BSH
ger ta16:54 | 13/02/2020
Ritja ekonomike gjate 2020 do të të jetë më e vogël e ndikuar direkt nga tërmeti i 26 nëntorit. Banka e Shqipërisë ka publikuar një analizë të efekteve dhe ku pritet të goditet ecuria ekonomike me rreth 0.6%.
Në raportin e politikës monetare për tremujorin e parë të këtij viti theksohet se është e vështirë të vlerësohet me saktësi se cila do të jetë kohëzgjatja e efekteve të tërmetit. Ulja e rritjes ekonomike kombinon reduktimin e të ardhurave nga turizmi dhe ngadalësimin e shpenzimeve të konsumatorëve në kushtete rritjes së pasigurisë.
Turizmi në këto qarqe parashikohet të reduktohet për shkak të dëmtimit të strukturave përkatëse dhe të efekteve psikologjike tek pushuesit, vendas dhe të huaj. Analiza e Bankës së Shqipërisë evidenton se efektet afatshkurtra të tërmetit pritet të jenë negative dhe për inflacionin i cili parashikohet të pësojë një tjëtër ulje me rreth 0.3%. Ndërsa pritet një rritje e defiçitit .
Sipas BSH shtesa në deficitin e qeverisë për vitin 2020, e planifikuar pas ndodhjes së tërmetit, është rreth 10 miliard lekë, ku 7 miliard lekë parashikohet të financohen nëpërmjet rritjes së huamarrjes në tregun e brendshëm. Në planin afatmesëm,efektet e tërmetit në ekonomi parashikohet të ndikohen, ndër të tjera, dhe nga vëllimi e formae financimit të procesit të rindërtimit, si dhe nga kohëzgjatja e shpërndarja e tij në kohë.
Banka e Shqipërisë e lidh efektin e tërmetit në ekonomi edhe me faktin se në Durrës dhe Tiranë janë të përqëndruara bizneset më të mëdha në vend të cilat kanë pësuar dëme.
Ndërkohë për të stimuluar ekonomikë Banka Qendrore ka paralajmëruar lehtësim të politikës monetare në muajt në vijim edhe pse norma e interest është minimumin historik prej 1%.
/abcnews.al
R D15:17 | 06/02/2020
Ish-ministri i Financave Arben Malaj mori pjesë në seancën e parë gjyqësore në Gj. Administrative të Tiranës. Ai ka paditur Kuvendin e Shqipërisë dhe Bankën e Shqipërisë për shkarkimin nga detyra si anëtar i bordit të BSH-së.
Teksa dilte nga gjykata bashkë me avokatin, Arben Malaj tha se qeveritarët duhet të mbajnë përgjegjësi për vendimet e tyre, pasi jo vetëm cënojnë integritetin e personit por edhe mbjellin frikë për të mos thënë fjalën e lirë. Edhe herë të tjera ai ka deklaruar se shkarkimi ka qenë hakmarrje e Edi Ramës.
I pyetur nga gazetarët nëse shpreson nga gjykata se do të bëjë drejtësi, ai tha se “unë nuk paragjykoj asnjë strukturë dhe do ta ndjek këtë çështje deri në Gjykatën Eurpiane. Qeveritarët duhet të mbajnë përgjegjësi, duhet të zbatojnë pavarësinë e institucioneve dhe të mos mbjellin frikë tek njerëzit”.
Ndërsa avokati Jordan Daci shprehu besim se kauza e drejtë do të fitojë. “Ka një një abuzim të hapur antiligjor dhe antikushtetues nga ana e institucioneve, ndaj kemi besim se do të fitojmë gjyqin”, tha ai.
Avokati theksoi se “më habiti qendrimi i Bankës Shqipërisë, pasi nuk paraqiti dokumentet që janë përdorur si justifikim për shkarkimin e Malajt”.
Nga ana tjetër Kuvendi i Shqipërisë që është palë në këtë proces nuk u paraqit në seancë. “Kuvendi nuk solli përfaqësues edhe pse vrapoi për të më të shkarkuar”, tha Malaj.
Z. Malaj dhe avokati i tij kërkojnë nga gjykata shfuqizimin e vendimit dhe shlyerjen e pagave deri në fund të mandatit në bordin e BSH-së./abcnews.al
So Nila16:39 | 05/02/2020
Guvernatori i Bankës së Shqipërisë, Gent Sejko, ka deklaruar se tërmeti i 26 nëntorit ka pasur ndikim negativ edhe në rritjen ekonomike.
Dejko përmes një deklarate për mediat është shprehur se ky ndikim negativ pritet të mbartet edhe gjatë viti 2020, ndërsa shtoi se pritet që procesi i rindërtimit të japë një ndikim pozitiv, por që do të jetë vonë në kohë dhe jo mjaftueshëm për të ulur sa duhet ndikimet negative.
“Tërmeti i 26 nëntorit pati një ndikim negativ në rritjen ekonomike, ky ndikim pritet të mbartet edhe gjatë 2020. Dëmtimi i ambienteve të bizneseve, rritja e pasigurisë. Procesi i rindërtimit pritet të japë një ndikim pozitiv. Por pritet të jetë i vonë në kohë dhe jo mjaftueshëm i fortë për të ndikuar efektet negative. Eksportet shqiptare do të vijojnë të përfitojnë nga sektori i turizmit. Tregjet financiare janë të qeta, kursi i këmbimit paraqitet i qëndrueshëm,” tha ai.
Ndër të tjera në fjalën e tij gurvernatori Sejko ka theksuar ndër të tjera se Këshilli Mbikëqyrës vendosi të mbajë të pandryshuar normën bazë të interesit në 1%.
“Tejkalimi i pasojave të tërmetit pritet t’i hapë rrugë një rritje më të shpejtë të ekonomisë. Këto parashikime kanë një dozë të shtuar pasigurie, që lidhet me mungesën e një parashikimi të saktë mbi ndikimet e tërmetit. Këshilli Mbikëqyrës vendosi të mbajë të pandryshuar normën bazë të interesit në 1%. Këshilli Mbikëqyrës konstaton se mbeten rreziqet e kahut të poshtë”, është shprehur Sejko./abcnews.al
ad min18:15 | 07/08/2019
Guvernatori Gent Sejko paralajmëroi se nëse ekonomia e eurozonës do të vazhdojë në rënie dhe do të ketë një shtim të rreziqeve në vend nisur nga zhvillimet politike, Këshilli Mbikëqyrës do të ulë më tej normën e interesit të lekut.
Banka e Shqipërisë mund të bëjë sërish një lëvizje lehtësuese në politikën monetare, duke ulur nën nivelit 1% normën bazë të interesit të lekut.
Alternativën për të vepruar e la të hapur guvernatori Gent Sejko, gjatë një konference për shtyp pas mbledhjes së Këshillit Mbikëqyrës, duke ia faturuar këtë masë shtimit të pasigurive në ekonominë vendase dhe forcimit të rreziqeve.
Kreu i Bankës Qendrore tha se rritja ekonomike përgjatë këtij viti do të jetë e ngadalësuar, ndërsa vetë Banka ka shtyrë pritshmërinë për rikthimin e nivelit të inflacionit në objektiv në fund të vitit të ardhshëm.
Lidhur me forcimin e lekut në këtë periudhë, Këshilli Mbikëqyrës i Bankës së Shqipërisë vlerëson se zhvillimet në kursin këmbimit kanë ardhur për shkak të rritjes së ofertës së valutës gjatë sezonit turistik./ABC News Albania 24/7
ad min19:40 | 03/07/2019
Për herë të parë Banka e Shqipërisë ka bërë pjesë të deklaratës monetare konstatimin se zgjatja e situatës politike problematike godet aktivitetin ekonomik të vendit. Gjatë konferencës për shtyp guvernatori Gent Sejko tha se aktualisht nuk po ndërhyhet për stabilizimin e kursit të këmbimit e se niveli i valutave në treg është normal, ndërsa faktorët janë sezonalë.
Banka e Shqipërisë kërkon që të zgjidhet sa më parë situata politike ku ndodhet vendi në mënyrë që të mos goditet aktiviteti ekonomik i vendit.
Guvernatori i bankës qendrore Gent Sejko ishte duke lexuar deklaratën e Këshillit Mbikëqyrës kur tha se zgjatja e kësaj krize dëmton klimën e biznesit duke dhënë pasoja në zhvillimin dhe rritjen e ekonomike. Kjo është hera e parë pas disa muajsh që Këshilli Mbikëqyrës vendos një konstatim të tillë në deklaratën e politikës monetare.
Për Bankën e Shqipërisë forcimi i monedhës kombëtare në këtë periudhë, duke rrëzuar euron dhe dollarin lidhet me efekte sezonale e se për momentin banka nuk e sheh të arsyeshme ndërhyrjen, pasi nuk përbën rrezik për nivelin e inflacionit.
Aktualisht euro këmbehet me 122 lekë dhe dollari me 108. Një vit më parë banka qendrore injektoi një program ndërhyrjeje në treg me qëllim frenimin e rënies së euros, program i cili ende nuk është pezulluar dhe mund të përdoret në momentin që kursi do të ndikojë te inflacioni vjetor. Këshilli Mbikëqyrës edhe në këtë mbledhje vendosi të mbajë të pandryshuar normën bazë të interesit të lekut në 1%, duke vlerësuar se kushtet për dhënien e kredisë nga ana e bankave në këtë periudhë janë të kënaqshme./ABC News Albania 24/7
ent ela19:05 | 06/02/2019
Ekonomia do të vijojë rritjen. Parashikimi vjen nga Guvernatori i Bankës së Shqipërisë Gent Sejko sipas të cilit pritet rritje e punësimit dhe nivelit të kredisë.
Banka e Shqipërisë ka një skenar optimist sa i përket rritjes eknomike të vendit. Këtë e bëri të ditur Guvernatori Gent Sejko, pas mbledhjes së Këshillit Mbikqyrës. Ai njoftoi gjithashtu se norma bazë e interesit mbetet e pandryshuar në 1%.
Sejko: “Ekonomia do të rritet tre vitet e ardhshme, punësimi gjithashtu”.
Nxitur nga konsumi, eksportet dhe prodhimi i energjisë ekonomia shqiptare u rrit me 4.25% tre mujorin e tretë të vitit të shkuar. Kjo rritje sipas Guvernatorit të Bankës së Shqipërisë vijoji dhe në tremujorin e katërt, por me ritëm më të ngadaltë.
Sa i përket kursit të këmbimit Sejko pohoi se leku do të vijojë të mbiçmohet ndaj valutës edhe gjysmën e dytë të vitit.
Sejko: “Efekti i mbiçmimit të lekut do të jetë i pranishëm edhe gjatë 6 muajve të parë të 2019, por do të shuhet në pjesën e dytë të vitit”.
Sipas Guvernatorit bankat po karakterizohen nga nivele të mira likuiditeti ndërsa kredia ka shfaqur shenja rigjallërimi. Stoku i kredisë e zhveshur nga efekti i kursit të këmbimit dhe fshirjet e bankave nga bilancet pësoi rritje me 5.9%./abcnews.al
ent ela16:07 | 28/09/2018
1/ 3 e familjeve shqiptare sipas Bankës së Shqipërisë kanë marrë një kredi në bankë. Tremujorin e dytë të vitit 10 deri në 30 % të buxhetit të familjes e kanë çuar për shlyerjen e saj.
Rreth 1/ 3 e familjeve shqiptare e nisin muajin duke shlyer huatë që kanë marrë, kryesisht ndaj bankave. Për këtë destinojnë 10 deri në 30% të buxhetit familjar. Banka e Shqipërisë doli në këtë përfundim pasi pyeti rreth 1200 familje në të gjithë vendin për të testuar qëndrueshmërinë e tyre financiare përgjatë muajve prill, maj, qershor.
Rreth 28% e familjeve treguan se kanë kredi për të paguar.
Rreth 60% e huamarrësve deklaruan se “aftësia e tyre paguese” nuk ka ndryshuar, ndërsa pjesa tjetër u shprehën për përkeqësim të situatës financiare krahasuar me gjashtë muaj më parë.
Banka e Shqipërisë vëren rritje të nivelit të ardhuarve dhe shpenzimeve, ndërkohë që këto të fundit kanë qenë më të theksuara.
Pavarësisht qëllimit të marrjes së huasë 35% e familjeve treguan se tepricën e kanë përdorur për blerje apo riparim prone, 41% për zhvillimin e një biznesi dhe 5% për konsum.
Në 84% të rasteve kredia është marrë në lekë, ndërsa në 16% e kanë tërhequr në monedhën europiane.
Më pas ai përformoi hitet e dy albumeve mes yjesh dhe after party. Publiku u argëtua nën tingujt e këngëve të Dren Abazit për afro 90 minuta. /abcnews.al
ent ela16:56 | 11/04/2018
Banka Europiane për Rindërtim dhe Zhvillim thote se ndërmarrjet e vogla nuk po e zgjerojne aktivitetin, ndonëse Shqipëria e ka rritur ekonominë veçanërisht gjatë 3 viteve të fundit. Ndërsa për Bankën e Shqipërisë shqetësim kryesor mbetet konkurrenca e pandershme dhe gjetja e tregjeve.
Ndërmarrjet e vogla në Shqipëri nuk po arrijnë të shtojnë produktivitetin e tyre. Këto janë sfidat me të cilat po përballet rajoni, sipas raportit të Tranzicionit të Bankës Europiane për Rindërtim dhe Zhvillim. BERZH vlerëson se pas viteve të krizës globale, kryesisht shtetet e rajonit të Ballkanit, përfshirë këtu dhe vendin tonë, kanë rritur ekonominë, por bizneset e vogla nuk po shtojnë numrin e të punësuarve dhe dhe as po zgjerojnë aktivitetin. Guvernatori i Bankës së Shqipërisë Gent Sejko tha se në bazë të anketimeve të bëra, shqetësimet kryesore për këtë kategori janë konkurrenca e pandershme dhe vështirësitë në gjetjen e tregjeve.
“Sipas anketimeve tona së fundmi, shqetësimet parësore për firmat e vogla janë konkurrenca e pandershme, vështirësitë për gjetjen e tregjeve për shitjen e produkteve, dhe më pak aksesi i kufizuar në financim apo kostoja e ofrimit të produkteve bankare.”
Por Jakov Milatovic, ekonomist i BERZH tha se për shumë biznese, rajoni i Ballkanit ngarkon për sipërmarrësit kosto të fshehta.
“Vendet në rajon ofrojnë te investitorët norma më të ulta të tatimit mbi fitimin apo tatimit mbi të ardhurat, por kompanitë mbajnë në llogaritë e tyre edhe “taksat e fshehura”, dhe vetëm duke stimuluar klimën e biznesit dhe reformën në institucione, kjo taksë e fshehtë bie dhe padyshim që stimulon produktivitetin dhe standardin e jetesës për të gjithë.”
Nga ana e saj Banka e Shqipërisë është duke hartuar programe për kreditimin e bizneseve të vogla dhe atyre në sektorin e bujqësisë. /abcnews.al
ad min18:52 | 20/12/2017
Politika monetare në vend nuk ka pësuar ndryshime. Në konferencën e fundit për shtyp për këtë vit Guvernatori i Bankës së Shqipërisë, Gent Sejko, bëri publike të dhënat më të fundit të cilat pavarësisht disa luhatjeve, tregojnë se e nesërmja e ekonomisë shqiptare do të jetë në rritje.
Është konferenca e fundit për shtyp që jep për këtë vit.
Guvernatori i Bankës së Shqipërisë, Gent Sejko, tha se këshilli mbikqyrës vlerësoi se qëndrimi aktual i politikës monetare vijon të mbetet i përshtatshëm.
“Politika jonë monetare jetësuese ka ulur kostot e financimit të sektorit privat, ka nxitur rritjen e kreditimit në lek dhe ka ndihmuar në përmirësimin e gjendjes financiare të huamarrësve në sitemin financiar”.
Tregjet financiare janë karakterizuar nga një ecuri relativisht e qetë gjatë dy muajve të fundit. Ecuri kjo me norma të ulta interesi, me prime të kontrolluara rreziku dhe me një tendencë stabilizimi të kursit të këmbimit.
“Megjithatë, rritja e kredisë për ekonominë vazhdon të mbetet e zbehtë duke shënuar vlerën e 3.5% në muajin tetor. Zgjerimi i portofolit të kredisë vazhdon të mbetet në rritje vjetore në nivelin 9.3%”.
Aktiviteti ekonomik i vendit ka vijuar të shënojë rritje. Papunësia është ulur në nivelin 13 . 6 përqind në tre mujorin e tretë të këtij viti, është ulur rrisku i kredive të këqia ndërsa shkëmbimet tregëtare kanë shënuar rritje. Guvernatori Sejko shprehet optimist për të ardhmen e ekonomisë shqiptare.
“Projeksionet tona për të ardhmen flasin për një përmirësim të mëtejshëm të aktivitetit ekonomik në horizontin afatmesëm. Zgjerimi i aktivitetit ekonomik do të mundësojë një rritje të mëtejshme të punësimit dhe pritet të sjellë një rritje më të shpejtë të pagave dhe të kostove të prodhimit”./abcnews.al
ad min15:33 | 11/11/2017
Këtë vjeshtë, janë ulur çmimet e banesave, si për blerjen e tyre edhe marrjen me qira. Banka e Shqipërisë e konfirmon këtë në raportin e fundit të saj
Çmimet e banesave kanë shënuar një rënie në treg, sipas Bankës së Shqipërisë. E paralajmëruar më parë, banka e konfirmon këtë në raportin e fundit të saj tremujor.
Në periudhën korrik-shtator, Raporti i Politikës Monetare thekson se rënia vjetore e indeksit për çmimin e banesave ishte 2.8%, krahasuar me gjysmën e parë të vitit, çmimet kanë vijuar të bien sipas vrojtimit të Bankës së Shqipëisë, por me ritme më të ulëta. Në tremujroin e parë rënia ishte 5.9% dhe në tremujorin e dytë mbi 11%.
Muajt e fundit, edhe marrja me qira e një apartamenti, ka gjasa të kushtojë më lirë. Raporti i Bankës vëren se indeksi i qirasë pas një rritje të vazhdueshme për një vit, në tremujorin e fundit korrik-shtator ra mbi 5%. Agjensitë imobiliare vlerësojnë se ka një ofertë të lartë në treg për dhënien e aparatamenteve me qira.
Pavarësisht luhatjeve afatshkurtra, dhe shtimit të ndërtimeve se fundit, çmimet e pasurive të paluajtshme pritet të vijojnë të rriten ndër vite./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
14:11 | 02/04/2020
