albano xhaferri

RASTET-E-TE-ZHDUKURVE-NE-VLORE_ABC-M2-T1.mpg_snapshot_00.48-1280x728.jpg
ad min15:24 | 01/12/2018

Policia në bashkëpunim me Prokurorinë e Vlorës po hetojnë për të gjitha rastet e personave të zhdukur në qytetin bregdetar gjatë viteve të fundit. Tre prej tyre, me të perfolurat në media dhe më misteriozet janë zhdukja e Mario Metushaj, Albano Xhaferrit dhe Ervis Troqes.

Në një deklaratë të përbashkët të policisë dhe Prokurorisë së Vlorës, rezulton se gjatë tre viteve të fundit janë zhdukur 23 persona nga ky qytet. ABC News ka mësuar se tre janë rastet më të bujshme për të cilat vijojnë hetimet, jane zhdukja e Mario Metushaj, Albano Xhaferrit dhe Ervis Troqes. Metushaj dyshohet se merrej me trafik lëndësh narkotike. Nga policia e Vlorës mësohet se Metushaj punonte si skafist për të transportuar drogë dhe nuk i ishte paguar një shumë prej 200 mijë eurosh. Ditën kur i ishin premtuar paratë ai u ka thënë familjarëve se po shkonte në Fier. Që prej atij momenti nuk dihet asgjë për Metushaj.

Albano Xhaferri rezulton i zhdukur prej datës 18 qershor të këtij viti. Një muaj më vonë zhduket edhe 24 vjeçari Ervis Troqe. Të dy sapo ishin kthyer nga Belgjika.
Nga policia u konfirmuar se dyshohet si i përfshirë në zhdukjen e Xhaferrit Edison Harizaj, i cili u vra në Durrës në një atentat së bashku me shokun e tij Genci Caca.
Në Vlorë janë zhdukur persona edhe në det.

Ksandro Ymeraj humbi kontaktet me familjen që nga 1 prilli i këtij viti. Ai ishte nisur drejt Italisë me një mjeti Tip Jet Sky. Mjeti lundrues u gjet disa ditë më vonë në Budva. Një vit më parë, familjarët e biznesmenit Adriano Jaho denoncuan zhdukjen e tij në polici. Jaho do të kthehej nga Italia me një skaf së bashku me 28 vjeçarin Ariseld Maze. Për këto raste nuk ka asnjë informacion për fatin e tyre./abcnews.al

ATENTATI-DURRES-HARIZAJ_ABCM2-T1.mpg_snapshot_00.22-1280x720.jpg
ad min15:22 | 26/11/2018

Grupi hetimor ka zbuluar fakte të reja rreth vrasjes së Edision Harizajt dhe Genci Cacës, në një atentat në Durrës. Nga këqyrja e tabulateve telefonike të Harizajt është zbuluar një telefonatë që i është bërë atij pak minuta para ekzekutimit.

Një person e telefonoi 25 sekonda Edison Harizajn vetëm pak minuta se ai të ekzekutohej bashkë me shokun e tij Genci Caca. Grupi hetimor për vrasjen e dyfishtë mbrëmjen e shtatë nëntorit në Durrës, ka siguruar prova të reja. 19 ditë nga ngjarja, ekspertët arritën të zbërthejnë celularët e faqedjegurit Harizajt dhe të Cacës. Një burim i tha ABC News se po punohet për zbardhjen e telefonatës para atentatit, çfarë i thanë 39 vjeçarit Harziaj dhe cili ishte personi. Ka dyshime që përmes kësaj telefonate ka folur vetë porositësi për vrasjen e Edison Harizajt, por këto mbeten vetëm supozime.

Me çkodimin e celularit të viktimës, janë gjetur edhe mesazhe të shkëmbyera mes Edison Harizajt dhe dy personave të tjerë natën e atentatit. Njëri prej të cilëve eksponent i njohur në boten e krimit në zonën e Durrësit. Përmbajtja mbahet akoma e fshehte për shkak hetimor. Burime nga grupi hetimor dyshojnë se lëvizja e Edison Harizajt dhe Genci Cacës nga Vlora, në Tiranë dhe më pas kthimi nga Durrësi nuk ka qenë i rastësishëm. Porositësit e atentatit, apo vetë autorët kanë ndikuar në lëvizjen e viktimave, duke krijuar mundësinë e ekzekutimit.

Emri i vlonjatit Harizajt sipas hetuesve ka dalë vazhdimisht në ngjarje të rënda kriminale siç është perfshirja në vrasjen e gjyqtarit Skerdilajd Konomi, apo zhdukjen e Albano Xhaferrit në Vlorë. Kurse së fundmi miku i Emiljano Shullazit ishte përfolur si person që nëpërmjet kanosjes u vinte gjoba biznesmenëve të ndryshëm. Veç dyshimeve fillestare për një ekzekutim për hakmarrje referuar ngjarjeve të vjetra, hetuesit tani kanë në dosje edhe konfliktet aktuale që viktima kishte krijuar me të tjerë persona./abcnews.al

TE-ZHDUKURIT-VLORE-1280x720.jpg
ent ela17:09 | 08/09/2018

Dy të rinj që janë kthyer nga Belgjika në muajin qershor të këtij viti janë zhdukur në rrethana misterioze. Babai i Albano Xhaferrit thotë se të birin e kërkoi një person para dy muajsh dhe prej asaj dite familjarët nuk e kanë takuar më 34 vjeçarin.

34 vjeçari që shihni në foto është Albano Xhaferi i cili ka humbur kontaktet me familjen prej 18 qershorit të këtij viti.

Ai kishte pak kohë që ishte kthyer nga Belgjika.

Babi i tij Lufti Xhaferri thotë se ditën që u zhduk erdhi dikush dhe e thërriti. Albano mori të birin që e kishte lënë tek gjyshërit dhe e ka lënë në banesën e tij. Më pas u largua me personin në fjalë.

“Se kush e mori qe i tha hajde që mori djalin dhe e shpuri në shtëpi, e mori djalin e shpuri në shtëpi dhe iku, s’ka marrë as pashaportë as dokumenta, nuk i ka thënë asgjë gruas”.

Familjarët kanë bërë denoncimin në polici, por deri tani nuk dihet asgjë për fatin e 34 vjeçarit. I ati nuk ka dijeni për probleme të Albanos në Belgjikë. Ai thotë se është kthyer me një person tjetër prej andej dhe ky i fundit 20 ditë pas zhdukjes së djalit të tij ka humbur edhe ai.

“Kanë ardh bashkë që nga Belgjika, tani se ka kanë bërë unë s’di gjë. Djalin tim e kanë marrë më përpara 20 ditë më përpara”.

Jashtë kamerave gruaja e Albano Xhaferrit, Daniela ka deklaruar se në Polici i kanë thënë se burri i saj ka ikur me një person të quajtur Klodi.Burime nga Policia e Vlorës  konfirmojnë se nuk janë vetëm këto raste të personave të zhdukur, por ka edhe denoncime të tjera. /abcnews.al

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono