“Një sërë investimesh me qëllim krijimin e kushteve sa më të mira në shkolla do të vazhdojnë në vend.” Kryeministri Edi Rama në një komunikim për mediat, theksoi se për problematikat në shkolla është diskutuar në mbledhjen e sotme zhvilluar në Shkodër, me kryetarët e bashkive.
Gjithashtu Rama theksoi se Shqipëria ndodhet në një tjetër fazë zhvillimi dhe se kërkesa për punëtorë të kualifikuar është në rritje. Po ashtu nënvizoi se qeveria po punon për të krijuar kushte sa më të mira për qytetarët për të jetuar
“Jemi në kushtet e rritjes së kërkesës për punonjës, për punonjës të kualifikuar. Por realisht sot edhe Europa është futur në një fazë lufte për krah punë. Janë shumë shtete që shkojnë kërkojnë 100 mijë apo 200 mijë punonjës. E njëjta gjë edhe në vendet e Afrikës. Por ne kemi paketën e re të mbështetjes për të gjitha kompanitë që të prodhojnë me një vlerë që ju lejon të paguajnë me pagë më të lartë. Sa i përket shkollave kemi diskutuar për të kaluar në një fazë tjetër të krijimit të kushteve që të kemi shkolla të përqendruara që të jenë edhe me konvikte. Po punojmë me pesë konvikte të shkollave profesionale. Kam parë konviktin e shkollës profesionale jopublike në Rrëshen që është një iniciativë e Kishës dhe është një gjë fantastike. Por kanë një konvikt që duhet patjetër të ndërhyhet dhe ne do t’i ndihmojnë. Në këto drejtime që këto janë punët që po bëjmë. Por ne jemi në fazë të re zhvillimi dhe kërkesa për punëtorë të kualifikuar vetëm do të rritet. Patjetër do të ketë paga më të larta, por na duhen dhe njerëz që janë të gatshëm të punojmë. Që shqiptarë largohen kthehen me këtë duhet të mësohemi të gjithë sepse nuk jemi në bunker. Dhe në i kemi parë që se si janë adaptuar dhe që janë qenie kurajoze dinamike dhe duan të shohin lart e më lart. Me këtë mund të bëhet politikë, por nuk i ha njeri këto sepse nuk është çështje qeverie. Ne jemi për të krijuar mundësi të favorshme, por kush dëshironim të rrijë lë të rrijë, kush dëshiron të ikë, kush do ta ndalojë?”, tha më tej Rama.
/abcnews.al/
