Gjysma e Shqipërisë në karantinë: Bllokohen qarkullimi si edhe hyrjet e daljet nga qytetet kryesore

schedule11:26 - 12 Mars, 2020

schedule 11:26 - 12 Mars, 2020

Pas përhapjes së virusit i cili ka prekur edhe Shqipërinë, qeveria ka futur në karantinë Tiranën dhe Durrësin të paktën gjatë kësaj fundjave. Përpara pak minutash Rama ka njoftuar përmes një njoftimi në Facebook se makinat private nuk do të qarkullojnë nga dita e premte ora 06.00 deri ditën e premte në mesnatë në Tiranë dhe Durrës.

Ndërkohë gjithashtu është njoftuar se nga e premtja në 06.00 deri të dielën në mesnatë do të mbyllet qarkullimi i automjeteve private dhe urbanëve në Shkodër, Lezhë, Elbasan, Lushnje, Fier dhe Vlorë.

“Këto masa ekstreme kufizimi të lirisë së qarkullimit janë domosdoshmëri për të mbrojtur çdo qytetar, çdo familje dhe vetë Shqipërinë nga përshkallëzimi agresiv i sulmit të koronavirusit mbi ne dhe të afërmit e të njohurit tanë”, shkruan kryeministri.

Ndalimi do të jetë: 

-Nga e premtja 6 deri të dielën në mesantë, ndalohet hyrja dhe dalja në Tiranë dhe Durrës, e të gjithë automjeteve urbane dhe ndërurbane.

-Nga e premtja 6 deri të dielën në mesantë, ndalohet qarkullimi hyrës dhe dalës, me makinat private në Tiranë dhe Durrës gjithashtu edhe brenda për brenda qyteteve.

-Nga e premtja 6 deri të dielën në mesantë, ndalohet qarkullimi i makinave brenda në qytet, hyrjet dhe daljet në qytet, në qytetet Shkodër, Lezhë, Elbasan, Lushnje, Fier dhe Vlorë.

-Qarkullimi në këto rrethe do të lejohet vetëm për ambulancat dhe shërbimet e posaçme, siç janë makina që shërbejnë për funksionet shtetërore, dhe transportet e mallrave.

Njoftimi i plotë:

NDJESË 1000 HERË PO KJO LUFTË NUK FITOHET NDRYSHE?

? NGA E PREMTJA NË 06.00 DERI TË DIELËN NË MESNATË DO TË MBYLLET QARKULLIMI I AUTOMJETEVE PRIVATE DHE ATYRE TË TRANSPORTIT NDËRURBAN, DREJT TIRANËS DHE DURRËSIT APO ANASJELLTAS NGA TIRANA DHE DURRËSI DREJT ZONAVE TË TJERA TË VENDIT

? NGA E PREMTJA NË 06.00 DERI TË DIELËN NË MESNATË DO TË MBYLLET QARKULLIMI I AUTOMJETEVE PRIVATE NË TIRANË DHE DURRËS.

? NGA E PREMTJA NË 06.00 DERI TË DIELËN NË MESNATË DO TË MBYLLET QARKULLIMI I AUTOMJETEVE PRIVATE DHE URBANËVE NË SHKODËR, LEZHË, ELBASAN, LUSHNJE, FIER DHE VLORË

? QARKULLIMI NË KËTO TERRITORE DO TË JETË I HAPUR VETËM PËR AUTOAMBULANCAT, AUTOMJETET QË KRYEJNË FUNKSIONE SHËRBIMI SHTETËROR DHE ATO QË TRANSPORTOJNË MALLRA

? KËTO MASA EKSTREME KUFIZIMI TË LIRISË SË QARKULLIMIT JANË DOMOSDOSHMËRI PËR TË MBROJTUR ÇDO QYTETAR, ÇDO FAMILJE DHE VETË SHQIPËRINË NGA PËRSHKALLËZIMI AGRESIV I SULMIT TË KORONAVIRUSIT MBI NE DHE TË AFËRMIT E TË NJOHURIT TANË

? KY ËSHTË NJË “GRIP” QË DO TË PREKË SHUMË PREJ NESH! 80% E ATYRE QË DO TË PREKEN DO TA KALOJNË PA ASNJË SHENJË. KJO DO TË THOTË SE GJITHKUSH NGA NE MUND TA KETË, PRANDAJ EDHE PSE NUK NDJEJMË ASGJË, NA TAKON TË GJITHËVE TË MBROJMË TË MOSHUARIT E TË SËMURËT RROTULL NESH, SEPSE PO E TRANSMETUAM TEK ATA U KEMI “ BËRË PESHQESH” NJË HALL TË MADH

? NDËR ATA QË KANË SHENJA, JANË SHUMË MË PAK ATA QË BËHEN PËR SPITAL, SEPSE SHUMICA E KALON ME SIKLETET E NJË GRIPI TË ZAKONSHËM DHE NDËR ATA QË PËRFUNDOJNË NË SPITAL SHUMICA SHËROHEN, POR PRAPËSEPRAPË ASKUSH NGA NE NUK MUND DHE NUK DUHET TË VERË BAST ME PROBALITETIN TEJET TË ULËT QË AI/AJO APO I AFËRMI I TIJ/SAJ TË HYJË TEK ATA QË MUND TË HUMBASIN EDHE JETËN! NË ASNJË MËNYRË JO. KURRËN E KURRËS!

? FRIKË ASPAK, KUJDES PO! SHUMË FARE MADJE!

? KAM BESIM DHE KINI BESIM: NUK KEMI NË DORË TA VRASIM ARMIKUN E PADUKSHËM QË NA RROTULLOHET TË GJITHËVE, DUKE KËRKUAR PENGJE NË SHTËPITË TONA, PO KEMI NË DORË TA LODHIM DERISA TA MUNDIM DUKE NDIHMUAR NJËRI-TJETRIN DHE ME NDIHMËN E ZOTIT, TË DIELLIT E TË RRITJES SË TEMPERATURAVE!