doreheqja

KRONIKE-KLGJ.mpg_snapshot_00.16-1280x720.jpg
ent ela17:38 | 04/11/2019

KLGJ ka relatuar në mbledhjen e sotme se stoku i Gjykatës së Lartë deri më 30 qershor 2019 është 32106 mijë dosje që presin radhën për t’u shqyrtuar, numër që pritet të rritet pasi Gjykata Supreme është jashtë funksionit. KLGJ ka miratuar dorëheqjen e gjyqtarit Agim Bendo, në prag të vettingut. Gjyqtari ka theksuar se po dorëhiqet për arsye shëndetësore.

Këshilli i Lartë Gjyqësorë në mbledhjen esotme të  diskutoi mbi raportin periodik në lidhje me veprimtarinë e gjykatave.

Anëtarja Brunilda Kadi relatoi se deri më 30 Qershor të këtij viti në Gjykatën e Lartë, janë 32106 çështje stok, ndërkohë që numri vijon që të rritet, pasi gjykata supreme është jashtë funksioni. Kadi propozon të merren masa paraprake nga KLGJ, të cilat do të ndihmojnë në shqyrtimin e sa më shumë çështjeve në momentin kur Gjykata e Lartë të jetë funksionale.

Anëtarja e KLGJ theksoi se probleme me zvarritjen dhe dosje stok ka edhe në gjykata të tjera, duke ju referuar konkretisht Gjykatës Administrative të Apelit Tiranë ku numërohen rreth 7000 mijë dosje, ndërsa Gjykata e Tiranës ka mbi 500 dosje të zvarritura tej afateve të arsyeshme. Këshilli i lartë Gjyqësor ka miratuar dorëheqjen e Gjyqtarit të Gjykatës së Apelit Agim Bendo.

Gjyqtari në kërkesën për t’u liruar nga posti është shprehur se do të largohet për arsye shëndetësore, por në fakt Bendo ka dhënë dorëheqjen në prag të Vettingut, pasi verifikimet kanë nisur që gjatë muajit shtator të vitit 2018,  ndërsa do të përballej me Komisionin e Pavarur të Kualifikimit në muajin Dhjetor. Agim Bendo ka patur në gjykim mjaft çështje të rendësishme, si dosjen për “21 janarin”,  Dosja e “Hakmarrja për Drejtësi”, si dhe çështjen e Bankës së Shqipërisë. /abcnews.al

 

 

 

MALI-I-ZI-DORHEQJE-ABCM4T2.mpg_snapshot_00.10-1280x720.jpg
ent ela20:40 | 01/11/2019

Ministri për Zhvillim dhe Turizëm i Malit të Zi, Pavlle Radulloviq, dha dorëheqje, pas shfaqjes së një videoje, e cila tregonte inspektorë të ministrisë së tij duke marrë ryshfet nga një biznesmen.

Televizioni malazez Vijesti transmetoi një video, e cila çoi në dorëheqjen e ministrit malazez për zhvillim dhe turizëm. Në video dëgjohen inspektorët duke kërkuar para nga një burrë, i cili dëshiron të vazhdojë ndërtimin e një ndërtese në qytetin e Budvës, edhe pse i ka skaduar leja, raportoi Evropa e Lirë.

Kur njëri nga inspektorët pyet: “A i keni sjellë?”, biznesmeni i supozuar thotë se i ka vetëm 5,000 euro, edhe pse shuma totale që është kërkuar thuhet se ka qenë 20,000. “M’i jepni nën tryezë”, dëgjohet pastaj inspektori. Ministri Radulloviq – në këtë detyrë qysh në vitin 2016 – njoftoi në një konferencë për media se do të japë dorëheqje për shkak të incidentit.

“Unë nuk kam arritur ta zhduk këtë lloj sjelljeje”, tha ai dhe shtoi se procedurat disiplinore tashmë kanë nisur. Korrupsioni dhe krimi i organizuar janë dy nga sfidat më të mëdha, me të cilat përballet Mali i Zi – vend që synon të bëhet anëtar i Bashkimit Evropian. /abcnews.al

 

kryeminittri-libani-1280x742.jpg
nev ila16:21 | 29/10/2019

Kryeministri i Libanit Saad Hariri ka dhënë dorëheqjen nga posti i tij si pasojë e protestave të dhunshme që kanë tronditur vendin.

Ai u shpreh se ishte e domosdoshme një kthesë e fuqishme për të zgjidhur krizën në vend.

Gjatë deklaratës së tij të transmetuar drejt për së drejti në televizionin kombëtar ai sqaroi se dorëheqja e tij vinte pas kërkesave të protestuesve në rrugët e Libanit:

“Qëndrimet politike shkojnë e vijne, dinjiteti dhe siguria e vendit janë më të rëndësishme,” përfundoi ai./abcnews.al

edi-rama-ps-1280x687.jpg
nev ila11:52 | 21/10/2019

Ka përfunduar mbledhja e kryesisë së Partisë Socialiste. Pas takimit me anëtarët e kryesisë në selinë e Partisë Socialiste, kryeministri Rama ka dhënë edhe një prononcim për median, ku ka deklaruar se nuk do të japë dorëheqjen ashtu si kolegu maqedonas, pasi nuk ka arsye për ta bërë këtë. Rama gjithashtu tha se po vazhdohet puna normalisht për reformat, dhe kushtet që ka vendosur Gjermania, për rrugën drejt integrimit.

“Kemi parë ecurinë e procesit kemi dakordësuar garën e grave të PS, kemi votuar për pro. Ky proces përbën një risi të rëndësishme, pasi ne jemi partia më e votuar nga gratë dhe vajzat në këtë parti. Ne themi “Kur duhet bërë muhabet, bëhet me burrat, kur duhet pune, bëhet me gratë”.

Kemi diskutuar për temën e ditës, lidhur me mos marrjen e vendimit të merituar për Shqipërinë ,dhe natyrisht që kemi rënë dakord që kjo nuk ndryshon asgjë në trajektoren e qeverisë tonë. Në ditët në vijim kam një sërë komunikimish me presidentin e Francës dhe një sërë drejtuesish të tjerë të vendeve anëtare për të kuptuar ecurinë e mëtejshme të procesit. Në aspektin praktik jemi të qartë, duhet të vazhdojmë punën pasi edhe pse kemi marrë një jo ne duhet të ecim përpara me reformën zgjedhore duke reflektuar të gjithë rekomandimet e osbe odihr dhe me gjithë pikat e vendosura nga bundestagu gjerman.

E farë duhet të them unë, s’ka asgjë të re ata kanë punuar shumë fort dhe nuk ka lënë gjë pa bërë për të dështuar procesin. Duke marrë mbështetjen e kancelares qoftë Maqedonia dhe Shqipëria si rezultat i një përplasjeje të brendshme në BE. Sot është materializuar ajo që kam paralajmëruar përpara disa kohësh pra një konflikt brenda bashkimit evropian. Detyrat tona të shtëpisë janë të qarta si  e shikoni dielli ka dalë përsëri dhe dita jonë vazhdon përsëri. Reforma zgjedhore do e bëjmë me të gjithë ata që duan të marrin pjesë në proces. Në parlament në dijeninë time ka një opozitë dhe ka një karrige bosh për kolegët tanë të opozitës jashtë parlamentit. Ne do vazhdojmë procesin“, tha Rama./abcnews.al

JORIDA-TABAKU-1280x853.jpeg
ad min16:00 | 19/09/2019

Partia Demokratike ka reaguar pas dorëheqjes së drejtoreshës së Autoritetit Rrugor Shqiptar, Sonila Qato nga detyra. Ish-deputetja demokrate, Jorida Tabaku paralajmëroi se Partia Demokratike do të publikojë ditën e nesërme prova të skandalit që detyroi Qaton të dorëhiqet nga detyra.

Tabaku  thekson se me vendimin e dorëheqjes së funksionarës së tij, Edi Rama po përpiqet të mbulojë skandalet dhe aferat korruptive që kanë ndodhur muajt e fundit.

“Edi Rama po përpiqet të mbulojë luftën e egër që ka plasur mes grupeve në PS me shpresën se gjyqi i Tahirit do të bëjë të harrohet skandali i Sonila Qatos, i Belinda Ballukut dhe i kompanive me të cilat, Rama, bashkë me to, vjedh shqiptarët! Asgjë nuk do të harrohet! Çdo aferë korruptive do t’i bëhet e njohur publikut”, ka deklaruar Tabaku./ABC News Albania 24/7

QATO-JEP-DOREHEQJEN-MBULIM.mpg_snapshot_00.03-1280x720.jpg
ent ela15:23 | 19/09/2019

Sonila Qato dorëhiqet nga posti i Drejtoreshës së Autoritetit Rrugor Shqiptar. Këtë vendim Qato e ka bërë të ditur përmes një postimi në facebook ku shpjegon dhe arsyet e dorëheqjes.

“Vetëm pak ditë më parë jam akuzuar nga një kompani lidhur me një procedurë, të cilën unë e gjykoj plotësisht të drejtë dhe ligjore. Kjo situatë më ka vendosur në një pozitë të vështirë në raport me detyrën. Nga njëra anë më duhet të përballem me akuzat dhe procesin ligjor që shfaqen në vorbullën e pafundme të çudirave mediatike dhe nga ana tjetër duhet të administroj punën e përditshme dhe projektet infrastrukturore, pjesë e kësaj pune është edhe kompania që akuzon.”

