Elbasani nën “pushtetin” e ujit, “Shkumbini” përmbyt 25 banesa

18:04 | 07/03/202018:040

Me sa duket reshjet e shiut në Elbasan nuk kanë ndërmend të pushojnë. Tashmë rreth 25 shtëpi pranë lumit Shkumbin janë përmbytur nga prurjet e lumit, po ashtu edhe shtëpitë në afërsi të zonës së ish-kombinatit metalurgjik.

E njëjta situatë paraqitet edhe në hyrje të qytetit të Elbasanit, në lagjen “5 maj” ku rreth 15 banesa, janë nën ujë si pasojë e reshjeve të shiut, që ka më shumë se 12 orë që bie pa u ndalur.

Në disa zona siç është ajo në Bugjes, dhe Papër, shtrati i lumit Shkumbin ka dalë duke rrezikur rreth 100 shtëpi.

Siç raporton gazetari Aldo Kozarja për abcnews.al, probleme si pasojë e reshjeve ka edhe në fshatin Hajdaran, si dhe në qytetin e Cërrikut, ku me dhjetra hektarë janë nën pushtetin e ujit.

Sasi të mëdha të reshjeve rrezikojnë daljen dhe të përroit të Gurrës në fshatin Shushicë, si dhe përroi i Kushes në Bradashesh.

Në fshatin Çengelaj-Peqin aty ku është dhe stacioni i matjes së nivelit të ujit, bëhet e ditur se shtrati i lumit po arrin maksimumin, dhe nëse do të hapeshin të gjitha portat e tij, situata nga fshati Çengelaj e deri në grykë-derdhjen e lumit në detin Adriatik, mund të përkeqësohet./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono