Loading ...
Ekspozita “ Ajo nuk bën, por është” rrëfen me gjuhen e videos hulumtimin mbi lakimin e trupit dhe çlirimin e mendjes. Kuratori Vladimir Myrtezai, beson në vërtetësinë dhe risinë që ofron Iva Seferi në skenën e artit pamor.
Iva Seferi, ia nis aty ku e la 10 vite më parë në bankat e shkollës. Kësaj here ajo shfaqet me një ekspozitë, provokuese dhe të guximshme në galerinë FAB. Artisti bashkëkohorë dhe pedagogu i saj Vladimir Myretzai beson fort në vlërat e saj artistike.
Sa shkel në galeri FAB, të vijnë tinguj, e jehona të brendshme njerëzore, gati gati të përngjashme me bishën, këtë e pranon edhe vetë artistja.
Kjo ekspozitë në thelb nuk është vetëm mishërim i trupit të lakuar, por edhe i mendjes.
“Nuk e ndaj mendjen nga trupi, mendja dhe trupi është një, është e plotë, nuk dua të shihet vetëm objektivisht. Unë nuk i vë kushtë publikut, por në refleksionin tim ka qënë e tillë”, shprehet ajo.
Në qendër të ekspozitës shaqet dualizmi femrorë, i cili në pikpamjen e parë provokon, por nga ana tjetër sjell edhe të kundërtat e dy karaktereve.
“Në zemër të ekspozitës është femra, femra e parë deri në dimensionet më të ashpra të saj”, shprehet ajo.
Megjithëse Myrtezai e cilëson si artiste që ka alfabetin e saj, me një tjetër A dhe Zh, nga ku po ndërton fjalitë e para pamore, me risi, për vijimësin shprehet kështu.
“Këto lloj natyrash janë të paprashikueshme, kjo është e papritura, janë disa personazhe që përpiqesh ti mendosh”, shprehet ai.
Ekspozita “ Ajo nuk bën , por është”do të qëndroj e hapur deri më 23 dhjetor ne galerin FAB./abcnews.al
