ftohet

67302089_212511606333183_3365122724845322240_n.jpg
ad min14:10 | 23/07/2019

Pas marrjes së votëbesimit nga qytetarët edhe për një mandat të dytë në krye të Bashkisë së Tiranës, Erion Veliaj është ftuar në Shtetet e bashkuara të Amerikës për të prezantuar Tiranën dhe projektet transformuese të saj.

Kryebashkiaku do të hapë Kongresin vjetor me temë “Qytete që rriten me gjelbërim”, ku marrin pjesë mbi 1.000 kryetarë bashkish dhe menaxherë qytetesh nga 200 bashki të Shteteve të Bashkuara të Amerikës dhe të Kanadasë.

Rasti i Tiranës është përzgjedhur si një histori suksesi, ku transformimet kanë përfshirë gjithë territorin, por edhe kanë mobilizuar çdo grupmoshë, nga adoptimi i kopshteve dhe i konvikteve, tek mbjellja e pemëve dhe krijimi i parqeve të reja në Tiranë, Farkë e Kashar.

Veliaj thekson se ndonëse ka ende shumë punë për të bërë, kur shqiptarët mobilizohen bashkarisht, mund të bëjnë transformime që bien në sy. “Tirana nuk është perfekt, ka ende shumë punë! Por, jam krenar që kur ne shqiptarët mobilizohemi i madh e i vogël, bëjmë transformime që bien në sy! Namin tonë në botë e kemi në dorë vetë – mjaft të vazhdojmë me punë e përkushtim”, shprehet ai.

Plani Vendor për Tiranën 2030, transformimi i Sheshit “Skënderbej” dhe fokusi tek investimet urbane për krijimin e “Pyllit Orbital” përreth qytetit, kanë tërhequr vëmendjen edhe të drejtuesve të qyteteve të tjera dhe të urbanistëve në të gjithë botën.

Në vitet e fundit, konferenca “Greater & Greener” ka tërhequr folës dhe liderë nga mbi 20 vende, duke përfshirë kryebashkiakun e qytetit të Nju Jork-ut, Michael Bloomberg, kryebashkiakun e San Franciskos, Ed Lee, Guvernatorin e Kalifornisë, Gavin Newsom etj./abcnews.al

Veliaj-ne-panelin-Green-Cities-ne-Londer-1-1280x720.jpg
ad min18:30 | 04/07/2019

Pas rikonfirmimit si kryebashkiak i Tiranës, Erion Veliaj ftohet dhe merr garancinë nga BERZH për vijimin e investimeve në kryeqytet edhe 4 vitet e ardhshme. Veliaj shpalosi para të pranishmëve në Londër edhe punët e kryera nga Bashkia e Tiranës si dhe objektivat e saj në të ardhmen e afërt.

BERZH do të vijojë të mbështesë më tej investimet në Tiranë. Lajmin e bëri të ditur kryebashkiaku I Tiranës, Erion Veliaj teksa u ftua nga BERZH në Londër, pas rikonfirmimit për mandatin e dytë

Në takimin për “Qytetet e Gjelbra” në Londër, Veliaj tha se Tirana është vlerësuar si një ndër qytetet model për transformimin që ka pësuar, veçanërisht sa i përket gjelbërimit.

Erion Veliaj, kryetar i Bashkisë Tiranë: “Jam shumë i lumtur që fillojmë këtë mandat të dytë energjik në Tiranë me një vizitë tek partnerët tanë të BERZH-it, ku Tirana është cilësuar si një ndër qytetet model për transformimin që ka pësuar, kryesisht me iniciativat tona të gjelbra, duke filluar nga Pylli Orbital, diçka që nisi si me shaka, një pemë këtu, një pemë atje, por tani është bërë një lëvizje ngjitëse tek fëmijët e çdo familjar që është përfshirë në gjelbërimin e Tiranës”.

Veliaj gjatë takimit me partnered e BERZH në Londër u shpreh se ka ardhur koha që fokusi i Bashkisë të jetë tek furnizimi me ujë të pijshëm 24 orë

Erion Veliaj, kryetar i Bashkisë Tiranë: “Si klientë të BERZH-it, që financohemi për rrjetin tonë të ujit, jam shumë i lumtur që brenda këtij mandati zgjidhëm të gjithë problematikën që kishim me rrjetin e kanalizimeve të ujërave të zeza, me kreditorët tanë japonezë rifillojmë së shpejti aty, kurse me kreditorët tanë të BERZH po bëjmë dyfishimin e impiantit të Bovillës dhe dyfishimin e furnizimit të ujit në Tiranë. Kaluam në mandatin e parë nga 6 orë në 14 orë; ka ardhur koha që nga 14 orë në 24 orë dhe besoj se ditët më të mira edhe për ujin në Tiranë, i kemi përpara”.

Kryebashkiaku Veliaj evidentoi në takimin e organizuar nga BERZH progresin e bërë në pastrimin dhe gjelbërimin e Tiranës, ndërtimin e rrjetit ujësjellës, mbjelljen e 250 mijë pemëve nga 2 milionë që është objektivi deri në 2030, ndërtimin e 40 km korsi të dedikuara për biçikleta dhe ndërtimin e 46 këndeve për fëmijë./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono