emigrantet
eri Ida07:51 | 31/03/2020
Portugalia është vendi i vetëm deri më tani që është shprehur që të gjithë emigrantët dhe azilkërkuesit në këtë shtet do të trajtohen në mënyrë të barabartë me të tjerët porsa i përket kujdesit shëndetsor në lidhje me koronavirusin.
Në vendimin më të fundit të qeverisë portugeze është vendosur që të gjithë emigrantët që ndodhen në territorin e Portugalizë do të trajtohen me të drejta të plota deri më 30 qershor.
Këshilli i Ministrave Portugez shpjegoi se vendimi ishte marrë për “zvogëlimin e rreziqeve për shëndetin publik” të mbajtjes së planifikimit aktual të emërimeve në zyrën e emigracionit, si për agjentët e kufirit, ashtu edhe për migrantët dhe azilkërkuesit.
Portugalia shpalli një gjendje të jashtëzakonshme në 18 mars që hyri në fuqi në mesnatën e asaj dite dhe do të zgjaste për 15 ditë. Kryeministri Portugez Antonio Costa tha gjatë një konference për shtyp se “demokracia nuk do të pezullohet”.
Nga ana tjetër presidenti Marcelo Rebelo de Sousa e quajti pandeminë Covid-19 “një luftë të vërtetë”, e cila do të sillte sfida të vërteta në “mënyrën e jetës dhe ekonomisë” të vendit.Ndërkohë deri më tani në Portugali janë konfirmuar 6.408 raste të koronavirusit, 140 vdekje dhe 43 të shëruar./abcnews.al
ger ta11:51 | 02/03/2020
Nga foltorja e Kuvendit, kryeministri Rama është ndalur edhe njëherë tek amnistia jashtë sistemit. Kjo është nisma më e re e qeverisë ende në fazën e projektimit, ku do të aplikojë një amnisti për të kanalizuar në sistem sipas tij të gjitha paratë e emigrantëve që mbahen jashtë për shkak se nuk i kanë patur të deklaruara.
Rama theksoi se emigrantët të cilët kanë punuar në të zezë, por kanë vënë pasuri të ndershme duhet t’i depozitojnë në banka. Ndërkaq, sipas tij të gjithë ata që i kanë paratë nga krimi janë të pa amnistueshëm.
“Këtë çështje ne e kemi adresuar dhe kemi filluar një betejë. Institucionet e tjera të drejtësisë dhe SPAK janë vënë në lëvizje të plotë. Të gjitha dosjet me kërkesat për sekuestrim po trajtohen nga SPAK. Askush nuk do të shpëtojë nga rrjeta e OFL lidhur me asetet e vëna me krim, por natyrshëm kjo ka krijuar një pasiguri e cila nuk ka bazë sepse OFL nuk ka subjekt të veprimtarisë ata që kanë kryer krime.
Të gjithë ata që janë shqetësuar se kanë para të fituara nga puna në të zezë janë vënë në njëlloj pasigurie. Për të adresuar këtë pasiguri dhe për të njohur të drejtën e atyre që vijnë nga djersa e punës së ndershme, të gjithë emigrantëve që kanë kaluar kufirin, nuk i ka pritur njeri me krah hapur por kanë bërë gjithë çfarë punësh. Këto janë kursime të ndershme për të cilët ne do të hapim rrugën e futjes nëpër banka. Të gjithë ata që i kanë paratë nga krimi janë të pa amistueshëm. Për këtë kategori nuk ka amisti”, tha Rama.
Shefi i qeverisë ka dërguar mesazh të fortë të gjithë biznesmenëve shqiptarë që kanë asete jashtë vendit, të përfitojnë nga amnistia fiskale dhe t’i deklarojnë pasi në të kundërt, do u kushtojë shumë shtrenjtë.
“Pasi mbaron, çdo para e aset që është jashtë sistemit të formalizuar, konsiderohet para kriminale dhe aset kriminal dhe trajtohet njësoj si paratë e asetet e krimit, s’ka më asnjë tolerancë nga shteti, ne po përgatitemi të hyjmë në tjetër nivel që lidhet me nevojën që ka vendi dhe me përputhjen e sistemit të kontrollit që do të kërkohet të regjistrohen, këtu në Shqipëri, asetet e të ardhurat që emigrantët shqiptarë kanë jashtë vendin, e shteti do ketë kapacitetin që të kontrollojë të ardhurat e asetet e shtetasve të vet jashtë vendit. Ndaj gjej rastin ti bëj thirrje të gjithë biznesmenëve me asete jashtë vendit ti deklerojnë duke përfituar nga amnistia, mos bëjnë shaka që mund tu kushtojë shumë shtrenjtë pas përfundimit të amnistisë”, është shprehur kryeministri Rama.
Amnistia tha Rama do përgatitet shumë shpejt dhe pritet të shkojë në parlament edhe pas diskutimeve me grupet e interesit./abcnews.al
in a14:24 | 28/02/2020
Bashkimi Europian i bëri thirrje Turqisë që të përmbushë detyrimet e saj pasi Ankaraja deklaroi se nuk do të ndalojë më kalimin e emigrantëve në Europë, duke bërë që qindra refugjatë të afrohen në kufijtë me Greqinë dhe Bullgarinë.
Vendimi i Turqisë vjen pas vrasjes së 33 ushtarëve turq nga një sulm ajror në Idlib. Ky është dhe bilanci më i rëndë që nga dita e parë e ndërhyrjes ushtarake turke në Siri në vitin 2016, kundër focave siriane të mbështetura nga Rusia.
Në Turqi ndodhen aktualisht rreth 3.6 milion sirianë. Ankaraja ka bërë një marrëveshje me Bashkimin Europian për të ndaluar flukset e refugjatëve për në vendet e Bashkimit Europian, por presidenti turk Erdogan ka kërcënuar se do të hapë kufijtë në mënyrë që ata të vazhdojnë rrugën e tyre.
Zëdhënësi i partisë së Erdogan u shpreh se Turqia nuk do i mbante më refugjatët në territorin e saj pas sulmit në Idlib.
Greqia nga ana e saj ka përforcuar patrullat e policisë në kufirin me Turqinë.
Përveç monitorimit në disa zona të Sirisë, NATO nuk ka një rol të drejtpërdrejtë në konfliktin që ka përfshirë vendi por anëtarët e saj janë të përçarë për sa i përket veprimeve të Turqisë atje. Ndërsa aelatët europianë i shqetësohen një vale të re refugjatësh.
Ministri i jashtëm rus, Sergei Lavrov u shpreh se gjatë një bisede telofonike mes presidentit rus Putin dhe atij turk Erdogan, kreu i Kremlinit premtoi se do të bëhej çdo gjë për të shmangur tragjedi të tilla në të ardhmen. Gjithashtu Putin tha se Moska do të bënte të pamundurën për të mbajtur të sigurtë ushtarët turq në Siri.
Ndërhyrja turke në Siri së bashku me kritikat dhe kërcënimet me sanksione ndaj Ankarasë po shkakton dhe një krizë brenda aleancës ushtarake.
Franca në mënyrë të veçantë shtron pyetjen se çfarë do të bënin aleatët e Turqisë nëse Ankaraja kërkon mbështetjen e tyre duke iu refereuar artikullit 5 të marrëveshjes së Washingtonit. Sipas këtij artikulli të gjithë aleatët duhet të mbrojnë një vend anëtar që sulmohet./abvnews.al
eri Ida18:54 | 26/02/2020
Në Greqi vijojnë protestat e banorëve në dy ishuj në lindje të Greqisë, të cilët kundërshtojnë ndërtimin e qendrave të reja për ndalimin e emigrantëve. Si pasojë e protestave të fundit mediat ndërkombëtare raportojnë se dhjetëra policë grekë janë lënduar në përpjekje për të ndalur protestat e banorëve.
Ishujt e Detit Egje të Greqisë janë një pikë kryesore e hyrjes për migrantët që kërkojnë jetë më të mirë në Bashkimin Evropian. Menaxhimi i fluksit të migrantëve – dhe pakënaqësia në rritje midis banorëve të ishujve grekë po bëhet një sfidë për qeverinë e qendrës së djathtë në Athinë.
Autoritetet lokale shpallën një grevë 24-orëshe dhe organizuan protesta në ishujt Lesbos dhe Chios, për të protestuar kundër planeve të qeverisë, për ndërtimin e qendrave të reja të paraburgimit si zëvendësim për kampet ekzistuese.
Ishulli Lesbos, dhe në një masë më të vogël Chios, çdo vit pranojnë dhjetëra mijëra njerëz që shpëtojnë nga lufta ose varfëria në Lindjen e Mesme, Azi dhe Afrikë. Emigrantët kalojnë nga brigjet e afërt turke me anije të vogla, të siguruara kryesisht nga kontrabanduesit.
Sipas një marrëveshje të vitit 2016 midis Bashkimit Evropian dhe Turqisë, migrantët që arrijnë në ishuj, duhet të qëndrojnë atje derisa të përpunohen kërkesat e tyre për azil dhe nëse këto refuzohen, ata duhet të kthehen në Turqi.
Por, vonesat në procesin e azilit, shoqëruar me fluks të rritur migrantësh, çuan në një përkeqësim të kushteve të jetesës në kampet ekzistuese. Lesbos, me një popullsi të përhershme prej 85,000 banorësh, tani ka më shumë se 21,000 migrantë, sipas të dhënave zyrtare.
Ndërkohë vitin e kaluar rreth 60,000 emigrantë dhe refugjatë mbërritën në ishujt Grek një numër që është dyfishuar sipas Agjencia për Refugjatë e Kombeve të Bashkuara, më 2018./abcnews.al
ger ta17:42 | 19/02/2020
Britania do të mbyllë dyert për personat e pakualifikuar dhe për ata që nuk dinë të flasin anglisht. Si pjesë e një rregullimi themelor të ligjeve të emigracionit, Britania do t’i japë fund epokës së punës së lirë në fabrika, depo, hotele dhe restorante.
Zyra e Brendshme tha që qytetarët e BE dhe jo-BE që vijnë në Mbretërinë e Bashkuar do të trajtohen në mënyrë të barabartë pasi përfundoi lëvizja e lirë në Mbretërinë e Bashkuar-BE më 31 janar.
Labor tha se një “mjedis armiqësor” do ta vështirësonte tërheqjen e punëtorëve.
Por Sekretarja në ministrinë e Brendshme Priti Patel tha kjo përfshinë ata që nuk kanë një profesion dhe që nuk dinë të flasin anglishten.
Ajo shtoi se bizneset gjithashtu mund të rekrutojnë nga tetë milion punëtorë të mundshëm “ekonomikisht joaktiv” në Mbretërinë e Bashkuar.
Po ashtu ajo është shprehur se qëllimi është të rimarrim kontrollin e plotë të kufijve për herë të parë pas dekadash dhe të eliminojmë “një sistem migrator të shtrembëruar nga liria europiane e lëvizjes së lirë”. /abcnews.al
Autor E09:13 | 14/02/2020
Greqia ka filluar të marrë masa të tjera në lidhje me emigrantët ilegalë në vendin e tyre.
Ministria për Mbrojtjen e Qytetarëve po merr shërbimet e një kompanie charteresh për të dërguar pakistanezët në vendin e tyre të origjinës.
Siç raporton Protothema, ata dërgohen nga 20 për çdo fluturim, ndërsa në Greqi është shprehur shqetësimi se kjo ka kosto të mëdha për vendin sepse për një fluturim duhet të paguajnë nga 170 000 euro, shkruan abcnews.al.
Ishujt e Greqisë janë mbushur me emigrantë të paligjshëm gjatë viteve të fundit për shkak të luftrave të Lindjen e Mesme si edhe presionit nga BE për të mos i lejuar që të futën në veri në Europës ku është edhe destinacioni final i tyre. /abcnews.al
nev ila19:36 | 04/02/2020
19 shqiptarë janë kapur nga policia holandeze, pasi ishin fshehur brenda një kamioni në Hoek të Holandës.
Sipas mediave, në kamion ishin 17 burra dhe 2 gra dhe destinacion të fundit kishin Londrën raporton abcnews.al.
Shoferi i kamionit ishte një 47-vjeçar nga Rumania i cili është arrestuar dhe do të mbahet nga autoritetet hollandeze deri në sqarimin e rrethanave.
Ai do të japë shpjegime të detajuar se si kanë mbërritur shqiptarët deri në Hollandë dhe si hipën në kamionin që ai drejtonte.
19 personat e gjetur në kamion ishin fshehur në zonën e rimorkios së kamionit dhe ishin nga mosha 19 deri në 43 vjeç.
Është ë njohur tashmë që shqiptarët në tentativë për tu larguar në drejtim të Britanisë përdorin Kamionët e transportit të mallrave duke u fshehur në to./abcnews.al
ger ta09:27 | 04/01/2020
Vijon fluksi në pikat kufitare të vendit. Pas festave emigrantët po lënë vendin dhe po kthehen në Greqi.
Burime për abcneës.al bëjnë me dije se në Kapshticë kanë hyrë 3125 dhe kanë dalë 5274 shtetas. Në Qafë-Thanë kanë hyrë 3210 dhe kanë dalë 3138 shtetas.
E tillë paraqitet situata edhe në doganën e Kakavijës në Gjirokastër. Në 24 orët e fundit,shërbimet e DVKM Gjirokastër, kanë përpunuar një numër prej 10058 shtetasish në hyrje–dalje, nga të cilët 3872 në hyrje, dhe 6186 në dalje./abcnews.al
ger ta09:54 | 03/01/2020
Pasi kaluan festat e fundvitit pranë familjarëve, emigrantët po kthehehn në vendet e tyre ku punojnë dhe jetojnë.
Sipas të dhënave të siguruara nga abcnews.al mësohet se ditën e djeshme më 2 janar në Kapshticë kanë hyrë 3203 dhe kanë dalë 5832 shtetas drejt Greqisë.
Ndërkohë, në Qafë-Thanë kanë hyrë 3404 dhe kanë dalë 3272 shtetas. E njëjtë paraqitet situata edhe në pikën kufitare të Kakavijës. Gazetari Orgesti Sako bën me dije se po punohet me 4 sportele në dalje dhe 2 në hyrje.
Radha e automjteve është 2 km, ndërsa gjatë 24 orëve të fundit kanë dalë 5700 persona dhe kanë hyrë 250 persona./abcnews.al
ger ta10:15 | 28/12/2019
Festat e fundvitit sjellin në vend edhe emigrantët. Gjatë orëve të fundit ka pasur një fluks të shtuar të emigrantëve që kanë zgjedhur të kalojnë ndërrimin e viteve pranë familjarëve të tyre në Shqipëri.
Abcnews.al mëson se ditën e djeshme, 27 Dhejtor në pikën e kalimit kufitar të Kapshticës kanë hyrë 6003 dhe kanë dalë 2500 shtetas.
Ndërkaq, më orët në vijim pritet që fluksi i emigrantëve që kthehen nga Greqia të jetë në rritje./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