Drejtuesja e Autoritetit Rrugor Shqiptar akuzon median për spekulim mbi procedurat e ndjekura për këtë rast dhe shprehet e keqardhur, pasi thotë se është në pamundësi normaliteti në një punë që s’ka as orar dhe as ditë pushimi, sepse kërkon angazhim ekstrem mendërisht e fizikisht.

“Prandaj me mirënjohjen e sinqertë për Kryeministrin e vendit, i cili jo vetëm më besoi këtë detyrë të rëndësishme, por edhe më krijoi kushte të pavarësisë së plotë në drejtimin e institucionit, ndjeva sot detyrimin moral t’u bëj me dije dorëheqjen nga detyra që më është ngarkuar.”

Qato thotë se është e gatshme që eksperiencën e saj ta vërë në dispozicion të çdo detyre tjetër që i kërkohet, ndërsa detyrën aktuale e ka të pamundur ta vazhdojë. /abcnews.al

 

 

mustafa-nanoo.jpg
ad min20:11 | 17/09/2019

Në monologun e kësaj të marte në emisionin “Provokacija”, gazetari Mustafa Nano u ndal tek Presidenti Ilir Meta. Fillimisht ai theksoi se nisma e Partisë Socialiste për të shkarkuar presidentin është e gabuar.

Për më tepër, sipas Nanos, kjo nismë është e pamundur për t’u vënë në jetë. Kjo pasi edhe nëse mund të gjejnë numrat për ta votuar në Kuvend, mungon Gjykata Kushtetuese e cila thotë fjalën e fundit në këtë çështje.

Sipas Nanos, mendohet se Gjykata Kushtetuese mund të krijohet në gjysmën e parë të vitit tjetër, por deri atëherë çështja e Metës mund të jetë ftohur. Moderatori i “Provokacijas” thotë që nuk është e çuditshme që Meta dhe Rama të kenë rregulluar marrëdhëniet që tashmë.

“Ndoshta në gjysmën e parë të vitit tjetër dhe deri atëherë mund të ndodhin shumë gjëra. Fjala vjen, çështja Meta mund të jetë ftohur fare dhe askush nuk do gjejë arsye për ta ringrohur, për të mos thënë që Meta mund t’i ketë rregulluar telat me Ramën. Ju duket e çuditshme kjo e fundit? Hiç mos ju duket e çuditshme. Çudi duket nëse kjo nuk ndodh”, tha Nano.

Më tej, Nano thotë se Meta ka gabuar në çdo gjë, duke përfshirë edhe dekretet për zgjedhjet lokale.

“Dekreti i dytë që çdekretoi të parin ishte një mufkë kolosale”.

Por sipas Nanos, Meta ka dhe gabime të tjera, të cilat e bëjnë moderatorin të mendojë se ai është presidenti më i keq që ka pasur Shqipëria në vitet e tranzicionit.

“Sjellja e tij presidenciale është në përgjithësi e gabuar. Ai është bërë njësh me njërën palë dhe i ka shpallur luftë totale palës tjetër. Me këtë na ka kthyer në vitet e para 1990, ku Presidenti ishte edhe lojtar në fushën e lojë. Shembulli i Metës është më i keq se i Berishës në atë kohë sepse Berishës ia njihte Kushtetuta që të luante për njërën palë. Metës nuk ia njeh. Shkurt, Meta është presidenti më i keq që kemi pasur 30 vitet e fundit, përfshirë edhe Ramiz Alinë”, tha Nano.

Këshilla e Mustafa Nanos për Metën është dorëheqja. Sipas Nanos, Meta nuk pyetet për asgjë pasi për dekretin e fundit të gjithë u sollën sikur të mos ekzistone.

“Nuk është për atë punë. Ka shkuar në vendin gabuar. Të bësh Metën president është si të më bësh mua kryetar të Komunitetit të Myslimanëve. Ne praktikisht nuk kemi president”, tha Nano./abcnews.al

BRITANI-ZHVILLIMET.mpg_snapshot_00.01-1280x720.jpg
ent ela23:00 | 09/09/2019

Procesi i Breksit ka çuar në zhvillime të papritura në Mbretërinë e Bashkuar. Kryetari i Parlamentit ka dhënë dorëheqjen, ndërsa mbretëresha Elizabeth ka firmosur ligjin që ndalon daljen e vendit nga BE pa një marrëveshje.

Kryetari i Dhomës së Përfaqësuesve në Mbretërinë e Bashkuar, Xhon Berkou ka deklaruar se do të japë dorëheqjen në zgjedhjet e ardhshme, ose më 31 tetor kur është dhe data e Breksit. Duke folur në Parlament, Berkou tha se drejtimi i tij 10-vjeçar ndodhej pranë fundit dhe u shpreh se për të kishte qenë një nder dhe privilegj të shërbente në këtë detyrë. “Nëse nuk do të ketë zgjedhje të parakohshme, atëherë 31 tetori do të jetë data më demokratike dhe më pak përçarëse për të dhënë dorëheqjen”, tha Berkou. Ish-ligjvënësi konservator pasoi në këtë detyrë Majkëll Martin në vitin 2009. Ai është përballur me kritika nga deputetët pro-Breksit, të cilët kanë vënë në dyshim paanshmërinë e tij ndaj çështjes dhe e kanë akuzuar se ka lehtësuar përpjekjet e ligjvënësve që kundërshtojnë një largim pa marrëveshje, që pak kohë më parë i morën kontrollin e Parlamentit qeverisë. Dorëheqja e Berkou vjen pak orë pasi mbretëresha Elizabeth nënshkroi ligjin që ndalon një Breksit pa marrëveshje. Ligji ishte promovuar nga fronti kundër linjës së kryeministrit Boris Xhonson, i cili kërkon ta nxjerrë Mbretërinë e Bashkuar nga Unioni me çdo kusht. Ligji, që synon t’i imponojë kryeministrit kërkesën për një shtyrje të daljes nga BE-ja përtej 31 tetorit në rast se nuk arrihet një marrëveshje me Brukselin, me firmën e monarkes hyri në fuqi. Por në një reagim, zyra e Xhonson deklaroi se ai do ta çojë deri në fund procesin e Breksit. “Kryeministri është shumë i qartë kur thotë se do ta nxjerrë vendin nga BE-ja më 31 tetor. Ai nuk do të shkaktojë më vonesa të panevojshme”, thuhet në një deklaratë. /ABC News Albania 24/7

 

thumbnail_31.07.2019.2-600x360.jpg
nev ila16:30 | 31/07/2019

Pas dorëheqjes së Ramush Haradinajt nga posti i Kryeministrit, Presidenti i Kosovës, Hashim Thaçi është shprehur i gatshëm të shpallë zgjedhjet e jashtëzakonshme.  Ai u takua me kryetaren e Komisionit Qendror të Zgjedhjeve Valdete Dakën.

Ende asnjë lëvizje nga partitë politike e as nga krerët e institucioneve rreth situatës së krijuar pas dorëheqjes së Ramush Haradinajt nga posti i kryeministrit.

I vetmi takim që është mbajtur sot është ai i kryetares së KQZ-së, Valdete Daka, me presidenti Hashim Thaçi.

Të dy diskutuan për afatet kushtetuese për mbajtjen evententuale të  zgjedhjeve të jashtëzakonshme dhe buxhetin.

“U diskutua për afatet kushtetuese në qoftë se mbahen zgjedhjet. Ato janë çështje që diskutohen pasi të shpallen zgjedhjet. Nëse shpallen KQZ-ja kërkon mjetet e nevojshme nga qeveria dhe vendoset për buxhet sepse ky muaj ka qenë vit zgjedhor dhe nuk e kemi pas buxhetin e nevojshëm”, u shpreh Daka.

Daka tha se nuk është folur për datën e zgjedhjeve, ndërsa pas dorëheqjes së Haradinajt të gjitha partitë janë deklaruar pro mbajtjes së zgjedhjeve të jashtëzakonshme e kundër një qeverie teknike./ABC News Albania 24/7

BELGAIMAGE-78277555.jpg
nev ila14:46 | 20/07/2019

 

Bashkimi Europian nuk komenton dorëheqjen e Ramush Haradinajt, pas ftesës që ka marrë nga Gjykata Speciale për të dëshmuar në Hagë si i dyshuar.

E pyetur nga agjencia serbe e lajmeve, zëdhënsja e BE-së, Maja Kocijancic, tha se Brukseli është në dijeni për vendimin e Haradinajt për të lërnë postin e kreut të Qeverisë.

“Në këtë moment nuk kemi ndonjë koment”, theksoi ajo.

Ramush Haradinaj dha dorëheqjen të premten, dy muaj pa i mbushur dy vjet të Qeverisë së ndërtuar nga AAK-ja, PDK-ja, NISMA e AKR-ja.

Haradinaj dha dorëheqjen pas ftesës nga Gjykata Speciale, e cila është krijuar për të ndjekur ish-udhëheqësit e UÇK’së të dyshuar se kanë kryer krime lufte./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono