analistët

ushtare-amerikane-1280x723.jpg
nev ila20:36 | 07/01/2020

Analistët amerikanë nuk parashikojnë që tensionet me Iranin të shndërrohen në luftë, pas vrasjes së gjeneralit Kasem Suleimani nga një goditje ajrore amerikane. Demokratët në Kongres duan që t’ia dobësojnë presidentit kompetencat për luftë, gjë që kundërshtohet nga ligjvënësit republikanë.

Shumë amerikanë shprehën kundërshtimin e tyre ndaj një lufte me Iranin gjatë protestave në rrugë të shtunën dhe të dielën.

Ndërkohw qw amerikanët protestojnë kundër një lufte tjetër në Lindjen e Mesme, udhëheqësi suprem i Iranit u zotua për hakmarrje dhe presidenti amerikan paralajmëroi se Uashingtoni do të reagonte duke vënë në shënjestër objekte të rëndësishme në Iran.

Demokratët në Kongresin amerikan janë të shqetësuar nga shkallëzimi i situatës me Iranin dhe thonë se Dhoma e Përfaqësuesve do të votojë këtë javë për një rezolutë për të kufizuar kompetencat e Presidentit Trump për të ndërmarrë veprime ushtarake kundër Iranit pa miratimin e Kongresit, raportoi Zëri i Amerikës.

“Në kohë të tilla është thelbësore për Kongresin që të ketë një masë kontrolli ndaj presidentit dhe që të luajmë rolin tonë kushtetues për çështje të luftës dhe të paqes”, tha Chuck Schumer, udhëheqësi i demokratëve në senat.

Një nga udhëheqësit republikanë të senatit, ka akuzuar demokratët se po mbrojnë interesat e partisë dhe jo të vendit. “A nuk është e mundur të presim të paktën deri kur të dime faktet? Nuk mund të ruajmë një unitet kombëtar të paktën përkohësisht, para se t’u rikthehemi pozicioneve tona partiake?”, tha Mitch McConnell, udhëheqës i shumicës republikane në senat.

Por analistët thonë se pavarësisht nga retorika e ashpër, një luftë mes Shteteve të Bashkuara dhe Iranit, nuk ka gjasa të ndodhë.

“Në Shtetet e Bashkuara nuk ka dëshirë për luftë, por nga ana tjetër Shtetet e Bashkuara u bindën se nëse nuk bënin gjë si reagim ndaj sulmeve të vazhdueshme ndaj diplomatëve dhe kontraktorëve amerikanë, ato veçse do të vazhdonin. Prandaj nuk ekziston një rrezik i menjëhershëm për një konflikt ushtarak“, tha Michael Rubin, nga Institutit Amerikan Enterprise.

Vendet e Gjirit Persik duan me çdo kusht të shmangin një luftë në rajonin e tyre, tha analistja Barbara Leaf.

“Emiratet e Bashkuara Arabe dhe Arabia Saudite, nuk kanë qenë shumë të zëshme. Por thelbi i komenteve të tyre është që duhet të ketë një zbutje të tensioneve dhe një qasje politike për zgjidhjen e këtyre çështjeve”, tha ajo.

Ndërkohë, zyrtarët irakianë nuk duken të prirur të veprojnë pas vendimit të parlamentit të tyre për të dëbuar trupat amerikane nga Iraku, pasi Trump kërcënoi të vendoste sanksione ndaj Irakut.

“Kryeministri Adil Abdul Mahdi, nuk po e nënshkruan legjislacionin. Kurdët nuk morën pjesë. Shumë nga partitë e moderuara shiite nuk morën pjesë dhe as partitë suni. Disa u detyruan të merrnin pjesë nga blloku politik i milicisë shiite, Bina. Ata votuan në parlament. Ishin të vetmit atje”, tha Michael President i Institutit Hudson.

Mahdi tha dorëheqjen në fund të nëntorit, pas demonstratave masive anti-qeveritare të nëntorit në Irak dhe do të largohet nga detyra pasi parlamenti të votojë për pasuesin e tij.

Ndërkohë, sekretari amerikan i Shtetit, Mike Pompeo, tha se Irani po punon “në mënyrë aktive” për të minuar procesin e paqes në Afganistan.

Pompeo tha në një konference për media se Irani ka raporte me talibanët dhe grupet tjera militante në Afganistan. Ai tha se raportimet se komandanti iranian, Qasem Soleimani ka qenë në mision diplomatik në Irak kur u vra nga Shtetet e Bashkuara, janë plotësisht të pavërteta.

