Erdogan shkarkon shefin e statistikave pas raportimeve për inflacionin e lartë

schedule08:27 - 29 Janar, 2022

schedule 08:27 - 29 Janar, 2022

Presidenti turk Recep Tayyip Erdogan ka shkarkuar kreun e Entit Kombëtar të Statistikave,  pas publikimit të të dhënave vjetore të inflacionit. Kreu i shefit të statistikave, Sit Erdal Dinser, u kritikua pas publikimit të të dhënave në fillim të janarit për shkak të rritjes së inflacionit në 36.1%, niveli më i lartë në 19 vite.

Opozita theksoi se kjo përqindje është nënvlerësuar, duke theksuar se rritja reale e kostos së jetesës është dyfishuar. Inflacioni u rrit në më shumë se 36% gjatë një viti në dhjetor, një rekord që nga shtatori 2002, për shkak të rënies së vlerës së lirës turke.

Megjithatë, presidenti turk, nën presion, 18 muaj para zgjedhjeve presidenciale, vazhdon të mbrojë zgjedhjet e tij. I vetëdijshëm për dëmin që po i shkaktohet jo vetëm ekonomisë, por edhe besueshmërisë së saj, Erdogan u zotua në fillim të janarit “të rikthejë inflacionin në nivelet mëparshme sa më shpejt që të jetë e mundur”.

Duke qenë se ato janë objekt i polemikave të ashpra politike: opozita dhe një pjesë e shoqërisë akuzojnë Tüik se ka nënvlerësuar qëllimisht rritjen e çmimeve, të nxitur nga politika ekonomike e presidentit turk që e shtyu bankën qendrore turke të ulë normat e interesit gjatë muajve të fundit.

Erdogan emëroi gjithashtu ish-zëvendëskryeministrin Bekir Bozdag si ministrin e ri të drejtësisë, duke zëvendësuar Abdulhamid Gul.

/abcnews.al