abcnews.al
nev ila10:06 | 14/02/2020
Policia e Tiranës ka njoftuar se është vënë në pranga një 20 vjecar pasi po planifikonte të kryente grabitje me armë pranë një marketi në Laknas.
Policia ka rënë në gjurmët e 20 vjecari pas një informacioni se një person ishte duke lëvizur në Laknas me çantë shpine dhe biçikletë.
Pas lokalizimit të 20 vjeçarit nga policia, u ushtrua kontroll fizik. Gjatë kontrollit u gjet, një armë automatik Kallashnikow me krëhër me 17 fishekë, që 20 vjeçari kishte planifikuar ta përdorte gjatë grabitjes.
Policia ka bërë të mundur arrestimin e autorit, ndërkohë po punon për zbulimin edhe të autorëve të tjerë, që mund të jenë përfshirë.
Njoftimi i policisë:
“Policia parandalon vjedhjen me armë të një marketi.
Finalizohet operacioni policor “Laknasi”.
Kapet në flagrancë 20-vjecari, i cili po planifikonte të vidhte me armë në një market, në Laknas.
Sekuestrohet në cilësinë e provës materiale një armë zjarri kallashnikov.
Në vijim të punës për parandalimin e vjedhjeve, kapjen dhe arrestimin e personave që tentojnë të kryejnë vjedhje me dhunë e armë, në orët e mbrëmjes së datës 13.02.2020, Seksioni i Policisë Kriminale të Komisariatit të Policisë Nr. 5 Tiranë ka marrë informacion në rrugë operative se në Laknas, një shtetas 20-vjeçar qarkullonte në orët e pasdites, me biçikletë, duke mbajtur me vete një çantë shpine, brenda së cilës dyshohej se mund të kishte armë zjarri.
Bazuar në këto informacione është organizuar, zhvilluar dhe finalizuar operacioni policor i koduar “Laknasi”.
Shërbimet e Policisë, gjatë operacionit kanë bërë të mundur lokalizimin e vendndodhjes dhe identifikimin e shtetasit të dyshuar, i cili qarkullonte me një biçikletë dhe në çantën e shpinës kishte një armë zjarri kallashnikov. Në momentet që ky shtetas po përgatitej të hynte në një market në Laknas, shërbimet e Policisë kanë ndërhyrë duke e prangosur në flagrancë shtetasin K. K., 20 vjeç, banues në Laknas.
Gjate kontrollit fizik atij i është gjetur në çantën e shpinës, një automatik model 56, me një krehër me 17 fishekë.
Vijon puna në bashkëpunim me Prokurorinë, pasi dyshohet se ky shtetas mund të jetë autor edhe i disa tentativave të tjera për vjedhje me armë, të ndodhura më parë në Tiranë.
Materialet i referohen Prokurorisë së Rrethit Gjyqësor Tiranë, për hetime të mëtejshme, për veprën penale “Armëmbajtja pa leje”, për të cilën parashikohet dënimi me burgim deri në 7 vjet”./abcnews.al
in a16:20 | 11/02/2020
Familjarët e Rexhep Tereziut, që mbeti i plagosur gjatë një tentative grabitje, ende janë të shokuar. Për ngjarjen e mbrëmjes të së hënës në Durrës, i ati i 42 vjeçarit, tregon për abcnewsa.l se nga plumbat mund të ishin rrezikuar edhe fëmijët.
“Ai qëlloi , u afrua dhe djali i nipçes dhe i qëlloi edhe atij”, tregon i ati.
I shokuar nga ngjarja e rëndë, babai i Rexhepit, Adem Tereziu rrëfen se si djali i tij u plagos në derën e shtëpisë.
“Duken edhe njollat e gjakut, nuk e di se si ka shpëtuar. E kam në kujtesë akoma, kishte frike të futej në makinë”, tha më tej ai.
Pas identifikimit të bërë nga policia të autorit të dyshuar Astrit Thaçi, ky i fundit vijon të jetë në kërkim. Babai i Rexhepit thotë se me familjen e 27 vjeçarit njihen.
“I kemi respektuar, i ati i tij kishte dyqan këtu, e vlerësonim si familje të mirë”, tregoi ai.
Kurse e para që është përballur me grabitësin ishte kunata e Rexhepit, Kimete Tereziu. “Pistoletën nuk e pashë ai qëlloi jashtë, kishte çorape në kokë dhe doreza”, tregon ajo.
Mbrëmjen e së hënës banorët e zonës së Plazhit në Durres u tonditën nga të shtënat me armë, kur 27-vjeçari Astrit Thaçi hyri i armatosur në banesën e Rexhep Terziut.
Pasi grabitësi u zbulua, Rexhepi e ka ndjekur dhe në ambientet e jashtë Thaçi ka shtënë katër herë me armë. Një prej plumbave e kapi në këmbë. Ai u dërgua në spital ku ndodhet jashtë rreziku për jetën.
100 metra larg vendit të ngjarjes policia gjeti makinën e përdorur nga autori. Gjatë kontrollit të ushtruar nga uniformat blu brenda mjetit është gjetur edhe një sasi lënde narkotike.
Burime për “ABC News” bëjnë me dije se 27-vjeçari dyshohet të jetë edhe autori i grabitjes së pikës së kredidhënies të shtunën në qytetin e Durrësi. Ndërkohë, i riu ka qenë i dënuar më parë në shtetin italian, por edhe në Shqipëri./abcnews.al
R D21:32 | 10/02/2020
Rexhep Tereziu 42-vjeç, banor i lagjes nr. 13, zona e plazhit në Durrës, mbeti i plagosur në këmbë mbrëmjen e sotme. Gazetari i Abc News, Leonidha Musaj ka mësuar nga burimet policore se 42-vjeçari është qëlluar me armë nga një grabitës i maskuar dhe i armatosur.
Rexhep Tereziu ka dëgjuar zhurmë tek shtëpia dhe ka dalë menjëherë në oborr për të parë se çfarë po ndodh. Ai është përballur me një person të armatosur që kishte shkuar për të grabitur. 42-vjeçari i ka kërkuar të largohet, por grabitësi ka qëlluar dy herë në ajër dhe 1 herë drejt personit, duke e lënë të plagosur në këmbën e djathtë.
Aktualisht Tereziu është i shtruar në spital, jashtë rrezikut për jetën. Policia e Durrësit ka mbërritur në vendin e ngjarjes dhe po punon për kapjen e autorit.
Njoftimi i policisë
Më datë 10.02.2020, rreth orës 20:30, në lagjen Nr.13 Plazh, një person ende i paidentifikuar, ka hyrë për të vjedhur në banesën e shtetasit R.T.
Në tentativë për të vjedhur por që është diktuar nga të zotët e banesës, personi ka plagosur në këmbë jashtë rrezikut për jetën të zotin e banesës shtetasin R.T, 42 vjeç, i cili ndodhet në spital jashtë rrezikut për jetën.
Personi nuk ka mundur të kryejë vjedhjen por është larguar me shpejtësi.
Shërbimet e Policisë kanë mbërritur menjëherë në vendngjarje, dhe vijon krehja e zonës për të bërë të mundur kapjen e autorit
Janë ngritur pika kontrolli dhe me lëvizje për të kontrolluar dhe identifikuar personat e dyshuar
Grupi hetimor ndodhet në vendngjarje ku po administron çdo provë sado të vlefshme që do ti shërbejnë zbardhjes së ngjarjes, identifikimit dhe kapjes së autorit./abcnews.al
*Pamjet nga vendi i ngjarjes
Autor E13:01 | 10/02/2020
Një 35 vjeçar shqiptar është arrestuar nga policia greke gjatë ditës së sotme në zonën e Neo Manoladas. Shqiptari akuzohet për një krim të tmerrshëm të kryer disa ditë më parë në këtë zonë.
Mediat greke raportojnë se 35 vjeçari hyri në një shtëpi për të grabitur para teksa aty gjendeshin dy gra, njëra 53 vjeçe dhe nëna e saj 73 vjeçare.
Mësohet se fillimisht ai ka përdhunuar 53 vjeçaren duke i kërkuar që t’i jepnin paratë që kishin në shtëpi, raporton abcnews.al.
Dy gratë i kanë dhënë 500 euro, por këto nuk mjaftuan për grabitësin, i cili ka vënë në veprim një plan tjetër.
Shqiptari ka marrë 53 vjeçaren për dore duke e drejtuar për tek shtëpia e fqinjëve në mënyrë që ajo të kërkonte borxh tek ata dhe paratë t’ja jepte atij.
“Kam vendosur një bombë në shtëpi dhe do ta shpërthej”, mësohet ti ketë thënë ai gruas teksa e dërgonte tek fqinjët për të kërkuar para borxh.
Pas krimit, ai u zhduk ndërsa gratë njoftuan policinë. Kjo e fundit e arrestoi duke hipur në një autobus që nisej për në qytetin e Kallamatas. Shqiptari do të akuzohet për një mori krimesh si grabitje, përdhunim dhe pengmarrje. /abcnews.al
R D18:24 | 08/02/2020
Mesditën e së shtunës në Akrocorinthos të Korinthit, policia greke plagosi dy shqiptarë, të dyshuar si grabitës.
Sipas mediave greke, policia kishte në vëzhgim prej kohësh shqiptarët, e dyshuar për disa vjedhje në zonë, ndaj sot ishte vënë në ndjekje të tyre. Policia u ka bërë thirrje të ndalonin, por tre shqiptarët kanë hapur zjarr nga makina me të cilën udhëtonin.
Policia është përgjigjur me zjarr dhe ka lënë të plagosur, 2 prej 3 personave që ndodheshin në automjet. Njëri prej të plagosurve është duke marrë mjekim në spitalin e Thriasios ndërsa tjetri në atë te Korinthit.
Media greke, zougla.gr raporton se gjatë tentativës për t’i ikur policisë, njëri prej grabitësve u përpoq të shpëtonte duke u hedhur nga një shkëmb.
Nga hetimet paraprake, policia dyshon se kjo bandë kishte kryer një grabitje në bankë në Kalamata gushtin e kaluar. Brenda makinës së autorëve, policia gjeti një kallashnikov dhe po vazhdojnë kontrollet për arrestime të tjera. /abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
18:40 | 30/03/2020