Më 3 janar, Shtetet e Bashkuara vranw përmes sulmeve ajrore udhëheqësin e forcës Kuds të Iranit, Qasem Soleimani.

Irani ka kërcënuar se do të hakmerret ashpër. Uashingtoni e ka fajësuar Soleimanin për vrasjen e trupave amerikane në Irak dhe e ka akuzuar atë për komplot për sulme të reja pak para vrasjes së tij, javën e kaluar pranë aeroportit të Bagdadit.

Soleimani ka udhëhequr milicitë iraniane në konfliktet në Siri, Irak, Liban dhe Jemen dhe Shtetet e Bashkuara e kanë konsideruar si “terrorist”./abcnews.al

minishengeni-serbi.jpg
nev ila21:28 | 21/12/2019

Analistët në Serbi parashikojnë se nisma e Shëngenit Ballkanik do të funksionojë, pasi kjo i levërdisë shumicës së vendeve të rajonit. Por, ata thonë se është e nevojshme që bashkë me këtë nismë, të ndërtohen edhe marrëdhënie të reja bilaterale.

Minischengeni shihet në Serbi si një nismë e dobishme dhe qasje e re e Serbisë ndaj rajonit. Por, reagimet janë të vogla dhe gati sa nuk ka patur komente nga opozita dhe mediat.

Serbia do të ndajë një shumë të madhe parash për ta ndihmuar Shqipërinë dhe këtë qeveria do ta bëj të hënën. Disa televizione kanë transmetuar gjithçka që ka ndodhur nga Shqipëria.

Analistët vlerësojnë se kjo nismë mund të funksionojë pasi kjo i leverdis shumicës së vendeve të rajonit. Por, thonë se është e nevojshme që bashkë me të të ndërtohen edhe marrëdhënie të reja bilaterale.

“Duket si një reagim  ndaj stopimit të integrimeve nga Macron. Kjo nismë rajonale, si shumica e tyre që janë nisma befasuese, mund të funksionoj për shkak të situatës. Por, nuk më duket si një dëshirë e sinqërt për të ndryshuar marrëdhëniet, por si një rast që politika e ka parë dhe mundohet ta shet si ide”, tha Dushan Spasojevic nga Fakulteti i Shkencave Politike.

Dyshimet e shumta nuk mungojnë as në Serbi për shkak se marrëdhëniet mes shtetesh dhe politika është udhëhequr gjithnjë përmes tensioneve dhe kushtëzimeve.

“Politikanët e rajonit ende më të rëndësishmen e kanë të krijojnë konflikte dhe jo tolerancë në mesin e popujve dhe ata këtu e gjejnë vetën ende më së miri. Ekziston këtu një hapësirë për të tejkaluar problemet, por kanë frikë nga votues. Gjithësesi, këtu ende vlenë ajo ideja që ata që i kanë krijuar problemet edhe mund ti zgjidhin dhe mbase vërtetë mund të jenë ata që bëjnë hapin e parë”, deklaroi Spasojevic.

Ajo që ka bërë përshtypje në Serbi dhe është cituar si kryelajm është deklarata e kryeministrit, Edi Rama, se nuk mund të fryejë më era e së shkuarës./abcnews.al

DIALOGU-PARTITE-KS-1280x720.jpg
ent ela14:44 | 02/10/2019

Partitë politike në Kosovë po vazhdojnë fushatën zgjedhore. Analistët thonë se asnjëra nuk ka bërë propozim konkret për dialogun me Serbinë.

Kanë mbetur edhe katër ditë kur qytetarët e Kosovës pritet tu drejtohen kutive të votimit për zgjedhjet e parakohshme parlamentare.

Ndërkohë janë intensifikuar  aktivitetet e partive politike në fushatë zgjedhore.

Për analistin Arton Demhasaj pos akuzave dhe kundërakuzave ndaj njëra tjetrës asnjëra nga partitë politike nuk kanë program konkrete se si do ti casen dialogut me Serbinë, ndonëse kjo do të jetë tema kryesore me të cilën do të ballafaqohet qeverisja e ardhshme.

Në esencë nuk ka qartësi brenda partive politike se cila është casja e tyre për dialogun. Më tepër janë munduar të merren me cështje populiste sic është reciprociteti me Serbinë apo edhe cështja e taksës.

Megjithatë sipas tij partitë politike në këtë fushatë kanë qenë më të kujdesshme me premtime dhe që përkujtonë më shumë me realitetin.

Ndërkohë Demokracia në Veprim e cila po merret me monitorimin e procesit zgjedhor ka bërë të ditur se në tri ditët e para të fushatës kanë marrë pjesë mbi 83 mijë qytetarë, ndërsa janë shpenzuar mbi 1 milion euro.

Fushata zgjedhore zgjatë deri të premten ndërsa të dielën qytetarët do tu drejtohen kutive të votimit për legjislaturën e shtatë të Kuvendit të Kosovës. /ABC News Albania 24/7

ANALISTET-SERBE-OKB-ABC-M5-T1.mpg_snapshot_00.44-1280x720.jpg
ent ela17:10 | 24/09/2019

Analistët në Serbi por dhe një pjesë e mirë e popullsisë presin që delegacioni i tyre të kthehet me ide më të qarta për Kosovën, nga asambleja e përgjithshme e Kombeve të Bashkuara në Nju Jork.

Serbia pret që delegacioni shtetërorë të kthehet nga Nju Jorku me ide më të qarta për procesin e përmbylljes së marrëveshjes me Kosovën. Beogradi zyrtar ka shpresuar një angazhim më të madh të SHBA, pavarësisht se presidenti serb, Aleksandar Vuçiç, ka thënë se këto takime do të jenë të vështira. Presidenti, bashkë me delegacionin, do të takohet me burrështetas të ndryshëm dhe me kancelaren Angela Merkel. Një pjesë thonë se do të ketë format të ri bisedimesh.

Analisti Jaksha Shcekiç, nuk beson në një zgjidhje shumë të shpejt. Thotë se qëndrimet janë kryesisht të njëjta. Vuçiç ka hapësirë të vogël, thotë ai, por po mundohet të gjejë një zgjidhje me të cilën do të mbijetoj pasi ka shumë kundërshtar.

Jaksha Shçekiç, Analist: Pjesa më e madhe e serbëve nuk duan të flasin asgjë për Kosovën pasi shpesh u kanë thënë mos u shqetësoni, pasi një ditë Kosova do të jetë Serbi. Kurse Kosova, të paktën sic e shoh unë, kurrë më nuk do të jetë Serbi dhe si një tërësi, sërish do të jenë vetëm kur të dyja vendet të jenë në BE.

Emërimi i një të dërguari special për Ballkanin kishte entuziazmuar Serbinë. Vucic u ka thënë serbëve disa herë që realiteti nuk është si e mendojnë. Por, taksa e Kosovës është një gjë që është dilema e vazhdimit të bisedimeve. Reale është zgjidhja e problemeve të vogla.

Jaksha Shçekiç, Analist: “Njerëzit këtu duhet të kenë një vështrim më real që nuk është duke ndodhur as në Prishtinë e as në Beograd. Të zgjidhen disa cështje që mund të zgjidhen, dhe e treta është që të kthehen drejt të ardhmes. Duhet ta kuptojmë që kur një gjë shpërthen nuk mund të mblidhen pjesëzat dhe të bëhen sërish bashkë”.

Analistët thonë se për shtetet perëndimore është me rëndësi që konfliktet të mos thellohen, sic mund të ishte rasti i Bosnjës, kurse nga Kosova dhe Serbia qetësi dhe bashkëpunim. /ABC News Albania 24/7

ANALISTET-KOSOVE-ABC-M5-T1.mpg_snapshot_00.34-1280x720.jpg
ent ela12:40 | 07/09/2019

Vizitat e fundit të përfaqësuesve të SHBA-së dhe vendeve të BE-së në Kosovë, sipas analistëve në vend janë  një sinjal se këto vende, e marrin shumë seriozisht cështjen e vazhdimit të dialogut Kosovë -Serbi.

Ata po vijnë në Kosovë për të vënë theksin për që duhet t’i marrë qeveria e krijuar menjëherë pas zgjedhjeve. Tregojnë për nevojën e një krijimi të një qeverie të shpejtë dhe vazhdimin e dialogut Kosovë Serbi, si dhe luftën ndaj korrupsionit.

Fokusi do të jetë te dialogu. Këto vizita bëhen edhe për të matur pulsin e palëve qoftë në Prishtinë apo Beograd për të parë se për çfarë janë të interesuar, respektivisht deri ku ata mund të shkojnë në atë që do të jetë një kompromis.

