doreheqja
nev ila18:00 | 03/03/2020
Pas problemeve disa mujore për drejtimin e grupit parlamentar demokrat, Rudina Hajdari ju ka dhënë zgjidhje tensioneve duke rishpërndarë postet.
Ajo nuk dorëzon kryesimin e grupit, por ka lënë një prej detyrave që mban deri tani. Në një letër drejtuar kryetarit të Kuvendit Gramoz Ruci, Rudina Hajdari kërkon të mos jetë më kryetare e Komisionit të Integrimit, por në vend të saj të jetë deputeti tjetër demokrat, Halit Valteri.
Po ashtu, grupi parlamentar demokrat kërkon që edhe kryesimi i komisionit të edukimit dhe medias, që drejtohet nga opozita të ndryshojë.
Tani komisioni drejtohet nga Fatjona Dhimitri, por Hajdari propozon të zëvendësohet me deputetin Halit Valteri.
I vetmi komision që nuk ndryshon, është ai i Shëndetësisë.
Gjithësesi, për këto ndryshime nuk mjafton vetëm vullneti i Rudina Hajdarit.
Kuvendi vendos me votë drejtimin e komisioneve parlamentare dhe përbërjen e tyre./abcnews.al
Igli Nikolli15:32 | 24/02/2020
Ndryshime pankine në Superiore. Humbja e fundit në Shkodër i ka dhënë fund durimit të Nikolin Çoçllit dhe ai ka dhënë dorëheqjen nga roli i trajnerit të Luftëtarit. Çoçlli bëhet trajneri i katërt që largohet nga drejtimi i bluzinjve këtë sezon pas Klevis Dalipit, Klodian Duros dhe Giorgios Marantas. Diçka më pak se dy muaj ka qëndruar në pankinën e skuadrës së gurtë 51-vjeçari, i cili i ka dhënë fund kësaj aventure me vetëm dy barazime kundër Kukësit dhe Teutës.
“Nuk do të jem më trajner i Luftëtarit. Kam paraqitur dorëheqjen për shkak të rezultateve të fundit“, ka konfirmuar Çoçlli largimin e tij në një prononcim për Panorama Sport dhe klubi jugor ka gjetur menjëherë pasuesin e tij. Ai është Neritan Novi, i cili ka mbuluar rolin e zëvendës trajnerit gjatë këtij sezoni.
Ndeshja e radhës në Superiore është përballë Laçit në shtëpi dhe Novi do të debutojë në stolin e Luftëtarit në përballjen me bardhezinjtë e Cungut. Luftëtari renditet në vend të parafundit me vetëm 13 pikë dhe është 18 pikë larg zonës “play-out”. /abcnews.al
ger ta09:56 | 31/01/2020
Kreu i Kuvendit të Kosovës, Glauk Konjufca ka folur për herë të parë për kërkesën e LDK-së që ai të dorëhiqet nga pozita e kryeparlamentarit, në mënyrë që të arrihet marrëveshja e koalicionit.
I pyetur nga mediat se a do të largohet nga posti i kryeparlamentarit, për t’i hapur rrugë formimit të koalicionit, Konjufca është përgjigjur se nuk është koha e dorëheqjeve, por e emërimeve.
“Nuk mendoj që në Kosovë është koha e dorëheqjeve, unë mendoj që që është koha e emërimeve”, tha Konjufca.
Konjufca është emëruar në postin e kreut të Kuvendit në seancën konstituive të 26 dhjetorit. Ndërkaq, ditën e sotme u vendos që seanca për votimi e qeverisë së re në Kosovë do të jetë më 3 shkurt./abcnews.al
nev ila11:37 | 06/12/2019
Pas kalimit të detyrës së Prokurorit të Përgjithshëm Olsjan Celës ka dhënë dorëheqjen edhe shefja e kabinetit të Prokurorisë së Përgjithshme Alketa Zifla. Nuk dihen deri më tani arsyet e kësaj dorëheqje.
Dorëheqja e Ziflës vjen menjëhërë pas emërimit të Olsian Çelës në krye të Institucionit të akuzës. /abcnews.al
nev ila20:35 | 01/12/2019
Kryetarja e bashkisë së Durrësit Valbona Sako ka dhënë dorëheqjen. Ky vendim erdhi pas mijëra reagimeve dhe komenteve në opinion për dy deklarata të bëra dje prej saj.
Një ditë pasi në dy ekrane të ndryshme bëri dy deklarata që ngjallen jo pak pakënaqësi në opinion dhe komente, kryetarja e bashkisë së Durrësit Valbona Sako ka dhënë dorëheqjen. Lajmin e ka bërë të ditur vetë zonja Sako në rrjetin social Facebook.
“E lënduar nga reagimi i madh negativ ndaj një prononcimi që bëra, nën një stres që i kalon fuqitë e mia, jap dorëheqjen nga detyra e Kryetares së Bashkisë Durrës. Falënderoj nga zemra të gjithë ata që më besuan dhe shpresoj në mirëkuptimin e të gjithëve”.
Po cilat ishin deklaratat, gafa, që lëshoi kryebashkiakja e re, e zgjedhur vetëm 5 muaj më parë. Njërën prej tyre e bëri në një intervistë për gazetaren e ABC Neës Ajgena Korbi.
“Qytetari paraqitet në Bashkinë e Durrësit, krijohet një lëvizje të organizuar me transport dhe i çojmë në pikat e akomodimit që janë hotele me kushtet më të mira, janë hotele me 5 yje, që në kushte normale zotërinjt nuk mund ti paguanin për pushime“, tha Sako për ABC News.
Ndërsa në një tjetër intervistë për Top Channel zonja Sako u shpreh se ishte e kënaqur me 50 viktima.
“Për hir të së vërtetës, duhet ta themi që ky ishte një tërmet shkatërrimtar, por duhet ta themi që, duhet të jemi të kënaqur edhe me 50 viktima, sepse në raste të tjera kanë qenë mbi 1000 viktima”.
Pas paraqitjes së dorëheqjes prej saj, Këshilli Bashkiak i Durrësit caktoi në krye të bashkisë nënkryetarin e Bashkisë, Zhuljen Varfaj./abcnews.al
nev ila18:00 | 01/12/2019
Pas komandimit të Zhyljen Varfit në krye të Bashkisë së Durrësit, Partia Demokratike, thotë se bashkia tashmë iu rikthye sërish Vangjush Dakos. Dega e PD në Durrës e akuzon Varfin si njeriun e tenderave korruptive qe akoma s’jane mbyllur ne prokurori.
“Sot kemi anarki totale ne administrimin e qytetit se per vite te tera nuk i eshte sherbyer interesave te qytetareve, por vetem te grupeve kriminale. Kjo eshte arsye qe sot askush nuk eshte ne gjendje te sherbeje dhe jemi ne kushtet e ç’organizimit ku kudo qytetaret, ne te gjitha lagjet e qytetit, na thone se askush nuk i ka kontaktuar”, thuhet në reagimin e Ferdinand Xhaferrit, kreut të PD-së në Durrës./abcnews.al
nev ila17:35 | 01/12/2019
Këshilli Bashkiak në Durrës ditën e sotme vendosi Zhylien Varfaj Kryetar të Bashkisë së Durresit. Emërimi i tij erdhi pas dorëheqjes së papritur të Kryebashkiakes së zgjedhur në 30 qershor, Valbona Sakos mëngjesin e sotëm.
Valbona Sako njoftoi ditën e sotme dorëheqjen për shkak të stresit që kishte përjetuar orët e fundit, si pasojë e deklaratave të saj në media.
Por siç shihet në foto, ABC News ka mësuar se, në ambientet e Bashkisë së Durrësit, sot ka qenë i pranishëm edhe ish-kreu i kësaj Bashkie, Vangjush Dako.
Nuk dihet se për cilën arsye Dako, ka qenë i pranishëm aty, pas emërimit të kryebashkiakut të ri./abcnews.al
ger ta12:00 | 01/12/2019
Në Durrës kryeministri Edi Rama është pyetur nga gazetarët për dorëhqjen e Valbona Sakos nga posti i kryetares së bashkisë.
Sako njoftoi dorëheqjen e saj sot në mëngjes, e cila argumentonte se vendimi vinte pas deklaratave të saj për tërmetin ditën e djeshme.
Ndërkohë, lidhur me këtë vendim të Sakos, Rama ka refuzuar të japë një përgjigje konkrete, ndërsa u ka kërkuar gazetarëve të mos merren me histori anësore.
“Ajo që mendoj se është me rëndësi, është që në këto momente të jepni sa më shumë energji pozitive. Mos të merremi me këto histori anësore. Ju jeni heronj në terren, por ata që ju drejtojnë me telefon nga redaksitë dhe të mbledhin në darkë lloj lloj sharlatanët, sepse njerëzit janë të tmerruar. Një nga gjeneratorët e tmerrit janë ekranet e debateve pa kuptim. Janë ekrane ku jepen kronika sikur në çdo shtëpi ka rënë bomba. Ndaj është misioni juaj që të thoni; nuk ka rëndësi fare nëse ka plasur apo jo muri, por rëndësi ka që a është prekur apo jo struktura, a janë prekur apo jo kolonat? Nëse nuk na ndihmoni, mos na e bëni punën të vështirë duke hedhur helm dhe duke mbjellë mërzi dhe duke krijuar mërzi. I luajtët mëndsh njerëzit. Jo ju që jeni këtu në terren, por përmes ekraneve”, është shprehur ai./abcnews.al
Igli Nikolli09:17 | 25/11/2019
Samuel Nikaj mori në verë drejtimin e Lirisë së Prizrenit me objektiv rikthimin e bardhezinjve në IPKO Superligën e Kosovës. Trajneri shkodran, një mjeshtër i ngjitjes së ekipeve një kategori më lart, ka vendosur të ndërpresë bashkëpunimin me klubin dardan.
Me anë të një postimi në rrjetet sociale, Nikaj ka zyrtarizuar ndarjen me ekipin nga Prizreni. 42-vjeçari ka dhënë dorëheqjen dhe një veprim të tillë e shpjegon me faktin që nuk janë realizuar pritshmëritë e tij.
Nikaj e mbylli këtë aventurë pas 7 fitoreve, 4 barazimeve dhe po kaq humbjeve. Liria renditet në vend të dytë të divizionit të dytë të futbollit dardan dhe është vetëm një pikë larg kreut.
POSTIMI I PLOTË
“Pas përfundimit të xhirove të para , me 7 fitore, 4 barazime dhe 4 humbje, duke mbledhur 25 pikë , që për pritshmëritë e mia janë shumë pak, marr krejt pergjegjesitë dhe dorëhiqem , duke e lënë klubin ende në luftë për vendin e parë, pasi që janë vetëm 1 pikë larg. I falënderoj pa përjashtim për këto 6 muaj të kaluar tek Liria (nje klub i madh) te gjithë bashkëpunëtorët , që nga kryetari, drejtori, stafi jem i ngushtë dhe ekonamat. Ju uroj suksese ne vazhdim“. /abcnews.al
nev ila12:47 | 22/11/2019
Partitë dhe lëvizjet opozitare në Serbi kërkojnë dorëheqjen e presiudentit Vuçiç dhe te kabinetit të tij. Kërkesa u bë pasi Universiteti i Beogradit konfirmoi se ministri i Financave kishte bërë plagjiaturë doktoratën e tij.
Pasi rektorja e Universitetit në Beograd, Ivanka Popoviç, konfirmoi se Ministri i Financave Sinisa Mali kishte bërë plagjiaturë doktoraturën e tij dhe se hapat e ardhshëm do të çonin në anulimin e disertacionit të doktoraturës së tij, shumë parti dhe lëvizje opozitare kërkuan dorëheqjen e ministrit, si dhe të gjithë qeverisë.
Partia e Re po kërkon publikisht që Mali të japë menjëherë dorëheqjen dhe që e gjithë qeveria serbe, si dhe presidenti serb, të bëjnë të njëjtën gjë.
Presidenti i lëvizjes “Së bashku për Serbinë”, Nebojsa Zelenovic, i kërkoi kryetares së Parlamentit serb, Maja Gojkovic, të caktojë një seancë të jashtëzakonshme brenda 24 orëve, në mënyrë që Ministri i Financave Sinisa Mali të mund të shkarkohej.
Presidenti i Aleancës për Serbinë, Janko Veselinovic, deklaroi se “e vetmja mundësi është që Mali dhe e gjithë qeveria të japin dorëheqjen”.
Presidenti i Lëvizjes së Qytetarëve të Lirë, Sergej Trifunovic, vlerësoi se vendimi i Komitetit të Etikës së Universitetit të Beogradit ishte përgjigja institucionale “më e fortë dhe më e rëndësishme” ndaj “rënies morale që ka përfshirë të gjitha segmentet e shoqërisë”./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