Derisa Gjermania kategorikisht kundërshton shkëmbimin e territoreve, SHBA-ja thotë se përkrah çdo marrëveshje të arritur ndërmjet të dyja palëve, por edhe në vizitën e fundit të dy senatorëve kanë përmendur se vendimet do të jenë të vështira.

Analistët besojnë në arritjen e një kompromisi, por përjashtojnë mundësinë e shkëmbimit të territoreve.

Gjermania nuk janë dy ekstreme por dy qëndrime të kundërta deri diku, kompromisi një lloj zgjidhje në mes të këtyre dy qëndrimeve.

Të martën në Kosovë ishte deputeti gjerman i partisë së Merkelit, ndërsa të mërkurën dy senatorë të Shteteve të Bashkuara të Amerikën të cilën theksuan rëndësinë e vazhdimit të dialogut Kosovë Serbi. /ABC News Albania 24/7 

img800-mattarella-scrive-a-conte-ecco-cosapensa-della-manovra-139657.jpg
ent ela10:52 | 24/08/2019

Nga Dorina Kurtaj – Analistët në Itali e vlerësojnë si një çlirim për vendin rrëzimin e koalicionit qeverisës së Legës me Lëvizjen me pesë yje, që sipas tyre ka përfunduar me një spektakël nga ana e kryeministrit në largim Xhuzepe Konte.

Qeveria më e rrezikshme që nga pas lufta deri më sot ka përfunduar me një spektakël: populistët që luftojnë populizmin e të tjerëve. Në këtë mënyrë nis një nga analizat e shumta për krizën politike që ka përfshirë Italinë pas rrëzimit të koalicionit qeverisës mes Legës dhe Lëvizjes me Pesë Yje.

Arsyeja për të cilën do të mbahet mend fjalimi i fundit i Xhuzepe Kontes si kryeministër i vendit ka pak të bëjë me substancën e arsyetimit të avokatit të popullit; por nga ana tjetër lidhet shumë me rëndësinë simbolike të rrëzimit të qeverisë verdhë e gjelbër.

Ndërkohë pasi është takuar me liderët e partive në vend kreu i shtetit vendosi t’i japë kohë Lëvizjes me pesë yje dhe Partisë demokratike, dy palët më të përfolura për arritjen e një marrëveshjeje të mundshme, deri të mërkurën për krijimin e një mazhorance të re, por lideri i Legës, Mateo Salvini deklaroi se zgjidhja nuk mund të gjendet nëpërmjet lojërave në presidencë por vetëm nëpërmjet zgjedhjeve të reja.

«Kriza duhet të zgjidhet Brenda një kohe të shkurtër, ashtu si meriton një vend i madh si i yni”. Në këtë mënyrë presidenti Italian Serxho Matarela, duke përmbledhur konsultimet dy ditore me partitë i jep më shumë kohë Lëvizjes me pesë yje dhe Partisë Demokratike në përpjekjet për të krijuar një koalicion qeverisës.

Ai më tej u shpreh se duhet krijuar një qeveri që të marrë votëbesimin në parlament, me marrëveshjet e grupeve për një program për qeverisjen e vendit. Në rast se nuk do të ketë kushte për realizimin e kësaj qeverie atëherë vendimi do të shkojë në zgjedhje.

Vendimi për më shumë kohë, sipas Matarelës, u mor nga fakti se në orët e fundit të konsultimeve disa parti ndërmorën iniciativën për një marrëveshje të mundshme në parlament për një qeveri të re. dhe ishin vetë palët politike që kërkuan më shumë kohë nga kreu i shtetit.

Matarela nuk e ka fshehur faktin se do të preferonte një rrugë tjetër nga ajo e zgjedhjeve të reja. Kreu i shtetit u shpreh se ajo e zgjedhjeve të reja nuk është një rrugë që duhet marrë me të lehtë, vetëm pas 14 muajsh qeverisje, ndërkohë që kushtetuta parashikon që italianët tu drejtohen qendrave të votimit cdo pesë vjet. Por nëse parlamenti nuk do të ketë një mazhorancë të re, zgjedhjet janë të pashmangshme.

Ndërkohë kreu i grupit parlamentar të Lëvizjes me pesë yje, Luixhi di Maio, u shpreh se në takimin e javës së ardhshme me partinë demokratike, ai do të rendisë 10 pikat e planit qeverisës të partisë së tij. Sipas tij vendi aktualisht rrezikohet të përjetojë një krizë politike si ajo e vitit 2008, për këtë arsye ai theksoi se partia e tij është gati të jetë pjesë e një qeverie të re që do të përpiqet të realizojë një listë me 10 pika të objektivave prioritare.

Duke filluar që nga reduktimi i pagave të deputetëve, reforma e sistemit të kredisë, reforma në drejtësi si dhe përballja me fenomenin e emigrantëve. Di Maio konfirmoi se kanë nisur negociatat për krijimin e një mazhorance të qëndrueshme, dhe se partia e tij nuk i trembet aspak zgjedhjeve të reja, e as do t’i largohej mbajtjes së premtimeve që i janë bërë italianëve.

Në një deklaratë tjetër për mediat, kreu i Lëvizjes me Pesë yje theksoi se ata që votuan partinë e tij në 4 mars  të nëj viti më parë e bënë për të ndryshuar vendin nëpërmjet partisë së tij.

Nga ana tjetër lideri i Legës Salvini, këmbënguli se zgjedhjet janë e vetmja mënyrë për të zgjidhur krizën. Ai theksoi se Italia nuk mund t’i lejojë vetes që të humbasë kohë dhe nuk mund të ketë një qeveri që debaton dhe ku partnerët e koalicionit kanë këndvështrime të ndryshme. Sipas tij qeveria e Kontes u rrëzua për shkak të refuzimeve të shumta të lëvizjes me pesë yje. Këtë mesazh të qartë ministri i Brendshëm në detyrë ia transmetoi dhe presidenti Matarela.

Ai u shpreh se ka qenë i vetëdijshëm se ishte pjesë e një qeverie që kishte ndaluar në vend, dhe mënyra e vetme për të rimëkëmbur vendin nga e para, është duke mos parë mbrapa. Por ai njëkohësisht ka lënë hapur dhe një mundësi ripajtimi me lëvizjen me pesë yje duke thënë se nëse dikush do i kërkonte të arsyetonte sepse refuzimet mund të kthehen në pohime, dhe ekipi qeverisë mund të përmirëzohet, atëherë mund të ketë një mundësi shumë të vogël për të shmangur zgjedhjet. Para gazetarëve ai tha se nuk është një njeri që i mbetet hatri pasi sheh gjithnjë përpara.

Kreu i grupit parlamentar të demokratëve, Graciani Delrio, pas takimit me Matarelën u shpreh se ishin të gatshëm për një qeveri të re e cila do të përballej me problemet e vërteta të vendit. Por ata i shtuan lisrës së Lëvizjes me pesë yje, dhe reformën e ligjit electoral në mënyrë që të garantojë një përfaqëism demokratik në vend. Por një nga pikat ku Lëvizja me Pesë Yje dhe Partia Demokratike përplasen është pikërisht reduktimi i pagave të deputetëve.

Por kjo përpjekje e demokratëve ka krijuar përplasje me krahun që ndjek qëndrimet e ish kryeministrit Renzi. Anëtarë të tjerë të kësaj partie mendojnë se këndvështrimet mes dy partive janë shumë të ndryshme.

Por nuk kanë munguar as deklaratat që parashikojnë koalicione të mundshme mes palëve në rast se vendi do të shkonte në zgjedhje. Frateli D’italia konfirmoi bisedën më Salvinun sipas së cilës ëshët rënë dakord që të ketë një marrëveshje me Legën menjëherë pas zgjedhjeve. Por njëkohësisht pritet dhe qëndrimi i Forca Italia të Berluskonit i cili gjithashtu këmbëngul në mbajtjen e zgjedhjeve. Në rast të një mandate eksplorues, thënë ndryshe qeverie tranzitore, për Frateli D’Italia, mundësia më e mirë është ajo e një ekzekutivi të qendrës së djathtë.

Në mbështetje të kësaj ideje, ish kryeministri Berluskoni u shpreh se qendra e djathnë është mazhoranca që doli fituese në zgjedhjet e fundit dhe aktualisht është mazhoranca natyrale e italianëve. Ai theksoi se bendi sipas tij ka nevojë për një qendër të djathtë moderne me një qëndrim pro europian. Ai shtoi se ajo që ndodhi tregon qartë se projektet e qeverisë bëhen me ide që përputhen, jo pas zgjedhjeve por para tyre.

Takimi më i fundit mes partisë demokratike dhe Lëvizjes me pesë yje zgjati rreth dy orë, me delegacionet që u përpoqën të gjejnë një marrëveshje për krijimin e qeverisë së re.

Sinjalet e para duken positive për të dyja palët, dhe sipas zërave nuk ka asnjë problem të pakalueshëm. Burime nga lëvizja me pesë yje shpjegojnë se është diskutuar shumë për pikën ku të dyja palët përplasen: reduktimi I pagave dhe i numrit të deputetëve. Aktualisht parlamenti i Italisë ka 345 deputetë. Por partia demokratike ka kërkuar një qëndrim të qartë nga Lëvizja me pesë yje, para firmosjes së mundshme të një marrëveshjeje për krijimin e një qeverie të re.

Në radhët e demokratëve vijojnë përplasjet me ish kryetarin e partisë Renci i cili akuzon kreun aktual të partis Xhentilonin, pasi ky i fundit e akuzoi se po përpiqej të prishte negociatat. Huffington Post publikoi një regjistrim ku Renci shpjegon se është pikërisht Xhentiloni ai që në mënyrë të vetëdijshme bën propozime të cilat lëvizja me pesë yje nuk mund t’i pranojë për shkak të qëndrimeve të saj. Madje ai paralajmëroi dhe një përcarje të mëtejshme të Partisë Demokratike duke thënë se nëse dikush thyen rregullat e brendshme nuk është e thënë që Partia Demokratike të shkojë si e tërë në zgjedhjet e reja.

Di Maio reagoi duke thënë se italianët që e votuan në 4 mars të paktën në fund mund të thonë se dhe pse ishte një qeveri që zgjati pak, ia doli të reduktonte numrin e deputetëve.

Çdo gjë do të vendoset javën e ardhshme pas përfundimit të negociayave të tjera dy ditore. Pas deklaratave të liderëve të PD dhe Lëvizjes me pesë yje, shtohen zërar për arritjen e një marrëveshjeje për një qeveri të re. edhe pse Salvini nuk është i vetëm në këmbënguljen për të çuar vendin në zgjedhje të reja.

/abcnews.al

aleksander-vucic.jpg
ent ela20:33 | 22/08/2019

Presidenti serb Aleksandër Vuçiç deklaroi gatishmërinë e tij për të firmosur një marrëveshje me Kosovën  nga e cila nuk do të kishte as fitues e as humbës. Analistët në Beograd thonë se takimi i tij me Sekretarin amerikan të Shtetit, Majk Pompeo, konfirmon se roli i Amerikës për zgjidhjen e problemit po bëhet vendimtar dhe se presidenti Vuçiç po përgatit publikun për njohje reciproke. 

Takimi i presidentit serb Aleksandar Vuçiq me Sekretarin amerikan të Shtetit, Majk Pompeo, në Nju-Jork sipas analistëve në Beograd, është sinjal se Serbia dalëngadalë po ndryshon qëndrimin ndaj Kosovës. Gazetari i njohur Boshko Jakshiq argument për këtë  merr deklaratën e Vuçiqit, menjëherë pas takimit, se kur është fjala për zgjidhjen e çështjes së Kosovës ‘nuk është i rëndësishëm çmimi politik që do të paguhet’.

“Kjo më flet se ky është vazhdim i procesit të përgatitjes së publikut në Serbi për një zgjidhje që mund të çojë drejt njohjes së ndërsjellë. Pra duket ashiqare se platforma politike e Beogradit ka ndryshuar dhe ka avancuar deri në pikën sa të mendohet për njohje”– ka deklaruar Boshko Jakshiç për televizionin e pavarur serb N1.

Presidenti Aleksandar Vuçiç, ndërkaq në një intervistë të gjatë për seksionin serb të Zërit të Amerikës nuk e ka fshehur se gëzon mbështetjen si të Amerikës, ashtu edhe të Evropës, për shkak se, sikurse thotë, ata e dijnë se ‘është njeri për të cilin ‘kompromisi nuk është disfatë’:

“Mund të bisedojmë për gjithçka, vetëm nëse fjala është për kompromis, por që shqiptarët të fitojnë gjithçka, e Serbia të mos marrë asgjë – firmën time nuk do e merrni kurrë. As mbështetjen time nuk do ta keni për këtë. Në këtë moment jam President I Serbisë, mbase e gjeni dikën tjetër që do të dëshirojë ta pranojë këtë pa kurrfarë kompromisi, duke ndjekur vetëm ultimatumet. Prandaj kam ofruar zgjidhje kompromise”– i tha Vuçiç seksionit serb të Zërit të Amerikës, duke lënë të kuptohet se në takim me Sekretarin amerikan të Shtetit, por edhe me Metju Palmerin, një ndër ndihmësit e tij, si dhe me Dajmon Uillsonin kishte biseduar për modalitete të ndryshme të kësaj zgjidhjeje kompromise, jo vetëm për demarkacionin, por edhe për Doktrinën e Hallsteinit për njohjen e qeverive, shembullin e dy Gjermanive.

Eduard Jozzef, ligjërues në Universitetitn Xhon Hopkins të Uashingtonit ndërkaq thotë se e mira e takimit për rifillimin e dialogut është se Sekretari i Shtetit nuk ka folur me gjuhën e Xhon Boltoit, Këshilltarit të Sigurisë Kombëtare të Shtëpisë së Bardhë se Shtetet e Bashkuara të Amerikës do të mbështesin çfarëdo zgjidhjeje për të cilën merren vesh Serbia dhe Kosova: Do të duhej të  qëndrojnë larg zgjidhjeve të rrezikshme e të debatueshme,-ka thënë Xhozef. Analistët në Beograd vlerësojnë se aktualisht, duke marrë parasysh ndikimin e Uashingtonit mbi Prishtinën, por dhe kontaktet intensive të administrates amerikane me palën serbe duket se roli i Amerikës për arritjen e Marrëveshjes Kosovë-Serbi ka për të qenë vendimtar. /ABC News Albania 24/7

nazarko-dhe-lela.jpg
ad min15:45 | 08/08/2019

Dy  analistët politikë Mentor Nazarko dhe Alfred Lela ndajnë të njëjtin qëndrim se vjeshta do të hapë rrugën për zgjedhje të parakohshme në vend. Duke folur për ABC News , të dy e cilësojnë 13 Tetorin e dekretuar nga Presidenti për zgjedhjet vendore, një datë të vdekur.

Vjeshta do të ketë ndryshime të forta politike që do të sjellin si rrjedhojë edhe zgjedhje të parakohshme. Të këtij mendimi janë dy analistët politikë Mentor Nazarko dhe Alfred Lela. Në një intervistë për ABC News, Nazarko e konsideron një skenar të pashmangshëm atë të zgjedhjeve të parakohshme për shkak se maxhoranca ka marrë nën kontroll çdo pushtet, ndërkohë që për Lelën zgjidhja do të vije nga presioni ndërkombëtar.

Kur vjen fjala për zgjedhje vendore në 13 Tetor, qëndrimet e dy analistëve janë në sinkron kur e quajnë datën e dekretuar nga presidenti një datë të vdekur.

Pavarësisht kritikave të forta nga maxhoranca dhe opinioni publik, Nazarko thekson se kreu i shtetit nuk duhet paragjykuar.

Qëndrimet e palëkundura të Bashës për të mos u ulur në tryezë me Edi Ramën për Aldred Lelën duhet të marrin fund, njësoj si ato të kryeministrit se përballen e radhës me opozitën e ka në 2021-shin, për të cilin analisti e sfidon edhe me një bast.

Nazarko e ka një këshillë të fundit për Ramën.

Teksa politika po shijon ditët e saj të pushimeve, shtatori duket se do të jetë një muaj jo i lehtë për të gjithë, me një opozitë të zhveshur nga çdo pushtet dhe një shumicë të papërgatitur për të drejtuar dhe kontrolluar gjithçka./ABC News Albania 24/7

ramush-haradinaj-1280x715.jpg
nev ila18:27 | 25/07/2019

Ish-kryetari i Gjykatës Kushtetuese Enver Hasani thotë se Haradinaj nuk po e respekton Kushtetutën, duke vepruar si kryeministër në dorëheqje. Ai thotë se qeveria ka pushuar së funksionuari dhe se Haradinaj tashmë është ish-kryeministër.

Menjëherë pas dorëheqjes, Ramush Haradinaj vazhdoi me aktivitetet e tij si kryeministër në dorëheqje.

Në të nnjëjtën mënyrë kanë vepruar edhe ministrat  e kabinetit të tij. Madje për nesër është paralajmëruar mbledhja e radhës e qeverisë.

Ish kryetari i Gjykatës Kushtetuese Enver Hasani thotë se Haradinaj me aktin e dorëheqjes nuk është më kryeministër në dorëheqje por ish-kryeministër.

Rrjedhimisht siç thotë ai, si ish-kryeministri edhe ish-ministrat nuk duhet të organizojnë mbledhje të qeverisë dhe se funksioni i tyre tashmë është shuar.

Por ndryshe mendon politologu Ramush Tahiri.

Ndërkaq, sipas Kushtetutës Neni 95, pika 5, nëse kryeministri jep dorëheqjen, posti i tij mbetet i lirë, qeveria bie.

“Nëse Kryeministri jep dorëheqjen ose për arsye të tjera, posti i tij/saj mbetet i lirë, Qeveria bie, dhe Presidenti i Republikës së Kosovës, në konsultim me partitë politike ose koalicionin që ka fituar shumicën në Kuvend, mandaton kandidatin e ri, për të formuar Qeverinë”, thuhet në Kushtetutën  e Republikës së Kosovës.

Lidhur me këtë, përmes një postimi në Facebook ka reaguar deputetja e Lëvizjes Vetëvendosje, Albulena Haxhiu  duke shkruar se kjo mbledhje  është skandaloze.

Pas dorëheqjes së kryeministrit partitë politike vazhdojnë të kërkojnë nga presidenti të nis konsultimet për caktimin e datës së zgjedhjeve të jashtëzakonshme, derisa përjashtojnë mundësinë e krijimit të një qeverie teknike.

Nesër bëhet një javë që kur Ramush Haradinaj dha dorëheqjen nga posti i kryeministrit dhe ka deklaruar rënien e qeverisë, ndërkohë presidenti ende nuk  ka ftuar partitë politike për konsultim./ABC News Albania 24/7

byro-1280x715.jpg
ad min21:30 | 05/06/2019

Në “Byro Politike” mbrëmjen e sotme paneli i të ftuarve kanë folur për audio përgjimet e publikuara nga gazeta gjermane “Bild”, të cilat janë regjistrime audio të “Dosjes 339/1”, pjesë e së cilës është grupi i Avdylajve të Shijakut. Në 6 përgjime audio të publikuara online dëgjohet Astrit Avdylaj, që sipas “Bild”, mbledh vota në favor të Partisë Socialiste në qarkun e Durrësit, përpara zgjedhjeve të 2017-s.

Shpëtim Nazarko: Në gjykim tim e vërteta gjendet në mes në këto raste sepse zona për të cilën po diskutojmë ne ka qenë këto 20-25 vitet e fundit, ka qenë historiku ku herë ankohet PD-ja dhe herë ankohet PS-ja. Në zgjedhje e viti 2005 ankohej Agron Duka që tani është në koalicion këtej, që ankohej se mi mori votat i ndjeri Olldashi. Unë dëgjova dhe lexova edhe shtypin sot, njëri nga ato kishte vlerë si informacion se kishte të bënte me ujësjellësin. Ndërsa historia që i thuhet të heqë atë gjobën ishte karagjozllëk. Sepse një bandit i një formati të këtij lloj që urdhëron dhe merr zgjedhjet nuk ka nevojë t’i lutet një nëpunësi. E vërteta gjendet në mes  në të gjitha rastet.

Preç Zogaj: Këto përgjime vërtetojnë më mirë dhe më shumë se më parë dhe janë në vazhdën e përgjimeve që janë botuar në shtyp në Nëntor të vitit 2017 kur është botuar përgjimi i parë nga kjo dosje, ku përsëri është përgjuar njëri nga këto të bandës së Abdylajve duke komunikuar me Vangjush Dakon. Dhe për herë të parë një informacion i tillë është publikuar në “Opinion” nga gazetari Lorenc Vangjeli.

Mentor Kikia: Në parim për ne si shqiptarë nuk ka asnjë lloj rëndësi dhe ndryshe nga ç’tha zoti Basha u shokuam, ne nuk jemi shokuar sepse ne jemi familjarizuar me këtë mjedis ku ndodh shit-blerja e votës. Rëndësi e këtij publikimi i jep fund debatit politik dhe mediatik,  nëse janë apo nuk janë të vërteta dhe ka apo nuk ka spekulime. Kjo është një fotografi e cila nuk vihet në dyshim sepse nuk e ka vënë në diskutim as vetë Prokuroria. Përgjimet kanë efekt politik dhe publik pa fund, por a do ketë impak ligjor nuk di ta them sepse nuk di nëse do të ketë një fund.

Ervis Iliazaj: Shqipëri është në krizë të thellë sot për shkak të kësaj historie dhe për këtë duhet ta trajtojmë me rëndësinë e duhur sepse po e trajtuam sipërfaqësish se kështu ndodh gjithmonë… duhet të dimë se Shqipëria është në krizë të thellë sot nga kjo histori./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono